نمت عندهم و قبل انوم عملت منبة الساعه 2 المنبة ضرب و صحيت عبد العزيز م كان جا قلت اصلي قيام الليل صليت و قريت قران و هو لسه م جا ،،طلعت الحوش كان في كراسي قعدت و انا منتظره هو لسه م جا الساعه ٣ و نص جات و انا منتظراهو و كل عربيه تجي ماشه في الشارع بفتح الباب م بلقاهو هو بقيت ببكي و بعاين لي الساعه في تلفوني الساعه ٤ و ١٢ دقيقه بي الضبط باب الشارع فتح و عزيز جا داخل،،قال لي خنساء انتِ صاحيه؟جريت حضنتو و انا ببكي قال لي حبيبتي و انا لسه كنت ببكي قريب ربع ساعه انا كنت حاضناهو و ببكي،،ركبنا فوق فتح غرفة الاولاد م لقاهم قال لي وينهم؟قلت ليهو تحت م قدرت اقعد براي و قلنا ح ننوم تحت،قال لي اشتقت ليهم نايمين وين؟تعالي اشوفهم و نرجع قلت ليهو شوفهم في الغرفه الكنا قاعدين فيها انا و انت طلع و انا رقدت نمت يدوب قدرت انوم😂بعد رجع صحاني قال لي خنساء قومي الصلاة بالاول م صحيت بعد محاولات منو صحيت صلينا قال لي اقري قرآن "ان قرآن الفجر كان مشهودا"جبت المصاحف اديتو واحد و شلت حقي بدينا نقرا بعد خلصنا طلع قريب نص ساعه م جا راجع و انا منتظراهو بعد جا راجع افتكرتو ح يجي ينوم فتح الدولاب و شال علبة سجائر قلت ليهو عبد العزيز خت السجائر ده و تعال ارقد نوم قال لي بس وحده قلت ليهو لا و تعال نوم قال لي حاضر في شي تاني؟قلت ليهو افكر،،جا رقد قلت ليهو ريحة السجائر فيك طاقه شديد قال لي كنت بفكر فيك قلت احسن اسجر و افكر فيك بي مزاج ضحكت و قلت ليهو مستهبل قال لي والله جد😂قلت ليهو و هسي ماشي تفكر في منو؟ ضحك و قال لي يمكن في بتي ال لسه م جات الدنيا قلت ليهو ههههه ظريف انت،، بت مف يعني مف قال لي انا كمان ح اعرس خلاص ضربتو في كتفو و قلت ليهو بس فكر تفكير ساي شوف ح يحصل شنو قال لي خلاص انا عايز بت قلت ليهو انت براك قلت عايز تؤام و سبحان الله طلعو تؤام قال لي و ربنا كريم تاني يدينا بت حلوه زيك و اذا ان شاء الله جاتنا بت ح اسميها انا قلت ليها ح تسميها منو؟قال لي ثريا قلت ليهو عندك حبيبه اسمها ثريا؟ضحك و قال لي اي قلت ليهو هوي قال لي م تبكي ي زوله 😂😂قلت ليهو مف ثريا مف مففف قال لي والله؟قلت ليهو والله مسك تلفونو و كان بيتبسم قلت ليهو عبد العزيز قال لي نعم سكتت مسافة و قلت ليهو انا بالجد م بقدر اعيش من غيرك عارف الليله كنت خايفه لي ياتو درجه؟مسك يدي و قال لي بتي حبيبتي انا معاكِ م تخافي بعدها نمت
نمنا فجاة سمعت صوت خنساء كانت بتتكلم هي و نايمه،كانت بتقول لا ياخ قلت ليك لا انا ماشه معاك صحيتها عاينت لي و رقدت نامت حضنتها و انا بفكر يمكن هي نامت و كانت بتفكر اني ح اخليها يوم لسه كانت بتتكلم و كلامها كلو بيوحي لي معنى انو زول ح يخليها و يمشي الصباح لما صحيت هي لسه كانت نايمه لكن نفسها متقطع و بتتنفس بي صعوبه صحيتها قلت ليها خنساء في شنو ي زوله قالت لي في شنو؟قلت ليها نفسك متقطع انتِ كويسه؟ قالت لي خليني انوم ياخ وضعها ابداً م كان عاجبني اتصل لي واحد من اصحابي قال لي اطلع تعال و كانت الساعه ٨ صباحاً نزلت انا و طالع سمعت صوت هزار بينادي علي رفعتو و قلت ليهو نعم ي بابا قال لي ماشي وين قلت ليهو هنا قريب قال لي ماشي معاك قلت ليهو هزاع نايم لسه؟قال لي اي قلت ليهو خلاص ارح و طلعنا
بعد صحيت م كان في زول في البيت قلت خلاص امشي اجيب هزار و هزاع مشيت لقيت واحد بس القاعد قلت ليهو اخوك وين؟قال لي م بعرف دقيت لي عبد العزيز قال لي اي معاي قلت ليهو ح تجو متين؟قال لي هسي جايين في الطريق طلعنا فوق و بعدها هم جو كان بيعاين لي بي طريقه غريبه قلت ليهو عبد العزيز في شي؟قال لي لالا مف شي،،وقت الفطور احنا و بنفطر برضو كان بيعاين بعد خلصنا قلت ليهو عبد العزيز في شنو؟مشا البلكونه مشيت وراهو لقيتو بيسجر و كان سرحان وقفت و م مشيت جنبو قبل علي و م اتكلم عايزه ادخل قال لي خنساء قلت ليهو نعم قال لي انتِ كويسه؟حالك ده م عاجبني والله م فهمتو قلت ليهو شنو؟قال لي نمشي المستشفى؟قلت ليهو ليه يعني؟قال لي امبارح بي الليل كان عندك ضيق في التنفس و دي م اول مره ي خنساء،،قلت ليهو عادي ي عبد العزيز قال لي كيف يعني عادي ي خنساء انتِ مستهبله؟قلت ليهو خليك من ده كنت وين الليله؟قال لي عند صحبي عرسو يوم الجمعه الجايه قلت ليهو بالجد؟حلو طيب قال لي اسمعيني كويس انتِ محجبه يعني زي العملتيهو في عرس قرابتكم م عايز المره الفاتت سكتت عشان كانت الصاله مفصوله لكن المره دي م مفصوله الصاله اشوفك عامله بهرجه كتيره ح تقعدي سامعه الكلام ده ولا م سامعه؟ابتسمت و قلت ليهو عزو روق م تتضايق قال لي انا كلمتك بس،،العصر هو طلع و انا نزلت عند خالتو عواطف قلت لي عزه اسمعيني بتعرفي تسوقي؟قالت لي اي ليه؟قلت ليها عندي مشوار قالت لي نسوق عربيه ابوي عشان لو سقنا حقت عزو ح تجيهو جلطه قلت ليها حقيقه والله،،كلمنا خالتو عواطف اننا طالعين و الشفع ح يقعدو معاها وافقت طلعنا و بس كنا سايقين بت عزه الصغيره عمرها ٩ شهور،،قالت لي اها ماشه وين قلت ليها في مكان هنا قريب حبشي فيهو فساتين حبشيه عايزه اشتري و لو م لقيت البيعجبني و عندي واحد معين عايزه افصلو بيفصلو لي قالت لي حلو نمشي،،مشينا و الفستان العجبني للاسف كان فيهو صليب😂بتاع المكان كان حبشي و انا بوصف ليهو اني عايزه نفس الفستان ده من غير صليب صليبي انا طلع😂بقول ليهو صليب لا يقول لي مقاس م قدرك؟خلاص اقيف نشوف مقاسك ،،لا انا عايزه فستان من غير صليب انا و بشرح ليهو عزه كانت بتتكلم بي التلفون بعد خلصت قالت لي مالك هايجه كده😂😂قلت ليها م عايز يفهمني قالت لي في شنو حكيت ليها المشكله اتكلمت معاهو بي الحبشي اتصدمت و بقيت بعاين ليها بي خلعه،،قالت لي م تتخلعي كنا قاعدين في اسمراء قلت ليها انت و راجلك؟قالت لي لا انا و اهلي حتى عبد العزيز اتولد هناك م كلمك؟قلت ليها انتِ جاده؟قالت لي اي والله،بعدها شال المقاس بتاعي قلت لي عزه م ح تفصلي انتِ؟قالت لي افصل ليه؟قلت ليها هي صح نسيت اكلمك عرس صاحب عزو يوم الجمعه قالت لي بالجد؟صحبو منو؟قلت ليها م بعرف والله قالت لي ح افصل طوالي في شنو و مف شنو😂بعد اخد مقاسها اتفقنا معاهو نجي نشيلو بعد تلاته ايام و طلعنا قلت ليها اسمعيني ي عزه بعد الفساتين تجهز خليهم عندك عشان عزو لو شاف ح يقول لي ده لو لي الحفله م ح تلبسيهو ضحكت و قالت لي و لما تمشي الحفله ح تعملي شنو؟قلت ليها الله كريم الوقت داك😂،قالت لي اسمعيني في الانستا في استور بيبيعو اكسسوارات حبشيه مبالغه حلوه بعرف محلهم نمشي نشوف؟قلت ليها اي ارح مشينا احنا و في الطريق عزيز دق لي رديت قال لي وين انتِ؟قلت ليها طلعنا مشوار انا و عزه وين؟قات ليهو مكان قريب قال لي طيب ح ترجعو متين؟قلت ليهو قريب قال لي خنساء اتكلمي عديل قلت ليهو عزو هسي ح نرجع م ح نتاخر
يتبع.....
