م كنت متاكده ده حلم ولا لا لكن قفلنا الموضوع،الاولاد كانو بيلعبو و انا و عزيز كنا قاعدين سالتو طالع متين؟قال لي بس شويه و اقوم اجهز ،كنا بنتونس بعدها فجاة سمعنا صوت عالي اتخلعت قلت ليهو عبد العزيز ده سلاح قام و جرا على غرفتنا و انا جريت و كنت برجف،قال بي صوت عالي ده شنو و قلع منهم السلاح قعدت في السرير و كان جسمي كلو بيرجف و بقول حمدلله،كنت متخيله واحد منهم حصل ليهو حاجه عبد العزيز كان بيجوط فيهم و بيشاكلهم و دي اول مره يشاكلهم،و انا كنت قاعده في السرير و خاته يدي في راسي خالتو عواطف و البيت كلو جو و هزار و هزاع م كانو متخيلين ده كلو يحصل برضو مخلوعين،،حمدلله الرصاص جا في الحيط هم كانو واقفين و بيعاينو لي الناس قلت لي عبد العزيز وين كان السلاح؟عاين لي السرير و قال فوق السرير مع تلفوني و مفتاح العربيه و البيت،بعد الوضع هدا و بقينا قاعدين برانا قلت ليهو السلاح م كان مؤامن؟قال لي لا قلت ليهو عبد العزيز انت مهمل شديد،،قال لي م اتوقعتهم يدخلو غرفتنا ي خنساء،كانو الاولاد داخله فيهم صدمه لي درجه نهائي م كانو بيتكلمو عبد العزيز قال م ح يطلع الشغل قلت ليهو لا امشي مف مشكله انا قاعده،طلع و كنت حاسه بيهو متاثر لي الحصل،لما عايز يطلع قلت ليهو دقيقه ي عبد العزيز مشيت ليهو جنب الباب ختيت يدي في خدو و قلت ليهو م حصل شي ي عبد العزيز حمدلله م تفكر في الموضوع كتير،حضني و هو بيقول لو كان حصل ي خنساء لو كان حصل قلت ليهو حبيبي حمدلله م حصل شي م تفكر في الشر عشان م يحصل،قال لي بعيد الشر،قلت ليهو انت كويس؟ح تقدر تمشي الشغل الليله ؟قال لي اي خلي بالك من نفسك و الاولاد و طلع،بعد خلصت من شغل البيت مشيت قعدت مع الاولاد في غرفتهم كانو راقدين لما دخلت عملو نفسهم نامو ،جبت الالعاب بتاعتهم و قلت ليهم م عايزين تلعبو؟م ردو علي قعدت في الارض و قلت ليهم انت زعلانين ليه؟عشان بابا شاكلكم؟انا عارفاكم م نايمين فتحو عيونهم و كانو بيعاينو لي و ساكتين قلت ليهم بابا ي حبايبي بس كان خايف يحصل ليكم شي،م كان بيتكلمو قلت ليهم م عايزين تلعبو هزار قال لي عايز اتكلم مع بابا قلت ليهو حاضر حبيبي مشيت جبت التلفون و اتصلت لي عبد العزيز قلت ليهو الاولاد عايزين يتكلمو معاك فتحت الاسبيكر و هزار بي الاول اتكلم عبد العزيز قال ليهو هزار حبيبي سكت مسافه و بعدها قال معليش حبيبي زعلت مني؟قال ليهو ي بابا تعال صلح الحيطه اتشقت معليش انا شقتيها بي المسدس قال ليهو م مشكله حبيبي فداك اي شي بعد شويه بجي و نصلحها مع بعض حاضر؟فجاة الولد اتفجر بي البكى كان بيبكي بي صوت عالي كانو كان كاتم البكى بعد اتكلم مع ابوهو و لقاهو م زعلان منو حتى بكى،حضني و بكى حضنتو و انا بقول ليهو معليش حبيبي م تبكي م حصل شي،بكيت معاهو و هزاع جا برضو حضني،حسيت بي هزار كان متاثر شديد طلعنا الهول قعدتو فوقي و فتحت قناة اطفال قلت ليهو ح نحضر مع بعض كان بيهز راسو و بيقول لي لا خلي بابا يجي يصلح الحيطه حضنتو و قلت ليهو ي حبيبي بابا في الشغل لكن قال ح يجي بعد شويه،قال لي لا قولي ليهو يجي سريع اتصلت لي عبد العزيز و اديتو يتكلم مع ابوهو قال ليهو ي بابا وين انت؟تعال صلح الحيطه حاضر حبيبي في تاني حاجه؟هسي بجي عايز حاجه اجيبها ليك انا و جاي؟قال ليهو لا قال ليهو طيب ادي التلفون لي هزاع اداهو و قال ليهو عايز حاجه اجيبها ليك؟داك م شاء الله م خلى شي كان عايزو 😂لما جا كان جايب من كان حاجه قال هزاع عايزها اتنين ،رفع هزار و قال ليهو حبيب بابا زعلان ليه؟كان هزار حاضن ابوهو و حسيت بيهو عايز يبكي قال ليهو طيب نمشي اول المغلق في حاجات مفروض نشتريها و بعدها نرجع كان رافع هزار و قال لي هزاع ارح ي صنضيد😂طلعو و بعد جو راجعين شويه كان هزار احسن من قبل،بدو يصلحو الحيطه مع بعض و بعدها يدوب هزار بقا كويس،
بعد خلصو انا و عبد العزيز كنا قاعدين قلت ليهو مدلعهم شديد هسي يمكن هو اتاثر كده عشان عليت صوتك عليهو،قال لي لا م عشان كده هو ي خنساء م كان متوقع ده كلو يحصل طفل هو و اتخلع لما شاف كمية الناس و سمع الصوت العالي و الحيطه اتشقت ،السلاح م شي عادي احنا اول م دخلنا الكلية الحربيه ي خنساء اول ايام بدينا نضرب سلاح والله كانو السلاح بيضرب جواك،،فما بالك هو طفل،والله ي خنساء من بدينا تدريب السلاح بعد شهر حتى بديت اتعود قلت ليهو كيف كان تدريبكم؟قال لي صعب عارفه كان بيقفلونا في غرفة و بيكون معانا في الغرفه بمبان و م واحد بس اقل شي تلاته ،ضحك و قال لي واحد من الكان بيكونو معانا في الغرفه الوضع م عجبو طوالي قال عايز يطلع فعلاً طالع مشا و جا تاني قال ابوهو طردو😂قلت ليهو تدريبكم كان صعب شديد قال لي ده ولا شي قدام الصعوبات الحصلت لينا كنا في الوقت داك بنشوفها صعوبات لكن هسي والله الموضوع عادي شديد،،لما امشي ازور الكليه و اشوف الطلاب بيتدربو بشوف تدريبهم عادي شديد😂كنت ببعد عن اهلي لما التدريب يسلك كنت بجي يوم الخميس بقعد الجمعه و السبت برجع ،،مره امي حلفت م تخليني اطلع من البيت و تبكي و تشاكل ابوي انت م بتخاف ربك؟شوف الولد ده اتغير كيف بقا ضعيف و لونو قلب،الليله ولدي من البيت ده م بيطلع اليوم داك كان يوم السبت ابوي قال لي قوم امشي اجهز عشان تمشي،،انت وطن ي زول،،طلعت من البيت و امي تبكي كاني ماشي على موت،قعدنا نتونس عن ايام زمان و بعدها قال لي صح عايز اقول ليك بكره بعد الفطور عندنا مشوار قلت ليهو وين؟قال لي مفاجاة قلت ليهو عليك الله وريني قال لي لا بكره ح تعرفي،،اليوم التاني بعد الفطور فتح الدولاب و طلع لي بنطلون جينز و تيشيرت و طلع لي عبايه قلت ليهو ده شنو؟قال لي اجهزي و البسي ديل قلت ليهو متاكد؟قال لي ايوه جهزت الاولاد و جيت بديت اجهز و بعد جهزت نزلنا تحت امو قالت لينا حبايبي ماشين وين؟قال ليها قريب ي امي في حاجه ولا عايزه شي؟قالت ليهو لا بس م تتاخرو شديد عشان حبوبتك جايه الليله،قلت ليها بالجد؟و فرحت فرح مبالغه بعد اتحركنا قال لي تاني م ح تفضي لي قلت ليهو اصلا،قال لي ي زوله!!انتِ مشيتي رسمتي عشان حبوبه جايه؟قلت ليهو لا ابداً بس عشان زوجي الغالي😂قال لي لا حبوبه المره دي مف ليها رجعه لي البلد،قلت ليهو والله يكون احسن شي ي عبد العزيز
يتبع.....
