بعد جهزت اتصلت لي عبد العزيز عشان اكلمو اني جهزت قال لي انا زاتي قريب خمسه دقايق و بكون عندك،،فعلا جا لما دخل انا م كنت منتبها كان في مرايه طويله كنت بعاين في المره تفاصيل الفستان و المكياج فجاه سمعت زول بيقول م شاء الله اللهم بارك،،قبلت عليهو لقيتو عبد العزيز قلب دق شديدد م كتر م هو مركز و بيعاين لي بي تدقيق خجلت و نزلت راسي جا قرب علي و باسني من راسي و قال"انتِ عارفه اليوم ده كنت منتظرو من متين؟ان شاء الله تكون بدايه م ليها نهاية ابداً ان شاء الله م تشوفي مني شر،،ان شاء الله م ازعلك و م اعمل شي في الدنيا دي غير اني اسعدك❤️"وصلنا الصاله و كان في كم ولد مطقمين نفس البدل،،،،دخلنا بي اغنيه "سمو عليها"اول م دخلنا م كنا في نفس المستوى انا من كتر الخوف من كمية الناس عايزه امشي وراهو بس هو مسكني كل مره يقيف و يقول لي ي بطه م تخافي و يضحك كان اصحابو المطقمين البدل حولنا و في واحد كان بي جهتي من اليمين بيعاين لي و بيمشي قلت لي زيز عاين الولد داك عاين على جهتو و ضحك و غمز ليهو قال لي ده البيقرا معاكم كان بيجيب لي اخبارك،،والله م قصر معاي نهائي😂بي النهايه بعد قال لي انك بتعرفي واحد من الجامعه و مستحيل تخليهو كان قفلنا على الموضوع قلت ليهو عندي اساله كتيره بعدين ح اسالك،،كان العرس حلو شديدد بس انا كنت متوتره شويه،،م كان في سفر ولا شهر عسل عشان الجامعه لكن هو كان واعدني اننا نسافر،،رجعنا و اصلا اتفقنا اننا بعيش مع اهلو تحت بس غرفتو غيرناها،،رجعنا البيت و انا بس كان في بالي اسئله كتيره،هو كان في الغرفه و خالتو عواطف نادتني"ام عزيز"و كان الوقت متاخر شديد بدت تتكلم معاي و قالت لي" اسمعيني كويس ي خنساء الزواج ده مصير دي مسؤليه هي ح تكون ليك مسؤليه صعبه شويه لكن بعد سنه او سنتين ح تكوني اتعودتي على الوضع و في مشاكل في الحياة الزوجيه لكن لكن حاولو اتفاهمو و م تخلو المشاكل تكبر بيناتكم بيقولو ي خنساء انك تتعوجي ولا تنكسري في المشاكل بادري انتِ ولدي صعب شويه لكن حنين شديد انتِ خليك قادره تتصرفي معاهو،،قالت لي النصايح دي كتيره خليها يوم تاني و ضحكت،،،رجعت الغرفه م لقيت عزيز قاعد رقدت نمت بعدها حسيت بي يدو في وشي ابتسمت قال لي ي بطه قومي قلت ليهو ليه؟رد ح نحضر فيلم قلت ليهو انت غبي؟نعسانه انا قال لي لا الا تقومي شغال التلفزيون و جا تاني يصحيني ابيت اصحى قومني بي الشده قعدني فوقو و قال لي بتي الحلوه مف ليك نوم😂قلت ليهو اليوم ده كان متعب شديد احسن ننوم العمر طويل باقي الايام بنحضر ان شاء الله قال لي لا هسي،، قعدت احضر معاهو بالنهايه نمت
نامت و هي زي الطفله في حضني،،يدوب بقيت مطمئن و هي جنبي،،فتحت تلفوني و بديت اصورها هي و نايمه تلفوني اتصل،،رديت
-الو
_انت اكبر واحد خاين بتعرف الحاجه دي؟
-نادين؟
_ايوه نادين خساره الحب الحبيتك ليهو و المشاعر الهدرتها ليك على الفاضي ي عبد العزيز بالنهاية عرست؟طيب انا؟وثقت فيك
-نادين اصلا انا من الاول قلت ليك م اظن يمكن يكون بيناتنا قسمه
_كانت بتبكي و بقول قلت يمكن مع مرور الزمن تغير كلامك ي عبد العزيز وجعت لي قلبي ي عبد العزيز
-اسف
_اسف؟؟؟؟انا بكرهك ي عبد العزيز بكرهك عارف انا اتضررت لي ياتو درجه؟لكن انت ولا على بالك مع مرتك حالياً ياخ انا لي درجه حاولت انتحر
-ي نادين استغفري
_عبد العزيز دي البدايه و الزمن طويل م عايزاك ولا عمري ح اكون عايزاك لكن والله لو م خربت حياتك زي م خربت حياتي م ببقا نادين و انا و انت و الزمن طويل
-شنو زمن طويل زمن طويل والله بس تحاولي بس مجرد محاوله م لومي الا نفسك
_انا هسي ح ارسل ليك صور شوفها و اديني رايك طيب؟
-صور شنو ي نادين بطلي تخلف ي نادين
_دي صور بسيطه بس في حاجات غير الصور ح تخرب حياتك كلها
ضحكت،،،قفلت الخط و طلعت برا بقيت بشرب سجائر كانت الساعه ٣ فجر فجاة رسائل وصلتني فتحت شفت من الاشعارات انها نادين مرسله صور ختيت التلفون و كانت الرسائل لسه بتنزل عملت التلفون وضع طيران،،بعد ربع ساعه سمعت خنساء بتنادي دخلت جوا قلت ليها نعم و اظنها كانت خايفه قالت لي وين كنت؟قلت ليها قاعد برا في حاجه؟قالت لي خفت قلت ليها تعالي و حضنتها قالت لي ريحتك ليه كده؟شربت سجائر؟قلت ليها امم ضربتني في كتفي و قالت لي تاني م تشرب،،قلت ليها رايك شنو نطلع شقتنا فوق؟في بلكونه حلوه قالت لي طيب نمشي،،،بعد قعدنا مسكت يدها و قلت "بتوثقي فيني؟" قالت لي احنا دي بداية علاقتنا المواقف هي ال ح توضح لي انا مفروض اوثق فيك ولا لا،انت خليك صريح معاي حاضر،قلت ليها خنساء قالت لي ايوه في حاجه م رديت ختت في كتفي و قالت عبد العزيز لو في حاجه احكيها لي نبدا علاقتنا صريحين مع بعض قلت ليها خنساء انا كنت بعرف بت قبل نتزوج،،لكن م اديتها ولا شويه امل انو ممكن نكون قسمه بعض، و حالياً هي عامله فيها بتهددني ضحكت و قالت لي عادي حبيبي بتحصل حتى انا كنت مرتبطه قبل نعرس قلت ليها في صور لو شفتيها م ح تزعلي؟قالت لا فتحت التلفون و وريتها الصور،،سكتت مسافه قالت لي كيف ؟كيفف يعني كنت بتقعد معاها و هي بي البيجامه كده ي عبد العزيز،ده شنو ملابسها بتكون قصيره انت بتقعد معاها في بيتهم كده؟قلت ليها خنساء هم اصلاً ساكنين قريب مننا و اصلا هي كانت برا السودان كانت صحبتي من زمان سافرو برا السودان و بعد رجعو رجعنا اصحاب اكتر من اول،كنت بعرفها من انا صغير،،قالت لي م بيخصني في قصة حياتكم لكن كيف بتقعد معاها في البيت كده؟قلت ليها خنساء اليوم ده كنت مليت ليهم انبوبه الغاز نسباً لي انو اخوانها م قاعدين معاهم هي و امها بس بعد جبت الانبوبه قالت لي الا تقعد تشرب معانا شاي المغرب قعدت و هي ي جات قالت نتصور م قدرت اقول ليها لا،،مع انو والله ي خنساء م كنت عايز نتصور ولا كنت رتاح لما هي بتحوم قدامي بي البيجامه بس كنت بتجاوز اني اعاين ليها،،قالت لي عبد العزيز م اتوقعت تكون كده م اتوقعت و بدت تبكي مسكتها قلت ليها خنساء افهميني انا قبل اكمل كلامي لزتني و مشت هي و بتبكي
يتبع....
