المغرب اذن و البيت م كان فيهو غيرنا احنا و عماتي و اعمامي و كم وحده من خالاتي كانو عايزين يطلعو من البيت انا كنت في الغرفه امي جات قالت لي اهلك طالعين م رديت عليها كانت مغطيه وشها بالتوب و بتبكي انا كلامها من كنت قادره افهمو صوتها مبحوحه و خاطرها مكسور شديد
كنت ساكته و ابداً م اتكلمت امي طلعت و بعدها تقريباً بعد ربع ساعه ابوي جاء داخل قال لي قومي ي بت الناس ديل منتظرنك عاينت ليهو و عيوني كلها عباره عن دموع كمل كلامو و قال انتي العملتي في نفسك كده يلا قومي و طلع ابتسمت و انا ببكي قعدت في الارض و انا ببكي سمعت صوت مجاهد بيقول لي اطلعي يلا ي خنساء اتاخرنا كنت برجف و بتنهد لي درجه م قادره اتنفس اخواني رفعوني و طلعوني💔كنت متمنيه يرفعوني انا و جنازه احسن من يرفعوني و انا بالحاله دي للدرجه دي هم قاسيين انا ببكي قدامهم بصرخ م كان عندهم ولا حبه من الحنيه تجاهي اخوي خالد كان قاعد و منزل راسو في الارض لما جيت طالعه جنبو كنت بصرخ عانيت ليهو ختا يدو في وشو اتفكيت منهم و جريت ليهو و انا بقول ي خالد حرام عليكم انا اسفه تاني م بسوي كده م عايزه امشي معاهم كان بيبكي حتى بي صوت بكيت كتير و انا في الارض بحنسو بالنهايه قال لي والله لو علي م اخليك تعرسي و تطلعي من البيت ابوي مصُر شديد ي خنساء لما اعترضت قال لي من الليله انا لا ابوك ولا بعرفك قمت من الارض مشيت على جهة ابوي قلت ليهو انت للدرجه دي قاسي ياخ ليه ليه؟؟بس عشان م تتفضح؟فهمك م ح اعرس بعد العملتو ده؟انا عملت شنو؟ياخ م عايزه اعرس م عايزه م عايزههه
انت م ممكن تكون كده م ممكن
قلت لي خالد انك لا ابوهو ولا بتعرفو عشان عايز مصلحتي؟
اقول ليك شي؟انا ح اطلع من البيت ده و من الليله انت لا ابوي ولا بعرفك،امي جات جاريه و بتقول لي ده كلام شنو ي بتي م تقولي كده لزيتها و انا بقول ليها زحي مني عشان الناس بتخسروني عشان بس خايفين يتكلمو عنكم؟قالت لي الستره ي بتي انستري قلت ليها بي صوت عالي ياخ انا عملت شنو عشان انستر ليه ياخ💔
لكن انتي عارفه م دايره ادخل البيت ده تاني مهما حصل و لو جنازتي قدامكم م تبكو علي و طلعت من البيت مشينا بيت عمتي و انا طول الطريق ببكي اهلي م كان عندهم اعتبار تجاهي انا كاني يتيمه دخلنا البيت و طوالي دخلت في اقرب غرفه لقيتها و قفلت الباب نمت في الارض بالليل كانت الساعه 12 صحيت بي صوت الباب بيدق قمت فتحت الباب كان مجاهد قال لي تعالي غرفتنا م رديت مسكني من يدي قلت ليهو مجاهد فكني قال لي م بفكك يلا قدامي لزيتو و قلت ليهو اسمع انا م لعبه عندك و الله و الله انا هسي م عندي اي شي خايفه اخسرو انا حالياً مفضله الموت من اعيش معاك في بيت واحد لانك واحد مقرف شديد اي انا م عندي اهل من الليله لكن والله زي م خسرت اهلي بخلي اهلك يخسروك وكان في طربيزه رفعتها و قلت ليهو اطلع مسكني من يدي عايز يجرني ضربتو بالطربيزه في راسو عايز يعلي صوتو بديت بي صوت عالي شديد اطلععع قال لي خلاص قفلي طالع زاتو دي شنو المجنونه دي،طلع و انا برجف قعدت في الارض و انا بستغفر و بفكر دي البدايه ي دوب اول يوم طيب انا كيف ح اقدر اعيش في البيت ده؟جاتني افكار كتيره و منها انتحر بس كنت بستغفر الصبح اذن و انا لسه م نمت صليت الصبح و نمت في المصلايه في الارض،لما صحيت عيوني بتوجعني شديد من البكى،كان في سرير رقدت فيهو و انا بقول ده حلم صح؟؟انا اكيد بحلم ،عمتي جات قالت لي تعالي افطري كنت راقده و م اتكلمت تاني قالت لي تعالي افطري قلت ليها م عايزه انا قالت لي دي القسمه ح تعارضي فيها؟قمت قعدت في السرير و قلت ليها اي بعرف انها قسمه لكن انتو جبرتوني اعرس بعرف انك انتي ال اديتي ابوي الفكره دي انتي مريضه اصلاً من انا و صغيره بتقولي عايزه تعرسيني لي ولدك ال م نافع ده و ابوي كان بيعترض و بيقول اني صغيره لكن الليله لقيتيها فرصه ده كلو لشنو؟؟؟؟عشان تغطي على ولدك كل م تجونا او احنا نجي بيتكم ده كان بيحاول يقرب مني و انتي عارفه كمان عارفه،ضربتو بالمزهريه لما شاكلتيني كلمتك بي كل شي و اعتبرتك زي امي مع اني امي م كلمتها عملتي شنو؟ولا اي شي ،فضلت ساكته عشان م اخرب علاقتك مع اخوكِ و كنت معتبره اخوكِ معتبرني بتو لكن للاسف زيك زيو و كان ممكن في اي وقت اقول اي شي لكن سكتت عارفه ليه؟؟لانو اخوكِ اصلاً خايف من كلام الناس و لو قلت الحصل ده كلو كان ح يتصرف نفس التصرف ده اصلاً انا ح اتوقع منو شنو،بتقولي عني م نافعه؟انا م متربيه؟بالله شوفي تربيتك الربيتها لي ولدك و بعدين اتكلمي قالت لي انتي احمدي ربك لقيتي زول يسترك قلت ليها لا انتي احمدي ربك عشان سترتي ولدك الخايب ياخ انتي منو اصلاً عشان تتكلمي عن حاجه بتخصني؟بتتدخلي ليه؟ادتني كف لويت يدها قلت ليها اقسم بالله مش لو عمتي اصلاً انا منتظره منكم فرصه اتوقعي في اي وقت تغلطي السكين يكون في بطنك اي ح اوصل مرحلة الاجرام و اي شي معاكم احسن اموت او اعيش في السجن ولا اعيش مع ناس مقرفين زيكم يلا اطلعي علت صوتها و قالت بيتي و بتطرديني؟؟قلت ليها مف زول جبرك تجيبيني في بيتك هسي قولي لي ولدك يطلقني قالت لي الا كان تحومي في الشوارع م قدرت ارد طلعت و انا اليوم كلو ببكي عدا يومين و في اليوم التالت اخوي خالد جاء كنت راقده جاء داخل فجاة حسيت بي يد زول في كتفي و بيحاول يصحيني رجفت و حتى شعر جسمي غز قبلت لقيتو اخوي بكيت شديد و هو بيقول لي مالك في شنو؟؟في زول مزعلك و كنت بتكلم بس مغطيه وشي بي يدي و ببكي جاب لي توب و قال لي قومي البسي و ارح م رديت قال لي خنساء ح نتفاهم و ح ترجع و بعدين بعرف م اكلتي شي قومي يلا اصر علي لبست التوب و طلعت معاهو احنا و طالعين عمتي قالت ليهو واديها وين؟م رد طلعنا ركبت في العربيه قال لي خنساء في شنو مضايقنك؟هزيت ليهو راسي بمعنى لا قال لي طيب مالك قولي م تخافي من شي قلت ليهو اقول شنو يعني؟مجبوره اقعد في الجهنم ده انا البيت داك تاني م ح ادخل الا جنازه بس قال لي بعيد الشر ي خنساء م تقولي كده ديل اهلك قلت ليهو ابداً م اهلي انا م عندي اهل انا يتيمه قال لي م تقولي كده تاني م رديت قال لي النتائج يوم التلات الجاي جيبي رقم جلوسك قلت ليهو م عايزه اقرا جامعه انا قال لي انتي م ح تقري عشان ابوي ولا امي ولا اي زول انتي ح تقري عشاني انا و انا ال ح اقريكِ كنت ساكته قال لي يلا قولي الرقم برضوا م رديت ضحك قال لي خايفه من الفضايح اديتو رقم الجلوس جاب اكل و جبرني اكل بعد اكلت اتكلمنا شويه و رجعني البيت للاسف م بيت ده جهنممم💔💔💔
يتبع.....
