بقيت بضحك و بقول ليها عبد العزيز حبوتك دي قاعده تقول ي حرامي ي ود الكلب قال لي دي يحلوها كيف هسي،ي حبوبه ده انا عبد العزيز ياخ اسكتي و هي كل مره تزيد الصراخ و انا بموت بي الضحك،و هي كانت بتقول م عندي شي انا الله و روحي بس الله يشهد م عندي شي انا من كتر الضحك قعدت في الارض،كانت برضوا بتقول وااييي ي اولاد انتو لسه صغار اخليكم لي منو عبد العزيز قال صغار شنو انتِ حضرتي احفاد احفادك تقولي اولادي صغار وقتها انا من الضحك دموعي جرت عديلل،و هو بيقول هسي دي يفهموها كيف انا م حرامي خايف من الخلعه تموت،ي حبوبه هوي اسمعي اسمعي و كان بيضربها في وشها عشان تصحصح اسمعي ي حبوبه انا عبد العزيز عبدو اسكتي خلاص اوو عوك و انا لما يتكلم كده كنت بضحك اكتر،،البيت كلو صحى و حبوبه عملت دراما مبالغه عديللل😂😂
م نمنا كنا بنضحك في حبوبه عبد العزيز قال عليك الله ي حبوبه بطاريه بس تدخليها جوه المخده كده؟اصلو دي بطاريه ولا شنو ياخ،هي قالت ليهو ي ود الكلب تهجمني و كمان تتفصح قلت ليهو و انا بضحك عبد العزيز سمعتها؟قالت ي حرامي ي ود الكلب ضحك و قال حتى وقت هي و خايفه م ح تخلي النبذ حيرتنا زاتو😂انا كل م اتزكر منظرها كنت بضحك و اكتر شي عجبني من كلامها اولادي لسه صغار،،خالتو عواطف هي و بتضحك قالت لينا هي مهلوسه من قبل تنوم كانت بتقول البيت ده م مريحني الليله عندي احساس م مريحني ،عبد العزيز قال اي عشان كده فكت لينا احاسيسها دي والله ي حبوبه كلو كلام و اولادي صغار ده كلام تاني،قالت ليهو ي ولدي الزول وقت الخلعه بيقول ال في راسو بيكون كانو سكران ولا م كده ي عواطف انا كنت بضحك و بتكل في عبد العزيز و حبوبه بعد قالت كلامها ده طوالي اتغطت و رقدت نمت،،قعدنا نتونس بعدها رقدنا عشان ننوم و قبل م ننوم انا كل شويه اضحك،،عدت الايام و جا اليوم ال ح يجو فيهو اخو عزيز و مرتو،طبعاً كان في حماس شديد و البيت فيهو بهجه عجيبه❤️وصلو البيت و كان استقابلهم حلو شديد و خالتو عواطف كانت اكتر زول مبسوط،م شاء الله عزيز و عزام فيهم شبه من بعض،مع انو عزام اكبر من عزيز بي تقريباً اربعه سنين لكن كانهم قدر بعض،مرت عزام لما شافت هزار و هزاع قالت وبعلليي ديل اولاد منو؟عزام النبي شوفهم بيشبهو حبوبه كيف حضنتهم و بقت تقول نسخة من بعض م شاء الله تبارك الرحمن،نفس عيون حبوبه سبحان الله عزام قال لي عزيز ديل اولادك صح؟عزيز قال ليهو اي معقوله م عرفتهم ياخ،مرت عزام ضحكت و قالت والله لو م حبوبه كبيره في العمر و م بتولد كنت ح اقول ديل اولادها من كتر م بيشبهوها ،حبوبه قالت ليها اسكتي فاجره دي كلنا ضحكنا😂،كنا قاعدين كلنا و بنتونس و البت م منتبها مع الناس زاتو بس ماسكه هزار و هزاع بتلعبهم و كل مره تقول لي راجلها انا عشان كده كنت عايزه يكون عندي ولد،شوف بيحلقو ليهم كيف ياخ،،،،هي عندها تلاته بنات و للاسف م عندها ولد
قالت امهم وينها الشفع السمحين ديل؟حبوبها قالت ليها هدي ياها و هي زاتها سمحه،ضحكت و هي قالت و انا بقول سمحين كده ليه هتاريهم امهم سمحه كده حبوبه قالت ليها هي هي سمحين طالعين فيني😂
