قال لي انتِ لسه متاثره من الحادث الحصل؟معناها في قلبك لسه حاجه اتجاهو؟هزيت راسي بمعنى لا و غطيت يدي بي وشي و بقيت ببكي،،بكيت لان مف زول قادر يفهني و انا التفاصيل الحصلت دي صعبه علي،قلت ليهو في لحظه واحده رجعت لي نقطة الصفر معاك فكرت اني رجعت زي زمان و انو الفات كلو ح احاول انساهو لكن م قدرت،،،مف زول قادر يفهمني حضني و قال لي انتِ ي خنساء م مشكله م قادره تنسى مشكلتك م قادر تدي نفسك فرصه تانيه و م قادره تكوني قويه ي خنساء،،،،احسن من تفشلي ي خنساء تحاولي لكن م تحاولي تنسي لان المحاوله في النسيان م بتدي نتيجه،،،، حاولي تتجاوزي و ح تكوني بالنهايه فخوره من نفسك انك قوية و قدرتي تتجاوزي الصعوبات الحصلت ليك خنساء بيقولو "من يحاول النسيان جبان"عارفه ليه جبان؟لانو بيكون بهرب من الحاصل بي النسيان و كل مره ح يحاول ينسى ح يفشل لانو دي محاول فاشله لكن لما يتجاوز بيكون كانو في نص المعركه و بيحارب و كل م يحارب ح يكون فخور بي نفسو و كل م يكون فخور ح يقوى اكتر ،،اتزكري عادي لكن خليك متجاوزه الموضوع و مع مرور الزمن ح تلقي نفسك من كتر م اتجاوزتي نسيتي كمان،،كلامو كان بالنسبه لي دواء لي كل حاجه في حياتي اكتر من نص ساعه انا فضلت حاضناهو لاني والله لاول مره حسيت بي الامان كده،لي اول مره زول فهمني لي الدرجه دي،،بس كنت حاضناهو و افضه تماماً اني افكو لاني كنت محتاجه احس بي الامان دي لي اكبر فتره ممكنه،بعدها قال لي بي صوت واطي خنساء"حبيبتي"ابتسمت و هو كمل كلامو قال نمشي البيت و ترتاحي لانو لازم تاخدي الدرب و بكره ان شاء الله لو انتِ كويسه و ح نبدا نجهز لي العرس رفعت راسي من حضنو و قلت ليهو شنو؟قال لي ح مجهز لي العرس قلت ليهو ح تمشي معاي انت؟قال لي انت عاوزه شنو؟قلت ليهو اي نمشي انا و انت قلت ليهو ح اعمل فلوقات عروس😂قال لي تعملي العايزاهو اليوم يومك قلت ليهو خلاص ارح البيت سريع عشان اخد الدرب و افك الفراشه دي سرعه،،،وصلنا البيت و كان امي و ابوي قاعدين في الحوش اول م امي شافتني قالت لي بسم الله في شنو مالك؟و ابوي قال لي ان شاء الاه خير ي بتي،،جينا البيت لقيناك م قاعده قلت ليهو كنت مع عبد العزيز قال لي هو هسي معاك؟قلت ليهو اي هدا جنب الباب بيتكلم تلفون قال لي اتقدمي انا هسي بجيك و انا و بتكلم مع امي و ابوي جا داخل سلم عليهم و قعد اتونس معاهم و في نص الونسه جات سيرة العرس قال ي خالتو والله م عايزين نتاخر اكتر من كده مش اي حاجه جاهزه؟قالت ليهو اي ي ولد مجهزين اي شي بس انتو و اختياركم لو ح تعملو عرس قال ليها كيف الكلام ده ي خالتو اكيد ح نعمل و بكره ان شاء الله ح نبدا نجهز و موضوع الصاله هسي كنت بتكلم مع صحبي قال لي بيظبط الموضوع ده،،،امي قالت ليهو خلاص بكره تمشي هي و اخواتها يختارو الفستان و بيشوفو البيلزمهم وحاجات العروس البيعملوها دي لما قالت كده عاين لي و اتبسن و بعدها قال معليش لو م عندكم مانع ح نمشي انا و هي ابوي قال ليهو جداً ي ولدي هي حلالك م تستأذن لما ابوي قال هي حلالك فرحت والله حتى قلبي فرح،،صدفه غريبه و عجيبه شديد،سبحان الله بالجد
