قال لي اي جادي قلت ليهو ح تعرس منو؟قال لي بت عمي قلت ليهو ايوااا قال لي اساليني لو قلت موافقه اني ح احبك ح يحصل شنو قلت ليهو اها لو وافقت ح يحصل شنو؟قال لي ح تكوني انتِ مرتي بدالها قلت ليهو بتهظر صح؟قال لي م بهظر قلت ليهو مرتك ح تقلتني عديل قال لي م مرتي لالالا م مرتي ضحكت و قلت ليهو جابرنك عليها ولا شنو قال لي احنا عندنا بنعرس من اهلنا بس يعني بنات عمي و بنات عماتي و كده و والله انا ولا مخطط اعرس زاتو بس ابوي الايام دي شغال لي م تعرس بس اعقد و انت في الجيش كده بيزيدو ليك المرتب و بعدين اعمل عرس عديل قلت ليهو ي ابوي م عندي مره اعرسها قال لي بس ح تعرس بت عمك قلت ليهو م عايزها قال لي الا تعرس بت عمك بس،،،والله حيرني و م قادرت اقول ليهو لا و امي زاتها م عايزاني اعرس بت عمي قلت ليهو لكن صعبه بعد كده تقول م عايزها و كمان ابوك ح يدخل في حتات ضيقه و ممكن تحصل مشاكل بين عمك و ابوك قال لي بس يتصرفو يعرسو ليها من اخواني ولا من اولاد عمي ولا اولاد عمتي لكن انا م عايزها قلت ليهو لو انا م وافقت ح تكون عايزها ي عسل😂😂قال لي انتِ بس وافقي و هسي بمشي بقول لي ابوي انا لقيت مره سكتت مسافه و قلت ليهو موافقه قال لي طيب دقيقه م تقفلي الخط فجاة سمعتو بيقول ي ابوي اسمعني،،قال ليهو سامعك قال ليهو انا لقيت مره م بعقد على نورا قال ليهو كيف الكلام ده ي ولد قال ليهو عديل فجاة سمعتو بيقول شايفه اولادك ديل؟؟لسه م خلصت انا بتفاهم مع ده يجي التاني يقول لي لقيت مره؟خسارة التربيه سمعتو بيقول ليهو ي حاج اسمع ماشي وين و تاني سمعت زول بيقول ليهو كان تخليني اتفاهم معاهو بالاول هسي فقل مننا عديل تاني م ح يتفاهم والله انت زول عارض م لقيت تتكلم في الموضوع ده الا هسي؟ضحك و قال ليهو انت مالك عملت شنو؟قال ليهو بمشي و بجي بحكي ليك و برضو كنت سامعه صوت مره بتقول ليهو ده كلام شنو ي ولد قال ليها عديل الكلام ده انا لقيت مره قالت ليهو اسمها منو؟و اهلها من وين؟ضحك قال ليها انا زاتي م عارف قالت ليهو انت زول مستهبل ساي قال ليها ي حجه انا يادوب عرفتها الليله كيف بالسرعه دي اعرف اي شي عنها لكن الليله الامور بتوضح ان شاء الله و بعدها قال لي يلا امشي كلمي اهلك لانو في الاسبوع ده احنا ح نجيكم امو سمعت صوتها بعيد بتقول ليهو بتتكلم معاها؟ضحك قال ليها اي،،قلت ليهو كيف يعني في الاسبوع ده؟ابوك اصلاً م راضي قال لي ابوي ده بكره ح يرضى بس انتي كلمي اهلك قلت ليهو اسمعني في حاجات مفروض نتكلم عنها قبل اكلم اهلي و كان مفروض نقعد و نتكلم قبل انت تكلم اهلك قال لي انا باقي عليك خلاص مهما قلتي انا بقيت عليك❤️
ضحكت و قلت ليهو الحاجه الغريبه انك اصلا م عارف اسمي و م عارف اي شي عني ولا انا عارفه اسمك ولا شي عنك و بتقول باقي عليك اول مره تحصل ناس يخططو يعرسو و م عارفين اسامي بعض ده لو عرسنا اصلا😂قال لي ي زوله شنو لو عرسنا بنعرس والله مش انتي موافقه؟خلاص ح نعرس ان شاء الله قلت ليهو طيب اسمك منو قال لي "عبد العزيز" ابتسمت و هو برضو سالني انتي اسمك منو؟قلت ليهو "الخنساء" قال لي نوسه قلت ليهو لا م تقول لي نوسه😂و احنا و بنتونس اتفقنا انو نتقابل و كده و في اليوم ال اتفقنا نتقابل فيهو صحيت الصباح على اساس اني عندي محاضره و كده و اليوم داك اصلا م كان عندي محاضره😂😂صحيت وجهزت بعدها طلعت و مشيت في المكان ال اتفقنا نتقابل فيهو قعدت و هو لسه م كان جاء صراحه كنت مرتبكه شديد و اصلا الربكه القبل الموعد بي ساعه حلوه شديد😂،،،بعد اقل من ربع ساعه جاء و كان عباره عن حاجه كده فخمههه❤️❤️❤️،،،،، طريقة سلامو اول م جاء و اسلوبو و تعاملو معاي حاجات كفيلة تخليني احاول احبو بعد الحصل لي و بعد العلاقات المريت بيها،،حرفياً فتحت ليهو قلبي من اول و جديد في حال اني كنت مخططه م ارتبط ولا احاول ارتبط و المره دي كنت مخططه م اتعمق في الحب و اعرس طوالي و الحب اكملو في بيتنا😂😂😂❤️
