قالت لي كنا في البلد المهم يوم كنا في السوق و هو برضو كان في السوق قبضتوا ليك بيشاغل في بت،،قلت اشغلها ليو في البيت المهم في المغرب كده الولد لقيتو بيتكلم تلفون اتصنتت كان بيتكلم مع بت الخايب،، شكلو جازف رقم البت الشاغلها😂😂قلت ليها كيف يعني؟عزه ضحكت و قالت ليها ده خراب بيوت ي نور اسكتي بقو يضحكو تاني قالت لي والله كنت عايزه اكمل ليك باقي خيابتو لكن خلاص الليله ح تمشي تقلبي الدنيا فوق تحت تلفوني اتصل و كان عزيز رديت قال لي خنساء اتاخرتي قلت ليهو م يخصك قال لي شنو؟تاني قلت ليهو م يخصك و قفلت الخط،بعد رجعنا البيت كنا قاعدين مع بعض قلت ليهو انت كنت صعلوق خلاص قال لي كيف الكلام ده؟قلت ليهو نور حكت لي عن تاريخك ضحك و قال لي دي كمان اكتر وحده بتعرف تاريخي كلو😂اتشاكلت معاهو لما جينا عايزين ننوم قرب مني قلت ليهو اختاني انت واحد خاين قال لي خاين كيف ي خنساء ده كان ماضي بس والله ماضي قلت ليهو في الماضي برضو خاين ضحك و قال لي كيف اخونك و انا الوقت داك م بعرفك؟خلاص معليش بتي حبيبتي انا لو كنت بعرف اني ح اعرس مره عظيمه زيك م كان عاينت لي غيرك نهائي قلت ليهو اسكت م تبكش كتير،كان بيتكلم معاي و كل م يتكلم بتلائم معاهو حضني شديد و قال لي ولا انا اتكلم ولا انتِ تتكلمي،،بعد مسافه قلت ليهو عزيز قال لي اممم قلت ليهو انت بتخوني؟ضحك و قال لي معقوله ياخ ي خنساء ،اسكتي عليك الله انا عايز انوم فتران شديد،صحى قبل الصُبح و صحاني معاهو قال لي نمشي الجامع قبل الصبح يأذن عشان نقرا قران طلعنا قال لي بتي حبيبتي م اشتغلت بيهو ولا رديت،احنا و في الطريق انا كنت وراهو و هو قدامي فجاة الكلاب قامت علي،جسمي برد عبد العزيز جا علي و انا كنت ماشه و م حاسه بي رجولي لما عزيز قرب جريت عليهو و حضنتو بقا يضحك و بيقول لي جبانه دي،كنت ببكي رفع حجر فلق الكلاب مشو مننا و انا لسه كنت ببكي و حاضناهو و هو بيقول لي خنساء خلاص انا معاكِ قلت ليهو بتمشي سريع ليهه قال لي حاضر من الليله تاني م ح امشي سريع ح امشي براحه شديد زي م انتِ بتمشي،ضربتو و قلت ليهو قفل ضحك و قال لي خلاص حبيبتي نمشي؟قلت ليهو لا و لسه كنت حاضناهو بعد مسافه قال لي خلاص الحركات دي نكملها في البيت عشان احنا في الشارع يمكن زول يشوفنا صح؟قلت ليهو من متين بيهمك؟انا خايفه قال لي طيب تعالي مسكني من يدي و قال م ح افك يدك نهائي و ح نلف مسافه طويله عشان ندخل بي الباب الورا و هناك مف زول ح يشوفنا فتحت عيوني و عاينت ليهو و انا مخلوعه قلت ليهو كيف يعني؟ضحك و قال لي يعني ح اوصلك لحد باب الحريم قصدي كده م تفهمي غلط،احنا و ماشين قال لي كل الخطاوي ح امشيها معاك،، قلت ليهو خايفه امشي يوم و انت م معاي،،،،ولا اصحى يوم و م القاك جنبي،خايفه الدنيا تجور و افقدك ي عبد العزيز،و وقت احتاجك م الاقيك انا زي الطفله البتتكل على ابوها في كل خطوة صعبه، لما بتقول لي بتي حبيبتي صدقت ي عزيز لاني بالجد بتك،م تخليني يوم م تخليني انا من دونك يتيمه و بكيت،وقف و باس راسي و انا كنت بتنهد قال لي في شنو ي خنساء؟بتخافي من شنو انت؟عشانك انا عشان بشوفك خايفه اخدت اجازه حضني و قال م تخافي ياخ صوتو اتغير هو و بيتكلم معاي و قال م برضى اشوفك ضعيفه و بتبكي كده ي خنساء حتى لو الدنيا جارت علينا و في يوم لا قدر الله م لقيتيني معاك خليكِ قويه انت بتي حضنتو شديد و قلت ليهو م تقول كده ي عبد العزيز م تقول كده انا م قويه من دونك و بكيت لي درجه كنت بتنهد،،الاذان اذن قال ليالدعوات الوقت ده مستجابه ي خنساء يلا ادعي بي اي شي نفسك فيهو رفعت يدي و بقيت بدعي و انا ببكي و هو كان برضو بيدعي و بيعاين لي بعد خلصت تاني مسك يدي و قال لي تعالي،، قلت نجي قبل الاذان عشان نقرا قران لكن م مشكله بعد الصلاة اقعدي اقري حاضر؟م رديت ليهو قال لي حاضر ي بتي؟قلت ليهو حاضر بي صوت مبحوح،قال لي طيب بطلي بكى عشان انا م ح اقدر اخليك و انتِ بتبكي،انتِ عارفه دي نقطة ضعفي برضوا م رديت قال لي خنساء قلت ليهو حاضر م ح ابكي،دخلنا وصلني لحد باب مسجد النسوان قلت ليهو امشي يمكن مره تشوفك قال لي بعد اتاكد انك دخلتي،دخلت و بعد خلصنا الصلاة فعلاً قعدت قريت قران بعد جيت طلعت كان عزيز منتظرني رجعنا البيت لما عايزين ننوم ختيت راسي في حضنو و قلت عزيز قال لي عيوني انتِ فك لي شعري و بقا يحرك يدو في شعري قلت ليهو م نفسك تغير اسم بتنا؟قال لي لا ابداً قلت ليهو يعني ممكن نسميها هيبان او همر او اسامي كتير بي حرف ال "هـ" قال لي لا ي خنساء ثريا بس قلت ليهو طيب ليه؟قال لي اسباب كتيره قلت ليهو طيب الاسباب شنو؟قال لي ايام كنت انا بعرفك لكن انتِ م بتعرفيني كنت بحضر فيلم و الفيلم عن الاستعمار الاوربي و الكلام ده المهم ي خنساء في الفيلم جا مقطع بيقول "لقد بلغت الثريا"و الثريا زي م عارفه مكان بعيد و مرتفع وقفت الفيلم و بقيت بفكر فيك،هو صح من قبل اسمع المقطع ده كنت بفكر فيك لكن المقطع ده زكرني بيك،انك زي المكان البعيد و المرتفع لكن انا ح ابلغ الثريا ح اوصل ليك ان شاء الله و باذن الله،و بصمتنا ح تكون ثريا بتي، و لما احكي ليها عن قصتنا انا و انتِ ح تكون القصة بتوحي عن اسمها،قلت ليهو طيب ليه من البدايه م كنت بتدعي يكون عندك بت بدل من التؤام؟قال لي لاني عايز البكر ولد يسندها،و امنيتي م ولد واحد،،اتنين تلاقي كتفين تسند عليهم وقت م نكون باقيين في الدنيا يكونو اكبر منها و واعيين عارفين الصح و الغلط و يعلموها،بستو من خدو و قلت ليهو انا بحبك ابتسم و قال بتي حبيبتي،نمت على حركة يدو في شعري كالعاده
