دخلت البيت و انا كنت وراهو و هو بيضحك بيقول لي مرتي جبانه و فجاة شمعت صوت زغاريت كتيرهه و كان معاهو م شاء الله خالاتو و عماتو و امي و خالاتي برضو كانو قاعدين م عارفه لحقو متين 😂البيت كان مليان و انا م عارفه اعمل شنو ولا امشي وين من كترت الخوف كنت عايزه ادخل الغرفه😂😂😂كنا قاعدين انا و هو جنب بعض فجاة سمعت مرة بتقول جيبو الخواتم انا بقيت مخلوعه
كيف يعني خواتم؟احنا متفقين تعارف بس كنت بعاين لي المره ال ماشه تجيت الخواتم بي استغراب بالنهايه اكتشفت انهم جايبين حاجات الخطوبه كلهم و انا م كنت منتبها لبسني الدبله و انا يدي بترجف و لما لبستو برضو يدي بترجف و هو بيضحك التوتر عندي كان مسيطر و اهلو بيتونسو معاي و انا بتمتم اصلا انا طبيعي لما اتوتر بتمتم بالنهايه قمت و هو زاتو استغرب و قام معاي قال لي بي صوت واطي ماشه وين قلت ليهو م قادره اقعد انا الناس كتيره ي عبد العزيز ضحك و مسكني من يدي قال لي طيب تعالي انا بقيت فاتحه خشمي و بعاين لي الناس و هم بيتبسمو و يتكشمو ساقني و طلعنا الحوش هو بيتونس و انا مقبله منو و بهز رجولي قال لي عايني لي دقيقه ياخ قلت ليهو اختاني ياخ مسك يدي و كان بيصلح لي في الدبله فجاة باس يدي الفيها دبله انا الوقت داك اتجمدت و من الخوف مستحيل انسى الحصل اليوم داك😂😂😂قلت ليهو قوم اطلع انت و اهلك برا بيتنا 😂😂😂😂
الولد ده من كتر الضحك لما الدموع نزلت من عيونو
بيقول ليك بتطردينا؟معقول ياخ و تاني بيضحك و صوتو عالي،،،و احنا و بنتونس قال لي بي المناسبه عايز اقول ليك اهلك حمدلله وافقو بي اكون راجل بتهم و العقد ح يكون بعد اسبوعين من الليله و العرس ح تحددي انتي طبعاً
قلت ليهو لا عليك الله ليه تخلي لي العرس اتصرف و حدد براك عليك الله زي م حددت الخطوبه و العقد قال لي العرس وقت انتي عايزه بس قلت ليهو انت جادي ح يكون العقد بعد اسبوعين؟انا م عايزه من هسي يكون العقد قال لي انا اصلا والله موضوع الخطوبه و العرس و الكلام ده م كان في راسي كان هدفي عقد بس لكن انتي مرتي اي شي ح يتغير عشانك قلت ليهو م عايزين عرس طيب قال لي ليه؟قلت ليهو بخاف من الناس الكتيره قال لي انا ح اكون معاك م تخافي
اهلو كانو ظريفين شديد بالذات امو😂😂يمكن فرحانه عشان م ح يعرس بت عمو 😂
اليوم عدا و قريب لي المغرب كده كنت فترانه شديد نمت و انا و نايمه تلفوني دق قريب لي اربعه مرات و انا سامعه الصوت بعيد
المره الخامسه رديت و كان الرقم غريب اول شي سمعت صوت زول كان ظاهر عليهو بيبكي كان بيقول خنساء م تعملي فيني كده ياخ انا والله م عندي ذنب في الحصل ليكِ ي خنساء،، والله جيت بيتكم كتير ي خنساء و ابوك رفضني و كنت ح احاول م عندي مشكله لو حاولت العمر كلو عرفتو ده معتز قفلت الخط في وشو تاني اتصل قال لي " اديني فرصه تانيه ي خنساء قلت ليهو معتز انا م ح اقدر ي معتز عارف ليه؟انا ح اكون معاك و كل يوم ح اتزكر الحصل ح اكون معاك كاني في جحيم حتى لو ح تسعدني ي معتز م ح نكون مرتاحين،،،،انا كل م اسمع اسمك بس بتزكر الحصل خلي لو عشت معاك في بيت واحد بكيت و قلت بيناتنا ي معتز خليك متاكد انو مف قسمه و م تحاول،،،،،اهرب زي المره الفاتت قال لي انا م هربت ي خنساء قلت ليهو معتز الموضوع م كلمت ابوك و رفض و حاولت كتير دي بالنسبه لي م محاول انا وين في الصورة دي كلها؟مكاني وين؟تجي تكلمني انك حاولت و انا ح احاول لكن بي كل بساطه جايي تقول لي انك حاولت بعد يفوت الاوآن؟معليش ي معتز انا حالياً م شايله في خاطري منك ولا زعلانه منك و ربنا يديك بت حلال تسعدك و العفو و العافيه سكتنا الاتنين و انا كنت ببكي قال لي انا م ح اكون لي غيرك ي خنساء قفلت الخط و انا ببكي بي صوت عالي و تاني بقفل خشمي و ببكي قعدت في ركن الغرفه و كنت ببكي تلفوني اتصل تاني و كان عبد العزيز فتحت الخط و م اتكلمت ولا هو قال حاجه بعد مسافه قال لي في شنو يا خنساء ليه بتتنهدي كده؟بسم الله يا خنساء بتبكي مالك؟حقك علي معليش
