قال لي م كلهم ي خنساء هسي لما مشينا مدني كان شغل تبع الجيش،قلت ليهو عبد العزيز كيف شغال في الشغلين انت؟قال لي الف مره ي خنساء قلت ليك م ضروري تعرفي اي شي قلت ليهو بشنقك انا ي عبد العزيز والله اشنقك و ارتاح منك اتكلم احسن ليك كان بيضحك،قعدت في السرير و انا خاته يدي في راسي و هو لسه بيضحك قلت ليهو عبد العزيز انا وقت عرستك وقعت وقعه مربربه ضحك بي صوت عالي و قال لي معليش تكبري تنسي طفي النور و تعالي نومي قلت ليهو عندك نفس تنوم انت عندك نفس تنوم؟ وااييي ي عبد العزيز راسي صدع واايي انا ،كان بس بيضحك و رقد قال لي خنساء بالله بطلي درامات زي العجايز و ارقدي نومي رقدت و انا بفكر في الموضوع لحد نمت،عدت الايام و في يوم بي الصباح كان لابس ملابس رياضه قلت ليهو ماشي وين الليله اها ورينا فنياتك ضحك و قال لي عشان هبالتك دي م كنت عايز اكلمك،ماشي فرع الرياضه العكسري لما كان طالع باس راسي قلت ليهو عبد العزيز انا لحد هسي مصدومه قال لي خنساء شنو الفرق يعني شغل عادي م بيحتاج تعملي الهباله دي كلها و الكلام ده زي م كلمتك مف زول يعرف سامعه ؟طلع بعد خلصت شغل البيت كانت الساعه ١٠ فكرت امشي بيت اهلي اتصلت ليهو عشان اكلمو م كان بيرد الساعه ١٢ تاني قلت احاول م رد بقيت بتصل ليهو مكالمات كتيره بالنهايه في راجل رد و كان بيقول تلفونك بيتصل من قبيل سمعت عبد العزيز بيقول ليه رديت ياخ قلت في نفسي اجيي كيف يعني،قلت ليهو عبد العزيز وين انت؟قال لي كلمتك ماشي وين قبل اطلع هو و بيتكلم سمعت زول بيقول ي دكتور قلت ليهو ده شنو ي عبد العزيز دكتور شنو؟انت وين ي زول؟قال لي خنساء و سكت قلت ليهو اي قاعد تالف شي تقولو لي صح؟قول الحقيقه انت وين قال لي اسمعيني ي خنساء عارفك لايوقه الكلام ال ح اقولو ليك ده اعمليهو بي الحرف لو عايزه تجي محل انا قاعد،قلت ليهو انت وين؟قال لي اسكتي و اسمعي كلامي م تتكلمي كتير ،ح يجيك زول هسي ح تركبي معاهو و توصفي ليهو بيت اهلك تسوقي معاك الاولاد توديهم بيت اهلك و مع نفس الزول ال ح يجيك ده ح يجيبك المستشفى قلت ليهو واااييي انت في المستشفى؟قال لي لا اله الا الله محمد رسول الله ي خنساء ح تعملي القلتو ليك والله تقعدي في البيت؟قلت ليهو ح اعمل طيب انت مالك؟قال لي و اهلي لما يسالوك قولي ليهم ماشه عند اهلي و قبل يسالوك ح يوصلك منو اتصلي لي و وقت تتصلي اعملي فيها يدوب تعرفي انو صحبي ح يجي يوصلك سامعه؟؟قلت ليهو طيب ي عبد العزيز ....قفل الخط قبل اكمل كلامي جهزت الاولاد و جهزت و انا قاعده بي فارق الصبر عبد العزيز اتصل لي و قال لي الزول ده قريب من البيت انزلي و بعد تنزلي اتصلي لي ،عملت زي م قال لي كان الراجل عملاق عديل م شاء الله عندو عضلات و م شاء الله عاتي لمن مف طريقه،لما طلعنا انا و الاولاد كانت العربيه لونها اسود و مضلله ركبنا و قبل نمشي كتير تلفونو اتصل رد و كان بس بيقول تمام،وقف العربيه و اداني التلفون قلت ليهو منو؟م رد علي شلت التلفون قلت الو عبد العزيز اتكلم و قال لي خنساء بي العربيه دي يمكن تكونو في خطر ح ترجعو البيت و قولي لي امي عربيه صاحب عبد العزيز اتعطلت كلميها تديك مفتاح عربيه ابوي لو قاعده او اي مفتاح عربيه من العربات ال في البيت قلت ليهو بي صوت عالي عبد العزيز الحاصل شنو م تكرهني قال لي اعملي زي م قلت ليك ولا ارجعي اقعدي في البيت قفلت الخط في وشو و مشيت فعلاً كلمت خالتو عواطف و ادتني المفتاح الراجل طلع العربيه من البيت و ركبنا وصلنا لحد بيت اهلي،كلمت امي انو انا و عبد العزيز طالعين السوق و هو هسي مشغول لحد اوصلو ح يكون خلص شغلو عشان كده قال لي صحبو يوصلني،صدقت طلعت من البيت و الاولاد بيبكو،وصلنا المستشفى دخلت الغرفه ال قاعد فيها عبد العزيز كان التيشيرت كلو عباره عن دم اتخلعت و اول شي قلت وااااييي و كان راسو ملفوف بي شاش كان في راجلين قاعدين معاهو،بعد انا جيت طلعو و انا بصرخ و بقول ليهو حصل شنو؟ده شنو ي عبد العزيز واااي انا وي عللييي قال لي خنساء لا اله الا الله محمد رسول الله ي زوله انا كويس قلت ليهو شوف الدم ده كلو تقول لي انا كويس؟؟وااايييييي ي عبد العزيز الحصل شنو طلعت كويس انت طلعت كويس ديل هم العملو فيك كده صح؟الله لا كسبهم ان شاء الله قال لي ديل منو انتِ عبيطه مشيت ضربتو و قلت ليهو تقفل خشمك ده ضحك و قال لي م تعملي دراما كتيره انا م ناقص قلت ليهو في دراما اكتر من دي؟شوف حالتك دي شوف تشوف العمى بركة الله شوف الدم ده ضحك و قال لي خنساء ده م دمي انا رفع القميص و قال لي شوفي انا كويس والله ،بعدها يدوب سكتت و قعدت بعد مسافه قلت ليهو اسمعني حصل شنو؟م رد علي قمت و قلت ليهو والله انا زهجت من الوضع ده والله قال لي خنساء انتِ ح تستفيدي شنو لو عرفتي اي شي؟ح تستفيدي شنو لو قلت ليك كيف حصل لي كده؟ح تمشي تنتقمي لي يعني؟و ضحك،قلت ليهو طيب ح تطلع متين قال لي بعد شويه ح اطلع ي خنساء اصلا الضربه م كبيره شديد،قلت ليهو طيب طيب ناس بيتكم ح تقول ليهم شنو؟؟ سكت مسافه و قال خنساء دي م اول مره يحصل كده و عادي بكذب اي كذبه و هم بيصدقه و ضحك،قلت ليهو دمك بارد شديد ملابسك كلها دم و انت بتضحك؟من وين جا الدم ده؟الدكتور جا داخل قال ليهو كيف بقيت ان شاء الله كويس عبد العزيز رد و قال تمام حمدلله ممكن نطلع؟قال ليهو خلي ١٢ ساعه تمر احسن يعني زي الساعه ٩ كده ح تطلع ،انت كويس م فيك عوجه بس لي الضمان و كان الراجلين دخلو معاهو و معاهم التالت ال كان جابني كانو كلهم م شاء الله عاتيين بعد الدكتور طلع عبد العزيز قال ليهم ي شباب الموضوع م بيستاهل اتوكلو خلاص انا كويس قالو ليهو لالا معقوله ياخ لحد تطلع ح نكون معاك و بنشوف ح يحصل شنو قال ليهم والله انتو بس بتكبرو الموضوع بعد الحصل ده م ح يحصل شي انتو اتوكلو انا كويس تلفون واحد منهم اتصل رد و قال تمام و بعدها طوالي ادا التلفون لي عزيز عبد العزيز كان عايز يتكلم رفع راسو لقاني قاعده قال خلاص تمام لي بعدين تمام تمام ضحكت و قلت ليهو انا ي عبد العزيز انا ؟؟؟؟؟؟الرجال كانو بيعاينو لي بي استغراب شكلهم بيقولو دي شنو المجنونه دي😂قلت ليهم خير؟؟؟؟عبد العزيز ضغط على عينو و ضحك قال ليهم معليش ي شباب اصلا هي فاطه سطر ممكن تخلونا برانا؟طلعو هم و طالعين واحد قال لي عبد العزيز الله يعينك و طلع،قلت ليهو انا ي عبد العزيز غريبه لي درجة م عايز تتكلم جنبي؟م رد علي ضربتو في وشو و قلت ليهو م تعاين لي كده م تعاين لي قال لي هو و بيضحك خنساء والله انا كان قمت عليك بكفتك اخير ليك ي خنساء قلت ليهو اسكت كان بيضحك قلت ليهو ديل شنو العمالقه ديل انت بتتعامل مع ديل؟برضو م رد علي تاني ضربتو و قلت ليهو انا لما اتكلم معاك رد قال لي خنساء اتخارجي البيت اتخارجي قلت ليهو م ح اتخارج و لما اتكلم م تسكت فاهم؟قال لي ارد اقول ليك شنو يعني؟م تكرهيني تاني ضربتو و قلت ليهو اسكت ضحك بي صوت عالي و قال لي هسي من دربك ده تمشي البيت قلت ليهو ح امشي معاك قال لي خلاص عليك الله اقعدي رايقه لحد الساعه ٩ قلت ليهو ح نقعد لحد الساعه ٩ قال لي اي قلت ليهو الاولاد ي عبد العزيز خليتهم بيبكو قال لي طيب ارجعي قلت ليهو لا ح نرجع مع بعض،،احنا و قاعدين قلت ليهو لو كان حصل ليك شي؟قال لي م بيحصل لي شي حادث بسيط حصل و حمدلله انا كويس قلت ليهو حادث؟انت ليه كذاب كده؟م رد علي قلت في نفسي ابكي شويه يمكن يتكلم بديت ابكي
يتبع....
