رجعت البيت و طوالي دخلت فتحت غرفتنا انا و خوله و رقدت فجاة التلفون اتصل و كان معتز رديت فجاة اتزكرت اي شي حصل لما شعر جسمي غزز رديت و كنت قرفانه منو شديد قال لي كيفك قلت ليهو تمام و انت ؟قال لي كويس حمدلله قال لي ممكن نتقابل؟قلت ليهو عايز مني شنو انت؟؟؟اتفاهمنا و خلاص اعتبر م بتعرفني اصلا و قفلت الخط في وشو فعلاً انا الغلطانه لكن مستحيل ارجع ليهو مستحيل و انا و قاعده سرحانه منذر اتصل كان صوتو متغير قال لي خنساء بتتكلمي مع معتز؟قلت ليهو كيف يعني؟قال لي بسالك انا قلت ليهو اي قال لي اعتبري البينا انتها قلت ليهو لا دقيقه افهم الموضوع قبل اكمل كلامي قفل الخط بقيت بحاول اتصل ليهو كتير بالنهايه حظرني و في الجامعه كان رافض يتكلم معاي الا بعد محاولات كتير وقفت اتكلم معاهو قال لي انتي م حبيتيني انتي بس كنتي معاي عشان تقنعي معتز انك م شغاله بيهو صح؟قلت ليهو ده شنو كلامك ده ي منذر عايز يمشي وقفت قدامو و قلت ليهو لا والله انت فاهمني غلط لزاني من قدامو و قال لي حتى انتي مقرفه اكتر من ميار الموضوع استفزاني شديدد يعني بيقارني مع ميار؟قلت خلاص مف شي بيناتنا و الحصل حصل خلاص و حاولت اتجاوز الموضوع و كنت قويه شديد بعد كل الحصل لي،،،،،،رجعت البيت و ابدا م حاولت اني اظهر اني زعلانه و لازحاولت ازعل مع اني كنت متضايقه شديد لكن كنت بقول معليش ي خنساء الخير في الغير سرحت شويه و قلت انا ح ارتبط تاني يعني؟لالا كده كفايه،،،،بالليل و عايزه انوم دخلت الواتسب و كنت بقرا الشات بتاعنا انا منذر و شويه اضحك على كلامنا و شويه ابكي و هو طبعاً حاظرني💔الصباح صحيت و مشيت الجامعه كنت قاعده براي و مركبه السماعات شفتو في الجامعه لكن ولا حاولت اشتغل بيهو بعد خلصنا المحاضرت كنت في القاعه م طلعت فجاة جاء قعد جنبي قمت من جنبو جاء لحقني قلت ليهو م تحاول معاي لاني مستحيل ارجع ليك قال لي طيب فهميني ليه عملتي كده قلت ليهو حاولت و رفضت خلاص تاني مف شي اقولو و كده خلاص و فرصه سعيده ي منذر خليتو و مشيت،،،،عدت الايام و بعدها سمعت انو رجع لي ميار و فعلا بشوفهم مع بعض ولا بشتغل بالموضوع يوم اتصل علي رديت عليهو ولا كانو حصل شي قال لي ليه عملتي كده؟قلت ليهو عملت شنو؟قال لي عشان بس تثبتي لي منذر انك اتجاوزتيهو ارتبطي معاي؟ضحكت و قلت ليهو والله الحاجه دي بتعملها انت حالياً قال لي كيف يعني؟قلت ليهو فاكر يعني ح ازعل و اتضايق لما ترجع ترتبط مع ميار؟لا والله مستحيل يعسل قال لي خنساء قلت ليهو نعم في حاجه؟قال لي لا خلاص مف شي قلت ليهو تمام و قفلت الخط،،،كنت قاعده في البيت لكن انا م زي زمان م عارفه ح ارجع زي زمان ولا لا لكن انا اتغيرت شديد اتغيرت من لما ارتبطت مع معتز
البيحبك م بيغيرك نهائي و لما تحبو م تحاول تغيرو من شخصيتكم عشان الطرف البتحبوهو لانو محتمل الطرف التاني في اي لحظه يخليكم و انتو متغيرين تماماً عشان شنو؟عشان الحب؟الحب ده شي عابر لكن ح يكون عبر و شخصيتك القديمه عبرت مع الحب تاني ح ترجع؟لا طبعا ح تعيش كيف؟انت مكتئب،،ليه مكتئب؟لانك مريت بي فتره صعبه شديد،،ح تفضل مكتئب كده؟اكيد طبعا اذا انت خليت الطرف التاني يتحكم في شخصيتك اتاكد انت ح تكتئب بعد الانفصال،،،،م تحاولو تتغيرو عشان زول مهما كان
