المره قالت لينا اي احسن تتفضلو تطلعو بره الراجل اداها كف، قالت ليهو تضربي انا ي الصادق و بقت تعلي صوتها و تتشاكل و عاينت لي و قالت اصلو القصر فتنه ي حكمة و لزتني عبد العزيز قال ليها بي صوت عالي لحد هنا احنا كويسين قلت ليهو عليك الله ي عبد العزيز يلا نطلع م عايزين مشاكل احنا ي عبد العزيز يلا،طلعتو بي الشده و مشينا الجنينه قلت ليهو من اول يوم كده؟لو كنت عارفه ده كلو ح يحصل م كنت ح اجي والله،هم ليهم حق ي عبد العزيز يتضايقو مني يعني هي بتها كانت ح تعرسك بعد اسبوعين و انا خربت اي شي قال لي م بتعرفي شي اسمو قضاء و قدر؟م قريتي انتِ م بتعرفي الدين؟ياخ قسمتي م معاهم معاك انتِ انا عايزك انتِ،قلت ليهو خلاص روق ي عبد العزيز اصلا انا الموضوع م بيفرق كتير معاي،،،في الشجر كان في حبل معلق كانو طوطاحه شلت مخده و مشيت ركبت و بقيت بلعب بيها و عبد العزيز كل مره يعاين لي و يقول لي ح تقعي ي خنساء،،قعدنا مسافه و م كان في زول فينا بيتكلم قلت افتح موضوع و قلت ليهو عبد العزيز انت عارف نفسي في شنو؟قال لي اها قلت ليهو نفسي في فته فول قال حامل ولا شنو قلت ليهو لالا بعيد الشر و سرحت معقول حامل؟لالا ياخ لكن عندي طمام من الصباح و بطني قالبه،ياخ يمكن عشان م اكلت من الصباح شي،ي رب م حامل ي رب م اكون حامل،عبد العزيز جا و بقا يلزني قلت ليهو هسي زول بيجي ماري و يتكلم فينا قال لي و فيها شنو؟مش مرتي؟بقينا نتونس و كان بيلزني قلت ليهو مف صيدليه هنا؟قال لي في لكن زي الوقت ده م بيكونو فاتحين ليه؟قلت ليهو اااا ساي قال لي كيف يعني ساي؟قلت ليهو م ضروري تعرف اي شي قال اوووووو كلام عجيب ضحكت،فضلنا نتونس و الاولاد اصلا وين م عارفنهم😂قال لي خنساء تعالي ناكل قلت ليهو م عايزه انا بس ي عبد العزيز بعد العشاء لو الصيدليه فتحت نمشي حاضر؟قال لي حاضر حبيبتي لكن مالك انتِ؟قلت ليهو عافيه ي عبد العزيز عافيه،انا اقوم اعمل ليك اكل،قال لي براي ح اكل ؟وين الاولاد؟قلت ليهو والله علمي علمك،ضحك و قال اتعودو خلاص،قلت ليهو خلاص تعال معاي المطبخ عشان م عايزه امشي براي،قال لي خنساء م تخافي م تخلي زول يحقر بيك سامعه؟؟قلت ليهو عبد العزيز ده م بيتنا لكن قال لي البيت بيتك و انتِ م غريبه ي خنساء انتِ مرتي
مشيت المطبخ و كان اي شي جاهز بس عبيت الاكل في الصحان و قعدنا في الحوش هو بياكل،هزار و هزاع جو داخلين قلت ليهم كنتو وين انتو؟وسخانين كده جايين من وين؟هزاع قال لي كنا في الميدان و ماشو يغسلو يدهم عشان ياكلو قلت ليهم بي وسخكم ده م ح تاكلو حبايبي احميكم اول و بعدها تاكلو طيب؟قالو لي لا ح ناكل عبد العزيز قال لي خليهم ي خنساء،خليتهم قعدو اكلو مع ابوهم و انا كنت جنبهم،،،،وقت العشاء عبد العزيز قال لي امشي و اجي من الصلاة و نمشي الصيدليه ،انتِ من الصباح م اكلتي شي؟قلت ليهو لا قال لي خنساء بتبالغي لكن ،قلت ليهو عندي حمى و راسي بلف ي عبد العزيز م بعرف شكلو ح امرض قال لي خلاص نمشي نفحص بعد اجي قلت ليهو لا م ضروري قال م باخد رايك انا ،شنو ال م ضروري؟لما عايز يطلع قلت ليهو م تتاخر قال لي النسوان عادي بيجو العشاء كنت عايز اسوقك لكن انتِ عيانه بعد تبقي كويسه تمشي قلت ليهو حاضر حبيبي، طلع و فعلاً بعد العشاء جا و مشينا المستشفى،طول الطريق و انا بقول ليهو عبد العزيز م ح افحص بس ح امشي الصيدلية م اشتغل بي بعد وصلنا قال لي ح تفحصي ي خنساء م تكتري كلامك،قبل افحص دخلنا لي الدكتور العمومي،وصفت ليهو اعراضي قال لي يمكن تكوني حامل
فحصنا الحمل و طلعت حامل للاسف،عبد العزيز من الفرحة كان بيضحك براهو،كنت قاعده في بينشات المستشفى و ببكي و هو ولا شغال بي اصلا،كان الدكتور كاتب روشيتا قال ليهو يمشي يشتري ادويه من الصيدليه،لما جا من الصيدليه قعد جنبي و قال بتي حبيبتي م تزعلي انا معاك،و زي م المره الاوله قدرتي المره دي ح تقدري و انا معاك م تخافي من شي،قلت ليهو صعب والله صعب علي ي عبد العزيز المره دي انا ح اموت والله قال لي بعيد الشر ي خنساء،طلعنا من المستشفى و ركبت العربيه و هو م كان ركب احنا و في طريقنا عشان نركب العربيه وقف مع واحد شكلو بيعرفو من زمان كان بيتونس معاهو و انا في العربيه ببكي،ختيت يدي في بطني و قلت ح تكون بت؟عبد العزيز جا قلت ليهو م تكلم زول هسي ي عبد العزيز،قال لي ليه؟م رديت مسك يدي و قال "خنساء ده م اخر حمل و برضوا م اول حمل ي حبيبتي،انا معاك، و ح نجيب لسه اولاد كتيرين لكن امهم دائماً ح تفضل طفله في نظري"قلت ليهو عبد العزيز لكن بعد الحصل انا والله خايفه ي عبد العزيز حضني و قال بتخافي ليه و انا معاك؟
رجعنا البيت و كان السراير مفرشه في الحوش قلت ليهو ح ننوم هنا؟قال لي اي انا طلبت كده في مشكله؟ندخل جوه؟قلت ليهو لا،رقدنا و انا كنت في حضنو عاينت لي السماء و قلت ليهو النجوم كتيره شديد،قال لي عارفك بتخافي من القمر الكامل و النجوم الكتيره م بعرف ليه،قلت ليهو سبحان الله عندنا في بلدنا لما القمر يكون كامل بيكون الضوء شديد سبحان الله،ضحك و قال ده الشي البيخوفك يعني؟قلت ليهو يمكن لكن انا م بخاف،برد صح؟سمعت زول بيكح رفعت راسي و قلت ليهو في زول نايم بالجهة التانيه ي عبد العزيز ؟قال لي يمكن طوالي زحيت يدو مني و زحيت من حضنو و قلت ليهو احنا بي اعتبارو هسي قاعدين في سهله ساي عيب،ضحك و جراني عليهو و قال مش مرتي؟قلت ليهو اي مرتك لكن عيب ي عبد العزيز قال لي خلينا من ده هسي انتِ حامل؟ ياخ م مصدق عديلل قلت ليهو حتى انا م مصدقه والله يمكن م حمل قال لو م حمل زاتو حمل ضحكت و قلت هو على كيفك زاتو م عايزه انا،الصباح صحيت بي اصوات ناس بتمشي جنبنا و انا كنت في حضنو كالعاده ،زاتو خجلت و زحيت منو و اتغطيت حتى وشي😂قلت انتظرو يصحى الشمسه طقت فينا و هو لسه نايمه قلت انتظرو كمان شويه و هو لسه نايم دخلت يدي في بطانيتو و قرصتو قام و قال مالك ياخ بكفتك هسي خليني انوم،سمعت خالتو عواطف بتقول عبد العزيز قوم كفاك نوم شوف الشمس دي وصلتكم م بتحس انت؟عملت نفسي صحيت و رفعت البطانيه من وشي قبلت عليها فجاة عبد العزيز لبعني و بيقول بتقرصي مالك انت،زاتو م عرفت اقول شنو خجلني زياده😂😂
في العصر كده قلت ح احمي الاولاد و كانو بيعاندو ،مسكت واحد و بعد حميتو التاني عايزه امسكو جرا مني و انا كنت جاريه وراهو فجاة دخل في مكان كلو رجال،و انا م كنت لابسه توب بس بي الجلباب و عبد العزيز كان قاعد حمر لي حسيتو شويه و يفقلني بي اي شي جنبو طوالي طلعت سريع سريع بعد اقل من نص ساعه عبد العزيز جاني و كنت قاعده في الجنينه قال لي خنساء اسمعيني كويس تاني القاك من غير توب بكسر راسك والله،م رديت عليهو ماري جنبي عشان يطلع و وراهو هزار مسكتو و لبعتو قلت ليهو اقول ليك تعال احميك بتتلايق مالك؟عبد العزيز فكاهو مني و قال لي م تضربيهو و ساقو معاهو بره،هزاع جا طالع و قال لي ركبيني في الطوحنيه ي بطه ركبتو و بقيت بلزو و هو بيضحك كل مره كنت بنبهو امسك كويس ي هزاع فجاه الولد حسيت بيهو طاير و دق الارض
يتبع.....
