دي نوت بسؤال بسيط ومحتاجين منه إجابة من الست اللي بتكتب الرواية اللي مش راضية تخلص
-ايه المميز في الرواية يعني تخليها تفضل تنزل فيها كل ده؟
-الكاتبة دي بتتأخر ومش بتلتزم بالمواعيد الأحسن تبطل كتابة
-ليه التأخير؟ كل ده عشان تكتبي فصل؟!!!
-أنا وقفت متابعة الرواية عشان الكاتبة بتتأخر والستات اتهانت في الرواية دي
-أنا بكره الرواية...
-رواية تدعوا للتعدد
-ياريت اللي مش قد الكتابة ميكتبش
**************************
الحقيقة دي الكومنتات اللي بتجيلي سواء هنا أو جروب الفيس، وبصراحة المعظم معاه حق لإن فعلاً التأخير زاد عن حده واللي بتكتب دي شكلها فكرت ان المجال مفيهوش غير روايتها اللي هتتابع مثلاً فبتتقل
لكن الحقيقة مكنتش كده خالص....
أنا حصلت لي ظروف في ٢٠٢٢ خلتني أتوقف تمامًا عن الكتابة وممارسة أي نشاط بحبه وتفرغت تمامًا للدراسة والبيت عشان خالتي تعبت وماما كانت معاها في المستشفى وده قعد من شهر٦:١٢ يعني ست شهور بالظبط
وبعدين خالتي الجميلة توفاها الله "رحمة الله عليها وغفرانه" وانا دخلت في حالة من الحزن الشديد جدًا فطبيعي مكنتش فاضية اكتب ولا ليا نفس والرواية كلها بؤس وناس بتطلق وناس بتتجوز فبردو وقفت
بعدين كنت أخر سنة كلية وكان ترم تقيل جدًا جدًا، فبقيت اذاكر واهتم بدراستي والحمد لله اتخرجت ✨
ولما رجعت من اسبوعين نزلت الفصول اللي كتبتها والحمد لله كان رد الفعل كويس ورضيت بيه❤️
انا مش جاية ابرر حاجة ولا اقول استحملوني، بس قبل ما تكتبي الكومنت وتجري حطي واحد من عشرة نسبة احتمال إن اللي بتكتب وتنزلك الفصل اللي بتقريه في ربع ساعة عندها ظروف، حالتها النفسية مش مساعداها زي ما كتير منكم بيأجل يقرأ الفصول لحد ما نفسيته تتحسن!
أما بقى بالنسبة للحبكة فلما الرواية تخلص وتلاقيني مجبتش حق ولا واحدة ابقي اتكلمي وده أخر رد ليّا في الموضوع ده❤️
أه صحيح... لو أنا مش قد الكتابة مكتبش دي حاجة تخصني أنا متفكرش إني جيت وخدت رأيك هل أكتب أو لأ، لو الحبكة او الكاتبة مش عاجبينك في روايات تانية أحسن من روايتي الف مرة 🌸
وفي النهاية الفصل الخمسة وعشرين بيتكتب، وزي ما بقالنا فصلين في مفاجأت الفصل الجديد بردو هيكون فيه مفاجأت جديدة🫣 وربنا يستر😂♥️
بحبكم جدًا وبحب كومنتاتكم اللي شجعتني، وكفاية انكم طلعتوني من الحالة اللي كنت فيها ورجعت عشانكم💜💜💜💜
دي صورة رابحة حد نزلها على الجروب تخيل ليها🥺
اللي عايز يدخل الجروب اسمه
"روايات سارة عاصم"
صحيح بردو معرفناش..... ماذا نفعل بالكاتبة المتأخرة؟🫢😁
أنت تقرأ
ما الهوى إلا لسلطان
Romantizmأودعت إليك حبًا مُزخرفًا بالورود كلما أوشكت أوراقه على الذبول سقيتها من فيض مشاعري بينما مننت عليّ بنظرة بئس القلب الذي أحبك
