قال لي معاك عزه صح؟قلت ليهو اي قال لي اديني ليها قالت لي قولي ليهو سايقه قلت ليهو سايقه ي عزو قال لي اوصلو البيت بس،قلت ليها اسمعيني خلينا نمشي البيت و نطلب الاكسسوارات من النت قالت لي قربنا ي بت جبانه دي😂اصلا الرجال كده راجلي من كتر م عملت الحركه دي شال مني الرخصه عديل عشان م اسوق😂م بقدر اقعد في البيت نهائي لكن هسي عشان عشق م بطلع كتير"عشق دي بتها الصغيره"قلت ليها م بيكون في وقت تعملي فيهو مواضيع بتكون ماليه ليك وقتك لكن والله ي عزه بتك دي هاديه عديلل م شاء الله قالت لي م بعرف ليه كل الناس بيقولو عنها هاديه مع انها ابداً م كده قلت ليها ي عزه احمدي ربك انا اولادي هسي هم و عمرهم ٤ سنوات بيعزبوني خليك من لما كانو عمر بتك انا قبل كم يوم مشيت الخلوه عشان احفظ القران طردوني بي سببهم بقت تضحك و تقول لي والله عزو مدلعهم اكتر من اللازم قلت ليها بالجد ي عزه مدلعهم شديد حتى م بيرضى اذا شاكلتهم قالت لي اصلا هو بيحب الاطفال عشق المعاك دي لما يجي لازم يلعبها ،، قلت ليها فعلاً بيحب الاطفال و سرحت و انا بفكر ح يكون عندي بت؟لا ديل اخر اتنين ح يكونو عندي،،بعد اشترينا مستلزماتنا و رجعنا البيت عزو قال لينا اها كنتو وين؟قلت ليهو عند صحبتي قال لي صحبتك منو ي خنساء؟اصلا انتِ عندك صحبات؟؟؟؟م رديت قال لي عزه و انتِ كمان عشان راجلك مف يعني قايله مف زول ح يسالك؟قالت ليهو روق ي عسل مشينا هنا قريب قال لينا انا راجل ولا رجل كرسي في البيت ده؟م ردينا قال لينا والله والله تاني بس وحده فيكم تطلع باب الشارع من غير تلوم الا نفسها و انتِ كمان امشي قدامي و انتِ ي عزه الليله ح اتصل لي راجلك يشوف شغلو معاك اصلك م مسؤله و انتِ زاتك م مسؤله تخلو الشفع مع امي ؟امشي قدامي قوف ،مشيت لما جا كان جايط و انا م شغاله بي الموضوع كل م يجوط اكتر بغمز ليهو و بقول معليش حبيبي،بالنهايه زهج مني و سكت قلت ليهو اها ح تلبس شنو يوم الجمعه؟عاين لي بي استغراب قلت ليهو البس ابيض ممكن؟قال لي ليه ابيض؟احنا مطقمين قلت ليهو ااا زي م كان في عرسنا قال لي اي ،،قلت ليهو صح اتزكرت ليه م كلمتني انك اتولدت في اسمرا؟قال لي و انتِ منو وراك؟قلت ليهو اختك اها كدي اتكلم حبشي قال لي هو و بيضحك حبشي شنو ي زوله قلت ليهو و انا بقول صحبك داك ليه بيقول ليك حبشي هتاريك عشان مولود هناك😂اها كان عندك حبيبه؟قال لي اي اكيد بتزكر وحده كان اسمها جُمانا عدلت قعدتي و قلت ليهو اها اها قال لي م ح تزعلي؟قلت ليهو لا قال لي كان لونها اسمر كنت بقول ليها وردة اسمرا قلت ليهو عبد العزيز؟؟؟؟؟؟ضحك قال لي خليني اكمل قلت ليهو قفل و قمت منو دخلت المطبخ جا وراي قال لي كل مره بتحاولي تساليني عن الماضي بتاعي و لما احكي ليك بتزعلي م رديت قرب مني و قال لي انتِ الماضي و الحاضر ال انا معترف بيهو في حياتي يعني لا ماضي حصل من دونك معترف بيهو ولا مستقبل ح يكون من دونك لا قدر الله ح اعترف بيهو سامعه كلامي ده؟ختا يدو في خدي و قال "احلا منك قايله بلقا؟"ابتسمت قال لي الناس يمكن بينحازوا لي فنان او كتاب او شاعر او عازف او اي شي مميز في حياتهم لكن انا كيفي بسمتك و البيخلي بسمتك احلا الشامه الفوق شفايفك،،عارفك اتوترتي و م بتقدري تردي على كلامي ده لكن ي بطة انا مكتفي بيك فوق الحد اللازم زحيت منو و طلعت من المطبخ قعدت في الهول و كان معانا هزار و هزاع بيلعبو كنت ماسكه التلفون قال خنساء رفعت راسي عاينت ليهو و تاني عاينت لي التلفون قال لي بتي حبيبتي بتخجل ضحكت،،عدت الايام و مشينا نشيل الفساتين لكن عزيز م كان قاعد في البيت فستاني طلع قصير شويه و م عرفت اعمل شنو عزه قالت لي م قصير شديد بيتلبس يوم العرس م كنت عارفه ح اعمل شنو رغم اني محجبه ح البسو قصير ولا اعمل شنو،،هو صح م قصير شديد لكن م صح البسو كده و انا محجبه،عزيز اصلا م كان قاعد يوم العرس اتفقنا ح اجي مع اهلو و نرجع مع بعض ،،عزه قالت لي خنساء اتظبطي شويه شعرك حلو شديد م شاء الله فكيهو بظبطو ليك انا قلت خلاص م مشكله عملت لي شعري و تاني قالت لي اعمل ليك مكياج قلت ليها لا بقدر انا قالت لي مكياج خفيف عملت لي جهزت الاولاد و جهزت انا كمان الفستان الحبشي معروف بيكون لونو ابيض و كانت الطرحه بيضاء و عليهو شكل بسيط بي اللون الاخضر و طقم الاكسسوارت الحبشيه كان برضو بي اللون الاخضر كل التطقيمه بي اللون الاخضر ،،بعد جهزنا و عايزين بطلع عزه قالت لي الفستان طالع عليك احلا من م طالع علي ضحكت و قلت ليها حلو معاك كمان والله قالت لي دقيقه و مشت و جات قالت لي الحجل ده ح يكون حلو شديد معاك قلت ليها م ضروري قالت لي والله اي شي حلو مبالغه و لو لبستي الحجل ح يكون احلا شي،بعد اقنعتني لبستو و كنت خايفه من عبد العزيز،،وصلنا الصاله كان الحفله لسه م بدت اول م دخلنا كنت خايفه شديد و بتلفت بفتش في عبد العزيز عيني وقعت فيهو جسمي برد من الخوف😂و هو كان بيعاين لي من فوق لي تحت ملامح وشو اتغيرت جا علي و قال لي بي صوت واطي التبرج ده كلو م مفروض زول يشوفو غيري صح ولا م صح؟رفعت راسي عاينت ليهو بي تردد و تاني نزلت راسي قال لي تمام ي خنساء تمام و مشا مني حسيتو بالجد زعل مني شديد كانت الحفله حلوه شديد بعد خلصت كنا بس راجعين انا و عزيز و هزار و هزاع التؤام نامو و عزيز ابداً م حاول يعاين لي حتى،لحد وصلنا البيت مف زول فينا اتكلم لما جينا عايزين ننوم قلت ليهو عبد العزيز عاين لي بي طرف عينو و قام عايز يطلع مشيت مسكتو من يدو و قلت ليهو ماشي وين قال لي اي مكان م مستحمل اكون معاك في نفس الغرفه حضنتو و قلت ليهو انا بخاف براي زحاني منو و طلع،،قعدت في الغرفه م قدرت اقعد براي مشيت ليهو لقيتو قاعد في الهول قعدت جنبو قلت ليهو انت زعلان مني لي الدرجه دي؟م رد علي بكيت و قلت ليهو انا اسفه حضني و قال لي خلاص م مشكله قلت ليهو راضي علي؟قال لي م راضي بس خايف عليك زحيت من حضنو و قلت ليهو خايف علي ولا بتشفق علي ؟بس عشان لما ازعل بيكون عندي ضيق نفس بس انت م عايز يحصل زي المره الفاتت م همك مشاعري ولا اي شي عاين لي بي استغراب كملت كلامي و انا ببكي و بتنهد انت بتحبني ي عبد العزيز؟طيب م تشفق علي و كل مره تعاين لي و عيونك كلها شفقه م عايزه اكون معاك انا م عايزه اكون مع اي زول و مشيت الغرفه رقدت عايزه انوم هو م جا نمت وقتها و بالجد كنت حاسه نفسي ضعيفه من كتر م انو بيشفق علي،حسيت نفسي بيكتم قمت قعدت بقيت بصرخ و بجر شعري عبد العزيز جا بي سرعه مسكني من يدي و بيقول لي خلاص انا معاكِ بتي حبيبتي انا معاك كنت بغمض و بفتح عيوني بي الشده ختيت راسي في كتفو و قلت ليهو انا كويسه ي عبد العزيز قال لي خنساء حاولي اتنفسي براحه قلت ليهو م عايزه و رقدت و قلت ليهو حرك اصابعك في شعري قال لي خنساء انتِ م مرتاحه في التنفس قلت ليهو قلت ليهو م عايزه قال لي طيب طيب و باسني في جبهتي و بدا يحرك اصابعو في شعري نمت و انا بقول ليهو انا كويسه ي عبد العزيز لما صحيت م كان قاعد في البيت اتصلت ليهو رد قلت ليهو وين انت؟قال لي في الشغل قلت ليهو ح ترجع متين؟قال لي م معروف قلت ليهو طيب و قفلت الخط،،العصر كده قلت عايزه امشي بيت اهلي اتصلت ليهو قال لي م تمشي ي خنساء انا شويه و ح اجي بكره م شغال نمشي كلنا قلت ليهو طيب،،قفلت منو الخط كنت قاعده بحضر واحد من التؤام جا قعد جنبي قلت ليهو هزار ؟قال لي نعم قلت ليهو مالك حبيبي عيان انت؟عندك حمة انت قال لي لا م عيان بابا وين؟قلت ليهو ح يجي بعد شويه لما جا ابداً م اتكلم معاي و كان بيتكلم مع الاولاد كان رافع هزار و بيقول ليهو ي بطل انت عيان؟م كان بيرد قال لي انتِ شاكلتيهو؟قلت ليهو كيف يعني ؟اشاكلو ليه اصلا،قعد جنبي و كان هزار قاعد فوقو قال لي الولد ده عندو حمة نمشي نفحص ليهو؟قلت ليهو طيب ارح مشيت لبست عبايه لما جيت هزار كان بيبكي و بيقول م ماشي عزيز كان بيقول ليهو خلاص ي بابا انت بطل م تبكي مش الرجال م بيبكو ؟قلت ليهو م تدخل في راسهم قصة الرجال م بيبكو ح تخليهم يكتمو جواهم و ده م صح ي عبد العزيز شلت هزار منو و ختيتو فوقي و انا حاضناهو كنت بقول ليهو م عايز تلعب مع هزاع؟ح تخليهو براهو؟بس ي حبيبي ح نمشي الدكتور عشان تبقا كويس و ترجع تلعب مع هزاع و اولاد عمتو،و لو م بقيت كويس هزاع ح يلعب مع اولاد عمتو من دونك و انت ح تكون عيان صح؟م رد علي قلت ليهو نمشي موافق؟هز لي راسو بمعنى اي،،طلعنا و كان عزيز رافعو هزاع كان بيقول لي ي ماما انا ح تفحصو لي؟قلت ليهو اي قال لي انا م ماشه ح اقعد مع حبوبه قلت ليهو م ح نفحص ليك ي ولد ارح لما جينا عايزين نركب العربيه هزاع حلف يركب و هزار بيكبي الا هزاع يمشي قلت ليهو ي هزاع م بيفحصو لي زول م عيان انت عيان؟قال لي لالا قلت ليهو خلاص ارح عشان هزار يبقا كويس بعد اقنعتو ركب العربيه،،هزار كان قاعد فوق ابوهو حتى هو و سايق،فحصنا ليهو ملاريا و فعلا طلع عندو ملاريا،ادوهو علاجات و جينا راجعين و عبد العزيز ابداً م كان بيتكلم معاي كتير
يتبع.....
