عايز يطلع مشيت ليهو جنب الباب وقلت ليهو مالك؟قال لي كمان بتسالي؟؟ياخ اسبوعين م بتكلم معاك لما اقلق عليك و اجي اشوفك تكوني نصيحه و م فيك شي بس مزاج منك م داخله الواتساب قلت ليهو خلاص معليش هسي بدخل قال لي بالله تاني م تسوي كده قلت ليهو طيب و مشا دخلت الغرفه و فتحت التلفون لقيت منو 68 رساله في الواتساب😂❤️
عدت الايام و في يوم كان الجو حلو شديد و المطره كانت ح تصب كنت بتكلم معاهو قلت ليهو عارف لاني بحب المطر مولوده في سبتمبر قال لي خلاص اركبي السطوح قلت ليهو ليه؟قال لي انا اصلاً طالع السطوح تعالي اطلعي انتِ كمان لبست التوب و جريت على السطوح😂😂قلت ليهو الجو حلو قال لي زيك كده سبتمبر الجاي ح نكون في بيت واحد حبيبي قلت ليهو قلت ليهو ايوه صح الاجازه قربت تخلصو المدرسه ح تفتح قريب و ان شاء الله ح اخلص من تالت و نكون مع بعض قال لي ان شاء الله و فضلنا بنتونس
فعلا الايام عدت و انا نزلت تالت هو كان شغال اضافي بيقول لي عشان ننجز قريب و م كان متفرغ لي زي زمان يعني اغلب الوقت بيكون شغال،،،،،خلصت من تالت حمدلله في يوم اتصلت عليهو كان الوقت زي الساعه 8 بالمساءكده قلت ليهو معتز م نفسك نطلع؟؟قال لي هانت ي خنساء كمان كم يوم ونطلع علني و اكون خاطبك قلت ليهو لا هسي قال لي هسي انا شغال عشانك عشانا احنا الاتنين انتظري حبيبي قلت ليهو كويس كويس و قفلت الخط اتصل علي م رديت تاني اتصل رديت قال لي بعد نص ساعه بجي اجهزي كويس؟قلت ليهو طيب و قفلت المكالمه و فعلا انا جهزت لحد جاء،،،، ابوي م كان قاعد امي قالت لي ماشه وين؟قلت ليها صحبتي عازماني هنا قريب ح امشي و اجي قالت لي بالليل ده؟قلت ليها اي المكان قريب ي امي م بعيد قبل تتكلم تلفوني اتصل طلعت الشارع و رديت قال لي تعالي الشارع التاني مشيت و بعدها اتحركنا ربنا م دائماً ح يسترنا و احنا و ماشين و كل مره بسال معتز ماشين وين؟بيقول لي عازمك بس اسكتي ،،،للاسف احنا و ماشين عملنا حادث كان في عربيه جايه علينا معتز عايز يتفاداها العربيه اتقلبت بعدها م حسيت بي شي الا و انا في المستشفى كان ابوي قاعد و في اعمامي كمان حسيت بي نفسي صغيره شديد يعني انا في المستشفى عشان عامله حادث مع ولد و ابوي م عارف كنت ساكته وكلهم ساكتين قلت "ابوي...."عايزه اكمل كلامي قال لي ولا كلمه م عايز اسمع منك ياخ تخجليني كده مع الناس؟يسالوني بتك عملت حادث كيف تخليني م اقدر ارد عليهم اصلا؟؟
اي ي امين الاسبوع الجاي طوالي نجي نخطبها لي ولدي اصلاً بعد كده مف زول ح يسترها ابوي قال لي سامعه كلام عمتك؟الجمعه الجايه خطوبتك ولا ح اخد رايك اصلاً و بعدها طلع،،،،لا يعني انا ح يخطبوني لي ولد عمتي؟انا م عايزه لكن الجمعه الجايه؟؟؟"ده كان محتوى تفكيري في لحظه من الخلعه الحصلت معاي وقتها💔"امي كانت معاي و بتبكي بتقول لي ليه عملتي كده ي بتي ليه طلعتي مع الولد كمان صاحب اخوك،،، الله يستر كانت بتبكي وانا بس بعاين ليه،،،يعني اهلي م هامين لي اني اصلا في المستشفى ولا كاني عملت حادث بس شايفين غلطي،،،ايوه صح انا غلطانه لكن م لي درجه انهم يتجاهلوني و يتاجهلو قراري في اني عايزه ولد عمتي او لا،،،،ابوي طول عمرو بيسوي لي ال انا عايزاهو لكن انا فعلاً غلطانه المره دي و عارفه انو م ح يتراجع عن كلمتو هو صعب صعب شديد احياناً،،،،،قعدت تلاته ايام وانا كنت بفكر في معتز يعني اكيد هو م ح يخليني في حاله زي دي و ح يكون معاي و ح يقنع ابوي،،،طلعنا من المستشفى واحنا في البيت سالت لمياء تلفوني شفتيهو؟قالت لي كان مع امي بيكون لموهو اكيد وقتها اي شي كان ضلام هم مفروض يهتمو بي شويه انا ي دوب طلعت من المستشفى ح يبدو يعاقبوني؟رقدت نمت فجاه سمعت صوت اخوي بيصرخ وينها البت دي كنت راقده وانا سامعاهو وسامعه كيف بيقول عني قليلة ادب و بينبزني دخل الغرفه و كل البيت دخل معاهو بيحجزوهو عشان م يضربني وانا في ده كلو م ابديت اي ردة فعل ولا حتى فتحت عيوني بس كنت راقده وبسمع كنت سامعه لمياء بتقول الغلط م غلطها هي بس حتى صحبك هو الغلطان و هو البدا يتكلم معاها م هي،،،،انا خربت حياتي ب يدي💔،،،،،يوم الخميس سالت لمياء اذا بتعرف شي عن معتز او كده للاسف صدمتني انو مقرر يسافر قطر و ح يشتغل في الجيش القطري
قلت ليها كيف كيف يعني ح يخليني؟هو كان بيقول ح بخطبني يعني هو كذاب؟كان بيغشني الفتره دي كلها؟؟بعدها ي دوب انا عرفت اني بتدمر و خلاص اي شي خرب بكيت و طلعت لي ابوي كان قاعد قعدت جنبو في الارض و انا ببكي وبقول ليهو ابوي عليك الله ي ابوي م تعرسني لي ولد عمتي انا م عايزاهو والله ي ابوي تاني م بتكلم مع معتز ولا اي ولد ي ابوي عليك الله م تعرسني ليهو ي ابوي💔💔كنت ببكي جنبو و هو حتى م نزل راسو و عاين لي يعني هو كان خجلان على العملتو للدرجه دي؟💔طول عمرو ابوي لو بكيت بي سببو او لا كان بيراضيني و بيسوي اي شي عايزاهو لكن المره دي لا
كنت بحنسو و امي بتعاين لي و بتبكي كل القالو لي وقتها "شوفي ي بتي اي شي قسمه و قسمتك وقعت على ولد عمتك خلاص ارضي بي قسمتك"وقام مشى 💔
اليوم كلو وانا ببكي يعني كنت منتظره معتز لكن هو للاسف اصلا م شغال بالموضوع كتير اليوم عدا و في يوم الجمعه من الصباح عماتي و اعمامي جو وانا اصلا م طلعت من الغرفه بس كنت ببكي اكتشفت انهم اصلاً ح يعقدو م جايين لي خطوبه يعني كميه الخزلان العشتو في اللحظات ديك ممكن اخسر بيها حياتي عادي،،،كانت افكار الانتحار مراوده تفكيري ومحاوطاهو من كل الجهات كل تفكيري انتحر انتحر انتحر انتحررررر💔💔💔💔💔💔
عقدو الغرفه كانت مليانه وكلهم بيبكو خالتي و عماتي بس عيني كانت واقعه على امي القاعده في الركن وبتبكي بي حرقه و ده كدو انا السبب فيهو
طلعت من الغرفه بي سرعه و مشيت لي ابوي كان معاهو رجال قلت ليهو بي صوت عالي عاجبك البتعملو ده؟؟عاجبك؟اي انا غلطانه و بعترف لكن انت عايز تعافبني على شي ح تندم فيهو طول عمرك؟عايز تعاقبني شنو انت عاقبتني وخلاص،،،ياخ انا م عايزهو م عايزاهو بالجبر يعني؟؟ليه بتسوي كده ي ابوي حرام عليك ي ابوي مجاهد و ال هو راجلي للاسف💔جاء مسكني من يدي و جراني دخلني الغرفه💔
يتبع.....
