امي اتكلمي مع ولدك ده قبل اكفتو ليك ي امي اتكلمي معاهو ي بت هي مالك هسي وانت كمان ي صهيب اديها حاجاتها ي امي خلاص خليها تديني منهم شويه،،،،وااايييييي ي امي خلصهم لي ي امي خلصهم انتِ عبيطه تتدردقي في الارض كده؟؟قمت من الارض و اديتو كف ولبعتو صراحه كنت متغايظه منو شديد واللبعه جاتو حاره😂امي جرت وراي عشان تضربني م كنت عارفه امشي وين م لقيت حل الا اطلع الشارع طلعت الشارع و امي واقفه جنب الباب وبتقول لي ح تدخلي ولا اقفل عليك الباب وانا بتلفت في الشارع في ولد كان جاي على بيتنا كان بعيد شويه لكن مع الشمس بيسوي كدي،،،كنت مركزه معاهو و امي بتنقنق م شغاله بيها الولد كل م يقرب بركز معاهو اكتر وصل لحد بيتنا بالنهايه طلع ده معتز صاحب اخوي الكبير قلت ليهو ده انت؟عاد ي يمه باقي سمح سماحه والنظافه قاتلاك امي بتحمر لي قال لي انتِ قاعده في الشارع كده مالك؟قلت ليهو حسبي الله الزول بيبكش ليك بس عايز تتنفر تقول عاقد علي امي قالت لي قومي ادخلي جوه ي بت،،،،،قال لي قومي قومي سريع يلا قومي دخلت جوه سامعاهو بيقول لي امي صدقي قاعد؟امي قالت ليهو لا والله طلع قال ليهو خلاص تمام و مشى وانا بفكر في سماحتو عاد سماحتو م شاء الله بس❤️
انا خنساء حالياً عندي اختين وحده اكبر مني معرسه و بي اولادها اسمها خلود و واحده اصغر مني بي سنه لمياء و تلاته اخوان واحد معرس اسمو خالد و واحد اكبر مني برضو اسمو صدقي و التالت اخر العنقود اسمو صهيب احنا كلنا كده م شاء الله سته،،،،
قصتي مع معتز صاحب اخوي من الطفوله ح اكمل القصه البديتها فوق و الوقت داك انا كنت في تانيه ثانوي،،،
وانا سرحانه بفكر فيهو امي جات لبعتني اتخلعت م رديت عليها تاني لبعتني قلت ليها ياخ ي امي ياخي م تلبعيني كتير ياخي ياخي قالت لي بتلبعي اخوك ليه؟قلت ليها احسن بلبعو تاني ح البعو بيشيل حاجاتي ليه؟؟قالت الله يطفشني من البيت ده الله يطفشني بس قلت ليها تطفشي وين عندك زول بتحبيهو غير ابوي ولا كيف؟حمرت لي ضحكت وقلت ليها ابوي ح يجي و ح اكلمو ليك اصبري بس فلقتني بالشبشب وقالت لي قومي تقوم قيامتك بركة الله قومي من هنا طيري من جنبي قمت مشيت وانا بضحك،،،،انا في حلتنا كلها مف زول م بيعرفني و كلمهم عارفني مسترجله شويه وبيقولو لي جعفر كم ولد بيقول لي عايز رقمك وانا زي الهبله بكلم اخوي عشان كده بتزكر اخر مره ولد قال عايز رقمي كنت في تامن و اخوي شاكل الولد و للان مف ولد قال عايز رقمي او حاول مجرد محاوله😂
انا و في تانيه ثانوي كانت اخر امتحانات رجعت من المدرسه و طوالي رقدرت نمت لحد المغرب وم صحيت الا بي صوت امي بتقول لي قومي معتز ده جاء و قال اخوهو عايز كراسك بتاع الفيزياء،،،طبعاً معتز عندو اخوهو بيقراء في تانيه ثانوي معاي و في نفس المدرسه
طلعت وانا زهجانه مشيت جنب الباب قلت ليهو مالك خير؟؟واصلاً انا واخوك بنقرا في نفس المدرسه لكن يمكن م بيدرسهم نفس الاستاذ شنو جاي عايز كراس فيزياء واخوك محنن؟م يجي يشيلو براهو قال لي بسم الله قلت ليهو ي زول بقفل فيك الباب هسي قال لي دقيقه دقيقه وطي صوتك اول شي اتلفت جمب الباب و قال لي مهند م قال عايز كراس ولا شي بس جيبي الكراس و اكتبي رقمك في الكراس طيب؟قلت ليهو شنو؟قال لي وطي صوتك و جيبي الكراس و بي وراء اكتبي الرقم يلا امشي فالحه بتي فالحه امشي ضحكت و مشيت فعلاً كتبت الرقم بي ورا و اديتو الكراس قال لي سمحه دي اختي جات وانا بقفل الباب و بتبسم قالت لي اللهم خير مالك بتتكشمي كده؟ وده منو الكان واقف في الباب قلت ليها م يخصك و دخلت و انا بغني امي قالت لي تعالي هنا م اشتغلت بيها و دخلت الغرفه شلت التلفون فجاه سامعه صوت امي جايه ووكمان شايله الشبشب ركبت فوق السرير وانا بقول ليها مالك هسي؟؟قالت لي انا مش بناديك؟وكمان نازله امتحانات بعد كم يوم و شايله التلفون؟؟ومن تجي من المدرسه زي الطالب البليد تنومي اصبري لي ابوك وهسي جيبي التلفون ده هنا قالت ليها خلاص بدخلو في دولابي م تهبشي حاجاتي خلاص والله معليش وتاني لو ناديتيني برد عليك والله ي امي قالت لي جيبيهو قلت ليها مف عديل م بديك ليهو حمرت لي و طلعت دخلت التلفون في دولابي سريع و طلعت ليها قلت ليها اها ي نهلة بتناديني ليه؟قالت لي بعد شنو؟قلت ليها خلاص امشي؟م ردت دخلت الغرفه وقفلت الباب طلعت التلفون من الدولاب باب الغرفه بدا يدق دخلتو تاني ومشيت فتحت الباب لقيتها لمياء قلت ليها مالك؟خير عايزه شنو؟قالت لي الغرفه دي م حقتك براك زحي كده عايزه ادخل دخلت وتاني قفلت الباب قالت لي افتحي الباب قلت ليها شوفي تتكلمي كتير بشوتك بره الغرفه وبقفل الباب عليك فاهمه؟سكتت فتحت الدولاب وطلعت التلفون وهي بتعاين لي لما فتحت الواتساب لقيتو مرسل لي يحلوه بديت اضحك و كمان بضحك بي صوت عالي و شويه اخت التلفون واضحك وتاني اشيلو لمياء جات جنبي و شافت الرساله قالت لي ده منو؟؟م رديت عليها وانا لسه كنت بتكشم ردت وقالت يهلا،،،انت منو؟
انا م منتبها لها انتبهت لقيتها شايله تلفوني ضربتها وشلت منها التلفون هو رد يعني معقول م عرفتيني؟رديت ليهو لا اكيد عرفتك😂❤️
لمياء سالتني ده منو؟قلت ليها ياخ معتز قالت لي سجمك لو صدقي عرف ح يقتلك قلت ليها م ح يعرف ياخ اسكتي م تكلمي زول عايزه تتكلم قلت ليها خلاص نقفل الموضوع هسي صهيب الفتان ده ح يجي و لو عرف ح يزيع الخبر
معتز ده صاحب اخوي شديد و بيقرا في الكليه الحربيه و حتى اخوي بيقرا في الكليه الحربيه،،،،صحبو من زمان شديد قرو مع بعض من هم صغار انا كبرت و ومن قمت في الدنيا بعرف معتز و من انا وصغيره كنت بقول ح اعرس معتز،،،،ساكنين قريبين مننا لكن م شديد،،،
انا واخوهو صح بنقرا في نفس المدرسه ف هو كل يوم بيوديهو بالعربيه و بيوديني انا كمان معاهو،،،،اخوهو ده مدلع و وهمي شويه السنه كلها بيتدلع و م بيطلع كتير بس قاعد في البيت بيقرا ي بيحضر ي شغال بالتلفون لو لقيتو في الشارع نادر شديد القاهو،،،
في يوم واحنا راكبين في العربيه و ماشين المدرسه نسيت كتابي بتاع العربي و نازلين امتحان عربي قلت لي مهند اديني كتابك لحظه اراجع قال لي انا بقرا منو قلت ليهو الجنا ال وهمي ده م عايزه زاتو اقرا ان شاء الله تقفل م رد علي معتز ضحك وانا بعاين لي مهند منتظراهو يرد عشان اردح ليهو م رد قلت ليهو عبيط ده معتز قال ليهو هو وبيضحك ي مهند اديها تراجع شويه قال ليهو ي زول هي احسن مني؟قلت ليهو كويس كويسس م عايزه اصلاً اها اقرا ان شاء الله تجي الاول بعد ده كلو قال لي انتِ زاتك لو م مهمله بتنسي الكتاب في البيت ليه قلت ليهو قفل بالله واقرا يلا معتز كان بيضحك لما وصلنا المدرسه مهند نزل وانا عايزه انزل قال لي دقيقه عاينت ليهو قال لي مشتاقين ضحكت قال لي يعني انا اكبر منك بي اربعه سنين صح؟قلت ليهو يمكن قال لي خلاص تخلصي تالت و اعقد عليك طوالي و تقري الجامعه في بيتنا الوقت داك م عرفت ارد بقيت بتبسم و بطقطق اصابعي ضحك وقال لي اسمعي بعدين م تمشي انتظريني اجيك كويس؟؟قلت ليهو تجيني وين؟قال لي المدرسه قلت ليهو لا انت م نصيح ي زول نصهم ساكنين في حلتنا لو شافوني كيف؟قال لي بنتظرك بي الشارع التاني تمام؟؟م رديت قال لي اتفقنا؟قلت ليهو طيب و نزلت
يتبع......
