عدا اليوم داك و انا كنت مبسوطه لي ابعد حد حتى م حسيت بي مرض اصلا😂😂في اليوم التاني كان شغال مشا الشغل و انا بعد خلصت نضافه و كل شغل البيت قلت لي هزار و هزاع ح العب معاكم لعبه حلوه قالو لي نجيب الالعاب؟قلت ليهم لا انا ح اجيبهم العابي بعداك العابكم مشيت جبت علبة المكياج بتاعي😂قالو لي ده حق بنات قلت ليهم لالا منو القال حق بنات؟بعد اقتنعو واحد منهم قعد بديت امكيجوا فجاة الباب فتح و الصدمه كان عند العزيز،،من الخلعه عيوني م قدرت ارمشها اول شي قالو دقيقه دقيقه ي خنساء ده شنو؟اولادي انا تمكيجيهم؟حيوانه انتِ؟قال ليهم امشو غرفتكم بعد مشو قال لي بي صوت عالي ده استهبال؟كيف تمكيجيهم؟و كان اول مره يكون جادي للدرجه دي و يعلي صوتو كده لي درجه كنت حاساهو ح يضربني،سكتت و طوالي مشيت من جنبو دخلت الغرفه و انا زعلانه شديد جا داخل و شال هدوم من الدولاب و دخل الحمام و انا فكرت امشي لي خالتو عواطف لبست التوب و نزلت تحت،،قعدت اتونس معاها تلفوني اتصل كان عزيز صمتت التلفون و ختيتو جا تحت قال لي خنساء تعالي قلت ليهو في شنو؟؟قال لي بي نهره قلت ليك تعالي معناها تعالي اتخلعت و حتى خالتو عواطف و اخواتو استغربو قمت و ركبت معاهو فوق اول م دخلنا الشقه مسك يدي كان عايز يقول لي كلام قلت ليهو اوعك تحاول تتكلم معاي فاهم؟فكيت يدي منو و مشيت الغرفه قعدت في الركن و كنت ببكي لاني م اتوقعت منو يعمل كده بس عشان عملت حاجه زي دي،،اليوم كلو كنت ببكي لحد صلاة العشاء بعد الصلاة جا داخل و انا كنت بصلي بعد خلصت قال لي اسف م اشتغلت بيهو قعد جنبي في الارض قمت من الارض و قلت ليهو بكره انا ماشه بيت اهلي قال لي خنساء م تخليكِ ساذجه كده اقل مشكله تكبري الموضوع قلت ليهو دي اقل مشكله؟طيب اكبر مشكله ح تكون كيف يعني؟ح تضربني؟اصلا الليله م كان فضل شي غير انك تضربني ختا يدو في رقبتو و الحركه دي بيعملها لما يعصب و بعدها طوالي قام طلع تاني رجعت ابكي كنت قاعده في الركن و نمت م حسيت الا لما جا رفعني من الارض و رقدني في السرير مسك يدي و كان مفتكرني نايمه فكيت يدي منو قال لي خنساء انتِ ليه م بتستحمليني؟على الاقل حاولي بس فسري حاجه وحده كويسه و قولي يمكن ضغوط شغل عشان كده معصب م رديت ليهو،سكت و رقد نفسي اتكتم قمت و طلعت البلكونه جا طالع وراي و انا بتنفس بي الشده،،قال لي خنساء بكيت و انا بتنهد قال لي انا السبب في ده كلو؟قلت ليهو و انا بتنهد و بنتفس بي صعوبه "م قادره اتنفس انا م قادره ي عبد العزيز" عايزه ادخل جوه سندني قال لي كدي قولي بسم الله اتكلت فيهو دخلنا الغرفه قعدت في السرير جاب لي توب قال لي البسي قومي نمشي المستشفى هسي انا ح ارجع لبست التوب جا عبد العزيز و معاهو امو و اختو قال لي ارح ي خنساء سندني م كنت قادره امشي رفعني و انا م كنت حاسه بي شي نهائي غير انو بتنفس بي صعوبه شديد اتحركنا على المستشفى و طول الطريق هو بيقول لي تاني م ح اعمل كده معليش ي خنساء و لاول مره شفتو بيبكي وصلنا المستشفى و انا حالتي بقت اكعب من الاول م حسيت بي شي غير لما ركبو لي اوكسجين نفسي بدا يرجع طبيعي نمت بي حركة يدو في شعري وقت صحيت كان خاتي يدو في جبهتو و مغمض عينو انا و بعاين ليهو فتح عينو لقاني صاحيه قال لي بي لهفه كيفك؟كانت عيونو لونها احمر و ملامحو شاحبه قلت ليهو عايزه ارجع البيت عاين الساعه في يدو و قال لي هسي الساعه ٣ بكره الصباح ح نمشي البيت طيب؟قلت ليهو طيب انت نوم قال لي كيف انوم و اخليك بي الحاله دي؟م رديت عليهو و قبلت وشي على الجهة التانيه قال لي خنساء م تخوفيني عليك انتِ كويسه؟انا السبب؟طيب اسف ي خنساء اسف لو انا الخلين الامور توصل لي الدرجه دي قلت ليهو و انا بتنهد انت حقار قال لي سامحيني بس مضغوط والله و نزل راسو و خت يدو في عينو ختيت يدي في يدو وزحيت يدو من عينو و قلت ليهو في حاجه عايزه تحكيها لي؟او في شي مضايقك؟قال لي انا هسي بس خايف عليك عيوني كانت بتوجعني و بشوف عزيز طشاش بغمض عيوني و بفتح برضو نفس الشي شويه شويه بقيت كاني بشوف المكان بيهز و بيلف فوق راسي عبد العزيز بيقول لي خنساء انت كويسه؟كنت سامعه صوتو بعيد و بعدها م حسيت بي شي ابدا
م عرفت اتصرف طلعت و انا بكورك ي دكتور ي دكتور الممرضه جاريه و بعدها الدكتور دخلو الغرفه سمعت الدكتور بيقول اديتيها جرعه زايده؟الممرضه قالت ليهو لا ي دكتور قال لي الدكتور مرتك عندها سكري؟قلت ليهو لالالا ي دكتور م عندها قال لي يمكن يكون حالتها دي كومة سكري
يتبع.....
