لاڤندر .

11

لاڤـندر ..
لزهـراء أل عـلي .
-----------
- تفاعلو .

أيلين : اجتني امي گعدت يمي واني خليت راسي على رجلها وهيه تلعب بشعري ، گالتلي بصوتها الحنين ..

ام أيَهم : تدرين بي يحبج و يعزج بس تعرفين جدي شيخ وما يهمه شي غير سمعته گدام الوادم و ديوانه .

أيلين : اريد ارتاح من ڪُلشي يُمه ، خلي نروح للامام علي مشتاقه لضريحه .

ام أيَهم : ان شاء الله بلليل اكل لابوج ، هسه انتِ نامي و ارتاحي ما وراج شي حتى الصبح ما نگعدج ويانه .

أيلين : بعد احسن .

باستني براسي و گالت تصبحين على خير و طلعت ، دخلت هبه وراها بدلت و اجت نامت يمه و حضنتني ، خليت راسي على صدرها و نمنه ..

گعدت الساعه بـ12 الظهر و جان راسي ڪُلش يوجعني ، صفنت على روحي و استوعبت شگدد نمتت ! ، نمت من الـ2 الظهر لثاني يوم الـ12 !..

واني صافنه دخلت هبه تصيحلي ..
هبه : الف الحمـد اللـهَ طلعتي عايشه ؟!، يمعوده عبالنه متي والله شهل النوم ؟

أيلين : والله ادري اني هم مصدومه .

هبه : دگومي گالتلي امج اگعدج لان راح ترحون للزياره .

أيلين : اصبري بعدني ماعرف منو اني .

نزلت لغرفة امي و ابوي دگيت الباب و دخلت لگيت أيَهم موجود ، گال ابوي اول ما دخلت ..

أبو أيَهم : عاش من شافج

أيلين : وانتَ العايش ، يُمه صدك راح نروح للزياره ؟

ام أيَهم : اي يمه روحي اكلي غداج و بدلي حتى نطلع .

أيلين : بس احنه ؟

أيَهم : لازم تردين العشيره كلها تروح ويانه ؟

أيلين : لٱ بس ما گلتو لبيبي تروح ويانه .

أم أيَهم : گلتلها و ما قبلت تگول مابيه حيل و سيارة أيَهم عاليه ما تگدر تركبها و تنزل منها .

أيلين : زين يُمه يبقى عدنه كرسي فارغ خلي تروح ويانه هبه ؟

ابو أيَهم : روحي گليلها خل تبدل همين .

أيلين : ماشي رايحه .

نزلت لجوه للمطبخ لان جنت حيل جوعانه ، لگيتهم عايفين حصتي گعدت اكلتها و اكلت فوگاها .. و رجعت لغرفتي لگيت هبه واگفه تمشط بشعرها الطويل ، گلتلها بحماس ..

أيلين : شو بعدج ما مبدله ؟

هبه : ليش شكو ؟

أيلين : غير راح نروح للزياره .

هبه : اي اعرف بس انتِ و اهلج اني شعليه و ابدل ؟

أيلين : راح تروحين ويانه ،