كنت نايمه فجاة صحيت لما صحيت م لقيتو معاي خفت و طلعت افتشو،،طلعنا شقتنا و حكا لي عن صحبتو لكن ابداً م اتخيلتو يكون بي الصورة دي،،حاول يقنعني بس م رديت نزلت تحت دخلت غرفتنا رقدت و انا ببكي جا و قال لي حاولت اكون معاك صريح قلت ليهو لو م كان هددتك م كنت ح تكون معاي صريح قال لي دي اصلا مشكله البنات بيفكرو من غير اي منطق،،هي حتى لو هددتني م ح تقدر تعمل شي نفترض عملت ح يحصل شنو يعني؟زاتو انا الغلطان اني كلمتك و رقد قلت ليهو كمان غلطان و ح تتنفر؟قال لي غلطت في شنو؟انا لو كنت عايزها كان مشيت و عرستها هي م عرستك انتِ فاهماني؟اتزكرت كلام خالتو عواطف و قلت م نكبر الموضوع و رقدت قبلت على جهتو اول م شفتو بيعاين لي طوالي غمضت عيني ختا يدو في خدي و قال خنساء الف بت م بتساوي شعره من شعرك بي النسبه لي،،حضني و انا م اتكلمت ولا حاولت اتفاهم معاهو اصلا،،،،صحيت و كانت الساعه ١٢ظهر عزيز برضو كان نايم صحيتو قلت ليهو الساعه ١٢ قوم كفايه نوم مشيت استحميت و صليت و قريت قران و قريت من كتاب الازكار النبويه و هو لسه نايم بالنهايه مشيت قلت ليهو انا جعانه شديد ممكن تقوم؟م اشتغل بي كفتو رجع لي الكف و قال لي م تكرهيني قمت منو مشيت بعيد و رميت فيهو الشبشب اصلا كنت متغايزه منو،،ضحك و قال لي والله ي قصيره لو جيتك م بخليك قلت ليهو طيب قوم عشان انا جعانه،،،قام و مشا على الدولاب قلت ليهو حيلك حيلك ده شنو؟قال لي عايز استحما قلت ليهو لا انا جعانه قال لي خلاص ارح اوريك المطبخ بي وين قلت ليهو لا تجيبو لي هنا قال لي هوي م يجيب اي شي انت م مرا؟امشي اعملي اكل قلت ليهو حصل شفت ليك عروسه من اول يوم طبخت؟قال لي بيكون الاكل مطبوخ ارح نجهز و لو م مطبوخ بنتظرك و انتِ اطبخي قلت ليهو م ماشه قال لي ليه؟خجلانه ولا شنو؟و ابتسم قلت ليهو انا بس جعانه قال لي طيب دقيقه بس اجهز و اصلي و بعدها نشوف حل،،م رديت ليهو بعد جهز جا مسكني من يدي و قال لي ارح اصلا زي الوقت ده اي زول بيكون في غرفتو مشيت معاهو احنا و داخلين على المطبخ لقينا خالتو عواطف في الهول قالت لينا العرسان و ضحكت😂عزيز قال ليها والله ي حجه جعانين مف طقه جاهزه؟قالت ليهو في دقيقه اجهز ليكم الاكل بجيبو ليكم في الغرفه انتِ امشو اصلاً ي عزو مرتك عروس جديده تدخلها المطبخ؟ضحك و قال ليها هي القالت جعانه وقتها م عرفت امشي وين من الخجل قرصتو ضحك امو ضحكت و قالت لي ي بتي عادي ها😂😂شكلك م بتعرفي تطبخي صح؟بس كل م اعمل ملاح تعالي و انا بعلمك و سمح؟قلت ليها سمح. ،مشينا غرفتنا الباب دق فتحتو كانت خالتو عواطف معاها الاكل شلت الاكل قلت ليها اتفضلي ي خالتو اكلي معنا قالت لي احنا اكلنا ي بتي اكلو انتو و مشت،،قعدنا ناكل بعد اكلنا قال لي نطلع نقعد في الهول؟حمرت ليهو قال ااا صح مرتي بتخجل😂😂قام و قال لي انا طالع قلت ليهو وين؟قال لي اي مكان م بقدر اقعد اكتر من كده و طلع،،لبست التوب و طلعت بعدو كانت خالتو عواطف قاعده براها في الهول و شايله تلفونها اترددت اقعد معاها ولا لا بالنهايه مشيت قعدت معاها،،قلت ليها يا خالتو في حاجه عايزه اقولها ليك قالت لي اتفضلي قلت ليها بتعرفي بت اسمعا نادين ساكنه هنا؟؟قالت لي اي عايزه احكي ليها في مرتين جو قمت و قلت لي خالتو بعدين بجي لما دخلت الغرفه تلفوني كان بيتصل و انا كنت لابسه شراب لان امي قالت لي م صح عروس جديده بي حنتي اتحاوم قدام الناس و رجلي فاتحه،،المهم انا عشان الحق التلفون جريت و السيراميك ناعم شديد و انا نسيت اصلا اني لابسه شراب فجاة دقيت الارض لمن م فهمت شي،،رقدت في الارض زي دقيقتين بستوعب الحصل لي بعدها قمت و مشيت السرير و كنت ببكي،،بكيت لحد نمت بعدها م حسيت الا عبد العزيز لما صحاني،،اول شي قالو لي بسم الله مالك ي خنساء عيونك مورمه كده كنتِ بتبكي انتِ؟بكيت تاني قال لي مالك ي بت في شنو؟انا و ببكي قلت ليهو وقعدتا ضحك و قال لي وين؟قلت ليهو في الارض جريت و انا لابسه الشراب وقعتا هو و بيضحك قال لي وشك كانو ورم شويه قلت ليهو اختاني ياخ هو و بيتريق علي تلفونو اتصل عايز يطلع قلت ليهو ماشي وين تاني؟قال لي جايي قلت ليهو اصلاً م ممكن م ممكن عديللل قال لي مالك؟قلت ليهو اول يوم ده اول يوم م ممكن تخليني و تطلع اليوم كلو قال لي خمسه دقايق بس وبجي طلع و بعد كم دقيقه كده خالتو عواطف جاتني قال لي مالك انتِ كنتِ بتبكي؟قلت ليها لالا بس وقعت قالت لي لاحولا ولا قوه الا بالله حسبي الله و نعم الوكيل،،يكون سحروك ي بتي حسبي الله،عزو وين؟طلع؟قلت ليها اي،،ي خالتو انا عايزه ارجع بيتنا قالت لي الوضع هنا م عاجبك؟اعتبريني زي امك،عبد العزيز جا داخل امو قالت ليهو كنت وين انت ي خايب ؟هسي مرتك قالت عايزه ترجع بيتهم قال كيف الكلام ده؟جا قعد جنبي و قال لي ي بطه امو قامت و قالت لي ي بتي لو احتجتي اي شي تعالي لي في غرفتي م تترددي و طلعت كنت ماسكه يدي الشمال بي يدي اليمين محل وقعت كان بيوجعني عبد العزيز ركز و قال لي مالك؟يدك بتوجعك ؟م رديت مسك يدي محل بتوجعني قلت ليهو زح مني ياخ قال لي طيب اسف اسف عارفك زعلانه عشان خليتك و طلعت مسك يدي محل بتوجعني و بقا يضغط عليها براحه و انا ببكي و بقول ليهو فكني ياخ قال لي طيب قومي نمشي نعمل صورة اشعه قلت ليهو م ماشه انا عايزه امشي بيتنا حضني و قال معليش قلنا شنو الدلع الكتير ده،،جامعتك ح تفتح متين؟قلت ليهو اصلا فاتحه قال لي طيب نمشي السوق متين عشان تشتري حاجات لي الجامعه قلت ليهو م عايزه قال لي ح تضيعي الفرصه م رديت تلفونو اتصل قلت ليهو ي الله ي الله اطلع عادي م مشكله اطلع ضحك و قال لي م طالع،،عدت الايام و فعلا اشتريت حاجات لي الجامعه و نزلت الجامعه بعد الاسبوع الاول،،قعدت معاهم و بديت اتعود عليهم،،في يوم جمعة كان البيت مليان م شاء الله،،كنا قاعدين في الهول و انا و هو قاعدين جنب بعض و هو كان بيضغط على عيونو قلت ليهو مالك؟قال لي مصدع و قال لي امو ي امي سمر وين؟قالت ليهو قاعده تنظف غرفتكم ليه عايز حاجه؟؟قال ليها كنت عايزها تعمل لي جبنه و قال لي خنساء اعمليها انتِ مع انك م بتعرفي لكن مجبور😂😂ضربتو في كتفو و قلت ليهو م تتفصح مشيت انا و بعمل بت عمو جات من غير اي مقدمات جرتني من شعري انا من الخلعه ضرخت بي صوت عالي عبد العزيز والله بعد سرخت م تمت دقيقه عبد العزيز جا،،شافها هي و جاره لي شعري لزاها مني و قال ليها لحد هنا انا كويس معاك لكن والله بس تاني فكري مجرد تفكير تمدي يدك عليها والله اكسر ليك يدك مسكني من يدي و مشينا غرفتنا قال لي م ح نقعد هنا ح نمشي شقتنا و م عايز اي نقاش قلت ليهو عبد العزيز انا م ح امشي لو عايز تمشي امشي براك
يتبع.....
