عمتي دخلت و قفلت الباب،،رجعنا البيت و طول الطريق م كان بيتكلم نهائي بعد دخلنا البيت اصلا هزار و هزاع كانو نايمين و انا كنت نعسانه رقدت عايزه انوم عزيز جا داخل الغرفه،قلت ليهو جعان اعمل ليك اكل؟م رد على فتح الدولاب شال ملابس و دخل الحمام بعد طلع من الحمام قلت ليهو انا ذنبي شنو طيب تعاملني بي الطريقه دي؟برضو م رد لي و طلع طلعت وراهو مشا وقف في البلكونه قلت ليهو عزيز قال لي نعم في حاجه؟قلت ليهو انا ذنبي شنو طيب؟قال لي بتعايني لي حبيبك القديم كده ليه؟ضحكت و قلت ليهو نعم؟؟؟حبيبي القديم؟؟ااا قصدك معتز عاين لي بي استفزاز مسكت يدو و قلت ليهو حبيبك القديم ده مصطلح م تقولو لي لاني بالجد متمنيه تكون انت حبيبي القديم و الجديد و اي شي،، انا نسيتو والله قال لي لو نسيتيهو بتعايني ليهو كده؟قلت ليهو خلعه بس والله قال لي طيب انا ليه م اتخلعت ضحكت و قلت ليهو م تدخلني في حتات ضيقه كده انا الولد ده م عندي ليهو شي والله قال لي تمام و فتح علبة السجائر شال وحده و بدا يسجر قلت ليهو انا كمان عايزه قال لي كدي عيدي كلامك ده تاني قلت ليهو اناا كمان عايزه قال لي قومي اتخارجي من هنا قلت ليهو اصلا بعرف في دولابك في علب كتيره بمشي بجيب و اجي دخلت فعلاً جبت و جيت قال لي دي قلة ادب جديده صح؟قلت ليهو انت زاتك قليل ادب و على العليك مستفز قال لي قبل اقوم اكفتك رجعي العلبه دي قلت ليهو لو ابيت قام اول م قام انا جريت جرا وراي بعد مسكني قال لي احسن الشفع م يتشالقو ساي كلمة شفع دي غازتني شديدد. قلت ليهو منو شفع؟ضحك و قال لي انتِ قلت ليهو اخير ليك ابتسم و قال لي ح تعملي شنو يعني لزيتو و قلت ليهو اخير ليك والله قال لي قصيره كده هسي بلزك ح تقعي عشان كده احسن الشفع م يتشالقو و ضحك😂😂حقيقي من كتر م اتغزت الدموع جات في طرف عيوني لو غمضت بس كانت الدموع ح تنزل قال لي لالا خلاص م تبكي انا بهظر و كان بيضحك بكيت و هو بيضحك فيني خليتو و مشيت الغرفه جا لحقني قال"لي الدرجه دي م قادره تتقبلي انك شافعه؟"عايزه اطلع من الغرفه قال لي و هو بيضحك خلاص م تبكي م تبكي و حضني قلت ليهو م شافعه انا و عندي ولدين قال لي ده مقياس يعني؟انك عندك ولدين ده انجاز؟لما يبقو سبعه بعدها ده يدوب انجاز اتفكيت منو و قلت ليهو دي اول مره و اخر مره انت فاهم انا تلاته ايام بتوجع تلاته ايام ضحك و حضني تاني قال لي فداهم الوجع طلعو تؤام قلت ليهو هوي هوي تقول اتوجعت معاي عشان تقول لي فداهم الوجع ضحك بي صوت عالي و قال لي عزبتيني معاك عليك الله منو غيرك اتوحمت بي فتة فول لما كانت حامل؟كمان الساعه ١١ بي الليل ،،و وقت الولاده تلاته ايام انا مستحملك كمان اخر شي وصلتي ليهو قلتي لي اديني الشبشب عايزه اضربك بي الشبشب قلت ليهو انت تستاهل😂😂 واحد من التؤام بدا يبكي مشينا شلتو و قلت ليهو عزيز ده منو؟هزار ولا هزاع؟قال لي م عرفتيهم لسه؟ديل اولادك ي زوله قلت ليهو م تتفصح ده منو فيهم؟قال لي هزار قلت ليهو طيب بتعرف الفرق كيف؟هم نفس بعض قال لي صح هم تؤام مطابق و بيبشهو بعض شديد لكن في هزار عندو شعرو شويه كتير من هزاع قلت ليهو لا مف فرق قال لي ركزي كويس تاني عاينت لي شعرهم م لقيت فرق،رفعو مني و قال لي لو نعسانه امشي نومي و بكره ح نتكلم عن الفرق و كيف تفرقي بينهم لانك م قادره تفتحي عيونك كويس من كتر م انك نعسانه قلت ليهو فعلاً والله اولادك عذبوني،،مشيت نمت و خليتو هو بينوم هزار،،اليوم التاني كان نايم صحيتو و قلت ليهو م عندك شغل الليله؟قال لي م هسي صحيتي الساعه ١٢ قلت ليهو انت ح تنوم لحد ١٢؟قال لي م نمت الليل كلو م نمت بي سبب هزار قلت ليهو معليش حبيبي نوم عوافي عليك شلت التؤام و قعدت في الهول و فتحت التلفزيون بحضر واحد منهم بدا يبكي و بعدها طوالي التاني بكى بقيت بتكلم مع نفسي و بقول متمني تؤام و هسي براي بتعذب و هو نايم م عرفت اتصرف اعمل شنو ولا اسكت منو فيهم انا زاتي بقيت ببكي معاهم جا طالع من الغرفه قال لي خنساء لا اله الا الله محمد رسول الله،قلت ليهو ابو يسكتو قال لي ابو يسكتو تقومي انتِ كمان تبكي معاهم؟اصلا ح اتوقع منك اي شي طفلة م فاهمه اي شي قلت ليهو ياخ احسن ياخ احسن داخل على الغرفه قلت ليهو طبعاً ماشي تنوم تاني قال لي ماشي اجيب مفتاح العربيه ي خنساء قلت ليهو ماشي وين قال لي م بعرف طافش زاتو،،طلع من الغرفه و شال هزار و هزاع مشا جنب الباب قال لي شيلي المفتح من جيبي افتحي الباب ده قلت ليهو طيب انتظر البس توب امشي معاكم جريت لبست اقرب توب و جيت فتحت الباب و شلت واحد منو نزلنا تحت سلمت على خالتو عواطف قالت لي ماشي وين؟قلت ليها م عارفه والله ضحكت و قالت لي تمشي ساي قال ليها اصلاً هي بلك. ساي،،قلت ليهو هسي برجع خلاص قال لي و هو بيضحك هسي لو قلت ليك ارجعي م ح ترجعي قلت ليهو اصلا م ح ارجع و المفتاح معاي و ح اسوق انا قال لي شنو شنو؟ي زوله عايزه تقتلينا كلنا ولا شنو قلت ليهو بس لحد اطلع الظلط قال لي لا قلت ليهو عليك الله بس مسافه بسيطه،،،بعد تحانيس وافق طلع العربيه بعد طلعها قلت ليهو يلا انزل قال لي خنساء م تتهوري مف داعي تسوقي قلت ليهو الا اسوق اصلاً شوف الظلط قريب كيف هدا ظاهر قال لي انا خايف نوصل الظلط تدخلي بينا في الظلط و تودينا لي الله ضحكت و قلت ليهو لالا ي حبيبي بنزل طوالي قال لي والله؟قلت ليهو والله قال لي طيب،،بعد قربنا من الظلط قلت ليهو عزو اها كيف و كيف قال لي شنو قلت ليهو الظلط قال لي وقفي وقفي ضحكت بي صوت عالي و قلت ليهو جبان انت جبان؟قال لي ي زوله العربيه دي اهم منك زاتو قلت ليهو خاين ده،،بعد وصلت الظلط وقفت العربيه هو جا فتح الباب قال لي انزلي يلا قلت ليهو كمان شويه قال لي لا قلت ليهو عليك الله قال لي لا يعني لا نزلت و مشيت عشان اركب بي الجهة التانيه قبل اركب عايزه افتح الباب عشان اركب في بتاع ركشه جا ماري ضربني في كتفي عبد العزيز اتخلع و جا جاري علي و بتاع الركشه مع اني صرخت م وقف عزيز شاف اللوحه بتاعتو و كتبها في التلفون و قال لي انتِ كويسه ي خنساء؟قلت ليهو م وجعتني شديد الضربه خفيفه قال لي اركبي نمشي المستشفى قلت ليهو لا م عايزه امشي بس نرجع البيت قال لي طيب حاضر اركبي،،رجعنا البيت خالتو عواطف قالت لينا مالكم؟قلت ليها حصل حادث بسيط قالت لي بسم الله حادث شنو؟؟؟؟حكيت ليها قالت لي كدي دقيقه اجيب ليك في مرهم كويس مش في وجع؟قلت ليها اي وجع بسيط مشت جابت المرهم لما جات عزيز قال ليها ي امي جيبي بسوي ليها انا،،مشينا بيتنا هو و بيسوي لي المرهم قلت ليهو عزيز م تعمل شي لي سيد الركشه م حصل شي انا كويسه والله قال لي انتِ عارفه كويس ي خنساء انا م برضى فيك قلت ليهو ي عبد العزيز يمكن ده رزق يومو و عندو اسرة بيصرف عليها اتخيل من دونو اسرتو ح يحصل ليها شنو،،عشاني ي عبد العزيز حاضر؟م رد قلت ليهو ححاضر؟قال لي تمام تمام،،بعدها سالتو مجاهد ح يتحبس لسه كم؟ملامح وشو اتغيرت قال لي اسمعيني كويس ي خنساء مجاهد ده طول م انا عايش ح احاسبو على كل غلطة غلطها في حقك و م عاش ولا ح يعيش البيغلط في حقك
يتبع.....
