دخلت البيت عمتي كانت قاعده في الحوش قالت لي انتي جبناك هنا عشان ترقدي اليوم كلو و تتبكي ؟تعالي اشتغلي معانا قلت ليهو م انا ال قلت ليك جيبيني في الجهنم ده قالت لي جهنم يحرقك ان شاء الله دخلت الغرفه و م اشتغلت بيها كانت بتسوي العشاء،مجاهد جاء داخل و دفر الباب شديد اتخلعت جاء علي بي سرعه جراني من شعري قال لي م تتفرعني لي والله بكسر راسك انتي متخلفه والا شنو جراني من شعري و قومني من السرير قال لي امشي قدامي والله اكفتك امشي يلا انا و ماشه ضربني في راسي و بي رجلو ضربني في رجلي لما اتعترت وقفت قال لي بي صوت عالي اطلعي قدامي انعل ابو شكلك عملت معاهم العشاء و كنت ببكي بعدها دخلت الغرفه الوقت كلو و انا بستغفر،،عدت الايام و جاءيوم التلات اخوي جاء و قال لي مبروك جبتي 78٪اصلاً م كنت مهتمه شديد عمتي قالت م شاء الله و سكتت تاني قالت لكن البيقريها منو البت دي احسن تقعد تشوف سترتها بي وين من تقرا قال لي بي صوت عالي هو شنو سترتها سترها شايفاها حايمه في الشوارع انتي؟؟عايني ي عمتي نكون واضحين عشان م اخسرك امشي عديل انا سكتت ليك و انتي السبب في الحصل ده كلو والله اجيب اخرتكم انتي و ولدك عشان ساكتيني ولا شنو يعني قالت ليهو بسم الله ي ولدي في شنو هسي انا قلت شنو لمن هايج كده انا بس عايزه مصلحتها قال ليها انتي م ولي امرها عشان تفتشي مصلحتها يعني بعد العملتيهو ده كلو بتقولي مصلحتها؟لا اله الا الله ي عمتي قالت ليهو محمد رسول الله،
قامت مشت قال لي عايزه تقري شنو انتي و في ياتو جامعه عشان التقديم الخاص لما يبدا اقدم ليك و نسبتك م ح تخليك تدخلي طب و مستحيل تعيدي و مستحيل م تقري قلت ليهو م عايزه اقرا انا ياخ قال لي ح تقري سكتت مسافه قال لي طب جراحه ينفع؟قلت ليهو لا قال لي طيب طب اسنان ؟قلت ليهو برضو لا قال لي نفسك تقري اشعه يعني؟م رديت قال لي معناها نقدم اشعه
كنت ساكته قال لي لو م مرتاحه هنا تمشي معاي بيتي ي خنساء؟اصلا قاعدين انا و مرتي و اولادي صغار ممكن تقعدي معاي قلت ليهو لا دي كمان تكلفه اصلاً م مشكله ح اقعد هنا قال لي تكلفه كيف يعني انا اخوك ي زوله قلت ليهو انا م عايزه امشي اي مكان قال لي طيب و بعدها طلع م كان في زول من اهلي حاول انو يجيني انا كرهتهم لي ابعد حد حتى اخوي خالد كرهتو انا م قادره اقول ليهو م تجيني تاني لانو هو بيحاول يكون معاي لانهم كلهم خلوني براي،كنت سامعه عمتي بتحكي لي مجاهد كل الكلام ال قالو ليها خالد سمعتو بيقول ليها بتهم ال م نافعه دي،م كنت قادره ارد م كنت قادره اتكلم م كنت قادره اعمل اي شي مكبته انا كنت كاني مربطه من كل الجهات تعبت و انا بحاول م اتظلم لكن لازم اتقبل الواقع و هو اني م ح اقدر اسوي اي شي و لا م استسلم💔
خليتهم بيتكلمو و دخلت العرفه رقدت في السرير بعد مسافه مجاهد جاء داخل قال لي قومي اعملي الغداء م رديت كنت راقده و عامله نفسي نايمه ضربني في كتفي و قال لي قومي فتحت عيوني و قال لي تنومي شنو انا تاني م اعيد كلامي قمت عملت الغداءو دخلت،هو اصلاً كان عايز فرصه اني اقول م ح اعمل و يضربني لكن انا م اديتو فرصه،،،بعد دخلت جاء داخل تاني قال لي قومي اكلي قلت ليهو م عايزه والله قبل اكمل كلامي فلقني بالشبشب في راسي قال لي انا كنت ح اتعامل معاكِ كويس لكن طال ما بتقلي ادبك على امي والله اقتلك و اجيب اجلك يلا قومي اتسممي قلت ليهو بي صوت عالي حتى الاكل ح تجبروني فيهو م عايزه انا م عايزه ضربني بالحزام في راسي و في وشي و كل جسمي،كل م اهبش محل في جسمي كان في دم💔
قلت حمدلله و اسحميت و جيت رقدت م كنت قادره ارقد ضربني في كل الجهات يدي و ضهري و اي مكان قعدت في السرير و انا بقول م ح ابكي م ح ابكي غطيت و شي و بكيت شديد و انا بقول ليه ي ابوي ليه💔عدت الايام و كل يوم لازم يحصل مشكله مهما اتفاديتهم و اتفاديت مشاكلهم بيسوو مشاكل،في يوم خالد اتصل علي عمتي و جات ادتني التلفون قال لي انا قدمت ليكِ و قبلوكِ حمدلله و ان شاء الله بتنزلي الجامعه الشهر الجاي قلت ليهو ان شاء الله و قفلت الخط
عدت الايام و في يوم خالد جاء و كان جايب لي معاهو كم حاجه قال لي دي مستلزمات الجامعه و بكره ح تنزلي قلت ليهو بكره؟قال لي اي قلت ليهو طيب و قعد يتونس معاي و انا كلامي كلو واختصار بعدها طلع اليوم عدا و انا اصلاً م مهتمه اني ح امشي جامعه في ناس كتيره متحمسين انهم ح ينزلو جامعه لكن انا العكس فاقده الرغبه،،،نزلت جامعه و اصلاً م كنت بتكلم مع زول حتى اذا اتكلمو معاي كنت بختصرهم و بيقولو لي مفتريه و بسمعهم بيقولو كلام كتير لكن بطنش،انا و قاعده في يوم في ولد جاء قدامي رفعت راسي هو م بيقرا معانا في نفس القاعه بقيت باعين ليهو كان في شي مغلف يعني هديه في يدو قال لي من مجهول قبلت منو و م اشتغلت بيهو قعد جنبي قال لي استلمي حاجاتك قلت ليهو انت منو اصلاً قال لي انا بقرا في الجامعه هنا لكن اول مره اشوفك والله في زول من الجامعه قال لي اوصل ليك الهديه دي قلت ليهو لا شكراً رجعها ليهو قال لي لالا معليش شيليها و بعدها اتصرفي فيها م رديت قال لي على الاقل افتحيها قلت ليهو شوف ي ولد الناس انا م عايزه اشيلها ولا افتحها ولا اتصرف فيها شيل الهديه دي و اتلهو انت و والقال ليك جيبها لي تمام؟؟قال لي طيب براحه م رديت عليهو قال لي شكلك برلومه هنا م رديت ضحك قال لي اصلاً البرالمه ديل كده احنا كنا زيكم والله لكن م مفتريين كده عاينت ليهو و قلت ليهو اختاني ضحك و قال والله لكن و مشى
رجعت البيت اصلاً زهجانه لقيت مجاهد في شارع البيت كان جاي علي وبيتكلم م رديت عليهو قال لي ي زوله انا بتكلم معاك قلت ليهو يكون احسن اذا م اتكلمت معاي بالله ياخ انا م ناقصاك دخلت البيت و جاء داخل وراي قال لي اعملي لي اكل كنت تعبانه لكن عملت الاكل و دخلت عشان م يتشاكل
اليوم التاني مشيت الجامعه الدكتور كان اعتذر انو م ح يدرس المحاضره و كان في محاضرهه تانيه و مجبوره انتظر واحضر المحاضره التانيه كنت قاعده و اتزكرت امي و ابوي و كنت ببكي برضوا جاء زول قال لي خنساء قلت ده منو البيعرفني كمان رفعت راسي لقيتو نفس الولد قلت ليهو لا انت مالك يعني قال لي مالك بتبكي قلت ليهو م شغلتك قعد جبني قال لي اسمعيني اعتبريني اخوك لكن م تكبتي جواك البيحصل ده كلو احكيهو لو م عايزه تحكيهو للناس احكيهو لي نفسك انا جاي عشان اساعد لو ح اقدر اساعدك و ان شاء الله اقدر،بكيت اكتر قال لي في شنو؟احكي حكيت ليهو عن امي و ابوي و كل العملوهو فيني،م كنت مركزه بس كنت بحكي و ببكي قلت ليهو بالنهايه انا حالياً يتيمه و امي و ابوي عايشين كنت ببكي و بتنهد كان منزل راسو و انا ببكي فجاة م قدرت اتنفس كنت بحاول اتنفس بالشده كان بيقول لي خنساء؟بسم الله مالك؟مسكني من كتفي و قومني وداني مكان فيهو شجر كتيرر كان لسه ماسكني من كتفي و بيقول لي امشي دائماً لو بكيتي ابكي انتِ و بتمشي و بعدها قال لي كفى م تبكي ي زوله لما عيونك ورمت
يتبع.....
