قعدنا و ختا راسي في كتفو و اتكلم قال:
عارفه ي خنساء احياناً الدنيا بتكون صعبه شديد بتلقي الدنيا مقفله في وشك و م عارفه تمشي بي ياتو اتجاه بيكون في ضلام هالك في حياتي و بتفكري انك م ح تلقي نور لكن عارفه وين النور؟؟النور هو ربنا الايه بتقول "نورُ على نور يهدي الله لنوره من يشاء"خليك قريبه من ربنا مهما حصل ربنا احن عليك من امك و ابوك و كل زول حبيتيهو م تخافي طول م انتِ قريبه من ربنا و واثقه انو في حاجات حلوه بعد صبرك في الايام الصعبه،دي كلها امتحانات و ربنا لما بيبتليك عشان بيحبك و دائماً ادعي اللهم ارزقني حبك و حب من يحبك و حب عملاً يقربني الى ح تشوفي الدنيا دي ساهله حتى لو هي مقلوبه،الملائكه و البشر و اي شي ح يحبك حتى انا ❤️
سكت مسافه و انا م مركزه كنت نعسانه و انا بسمع كلامو كمل كلامو و قال م تخافي من شي ي زوله انا معاك مهما حصل بس يحصل شي انا جنبك و وراك و قدامك بس قولي ي منذر بتلقيني معاك بعدها كان بيتكلم و انا ولا كلمه م سمعتها منو نمت في كتفو نمت و انا ببكي لكن ارتحت شديد من اني اكون مخنوقه اليوم كلو و كابته جواي اي شي، على الاقل زول عرف و فضفضت لي زول م مهم الزول منو ولا ح يفكر شنو المهم اني ارتحت،نمت لاني اصلاً في البيت م نمت ابداً انا مهما حاولت انوم م بقدر ببلع حبوب منوم و برضوا م بنوم اليوم كلو بكون مهمومه،
انا كنت بتكلم و هي نامت في كتفي هي تعبانه شديد من الدنيا دي اتظلمت خاطرها مكسور شديد من اقرب ناس ليها حبيبها و امها و ابوها و اخوانها و اي زول،كنت عارف م ح تفتح لي قلبها بعد الحصل في حياتها و ليها حق انها تخاف اخزلها لكن لاول مره انا اخاف افقد هي كانت بتحكي لي و انا خايف يحصل ليها شي في نفسها كنت خايف في يوم تفكر تنتحر يدوب يومين انا اتكلمت معاها م ح اقول اني حبيتها لكن اتعلقت فيها شديد عايز اكون الطرف المتمسك فيها بعد كل الاتخلو عنها كانت نايمه في كتفي و انفاسها دافيه شديد كانت كانها طفله صغيره الدموع في وشها و كان وشها معرق شديد كانها في كتمه مع انو الجو م سخانه شلت منديل مسحت وشها تاني بعد مسافه وشها عرق تاني و انا بمسح على وشها تاني كانت مسخنه شديد هبشت وشها و صحيتها طوالي فتحت عيونها و عيونها محمره شديد قلت ليها خنساء مالك؟عيانه؟في شي بيوجعك راسك ولا شي؟؟م ردت صحت و لسه راسها في كتفي قلت ليها يلا المستشفى قالت لي م عايزه امشي قلت ليها فيك شي؟؟م ردت حسيتها مرتاحه و هي في كتفي عدت مسافه و بعدها حسيت بي دموعها في كتفي فجاة بكيت،اي انا بكيت لاني م قادر اسوي شي شايفها بتتعزب و اتعذبت شديد حضنتها و انا ببكي،
قلت ليها بكون ابوكِ و امك و اخوانك و اخواتك و اي زول فقدتيهو لكن م تبكي الله يخليكِ م تبكي والله لما اشوفك بتبكي كده بكون عاجز شديد
كان في محاضرات ضيعتها لكن م اهم منها ابداً
نمت في كتفو كنت تعبانه شديد عيوني و راسي بيوجعوني لاني الليل كلو مساهره وببكي،م بعرفو صح لكن لقيت كتفو وقت فقدت كل الناس
