انا و في الامتحان الزمن كلو بفكر فيهو امتحنت كيف الله يعلم خلصت من الامتحان و طلعت طوالي،،،،مشيت بالشارع التاني من المدرسه فعلاً شفت عربيتو و مشيت ركبت كنا بتنونس قال لي هسي لو جيت اعقد عليك ح يقبلو؟قلت ليهو لا ح يقولو صغيره بعد اخلص من تالت نعقد كده احسن قلت ليهو طيب في الحله في بنات كتار احلى مني ليه بس عايزني انا؟قال لي وانتِ م حلوه يعني؟ي بت انا بحبك من كنت صغير وانتِ شافعه قلت ليهو حتى انا بحبك من زمان والله قال لي هانت ح نكون في بيت واحد قريب ان شاء الله قلت ليهو يعني انت م بتعرف بنات في الجامعه او كده؟قال لي انا في الكليه الحربيه ح اشتغل في الجيش النبات ح يجيبهم الكليه الحربيه شنو؟والله الا كان بنات زيك ممكن يجو ضحك ضحكت معاهو وقلت ليهو م تتريق علي يعني بس ادخل الجامعه ح اتغير اصبر بس اصبر قال لي م تتغيري ي زوله كده حلوه شديد لكن المشكله انك قصيره شديد،،،فضلنا بنتونس و رجعني البيت لكن نزلني قبل البيت بي شارعين عشان مف زول يشوفنا او كده
دخلت البيت و م اتكلمت ولا كلمه حتى كلهم استغربو من الوقت داك و ممكن اقول بديت اتغير م بنقنق زي زمان كلامي مع ناس البيت بقا قليل بقيت بهتم بنفسي كتير و م بطلع من البيت عكس زمان،،،خلصت امتحانات و في يوم وانا قاعده اخوي صدقي جاء قال لي اكوي لي الهدوم دي م رديت عليهو تاني قال لي اكويهم هو وبيتكلم طلعت من الغرفه قال لي انا مش بتكلم معاك ي زوله؟قلت ليهو م ح اكوي اي شي قبل اقبل عليهو لقيتو قدامي اداني كف رجعت لي ورا تاني اداني كف بديت الز فيهو وبصرخ وبقول ليهو م ح اكوي اي شي بتفهم صح؟م ح اكوي امي جات و هي بتقول في شنو مالكم؟؟كان في كبايه في الطربيزه شلتها و فلقتو بيها جاء علي و امي في نصنا جراني من شعري و هو بيقول لي الليله م بخليك خربشتو في يدو لحد فكاني شلت الطربيزه زاتها فلقتو بيها امي لزتني و بقت تجر فيهو لحد م طلع و هي بتقول ليهو الله يرضى عليك خليها و هو جايط و بيقول م بخليها انا الليله بتك دي عامله فيها عنيده لكن انا بكسر ليها راسها والله لمياء جات كنت ببكي قالت لي انتِ اخدتي حقك و زياده كمان وكمان بتبكي؟الوقت كان قريب للمغرب كنت ببكي و راقده لحد نمت بعد العشاء كده تلفوني اتصل انا سامعاهو لكن م عايزه ارد لمياء صحتني قالت لي قومي ده معتز بيتصل قمت و رديت قال لي صوتك مالو متغير؟قلت ليهو مف شي قال لي متاكده؟قلت ليهو ايوه قال لي كنتي بتبكي ولا حاجه؟م رديت عليهو قال لي اطلعي في الشارع التاني انا واقف هناك تعالي قلت ليهو م ح اقدر الوقت اتاخر و ابوي قاعد م ح يخليني ي معتز قال لي اتصرفي سوقي اختك الصغيره ولا اعملي اي شي و تعالي قفلت المكالمه و قلت لي لمياء ارح معاي قالت لي وين؟قلت ليها بس ارح و اذا امي و ابوي سالو قولي ماشين نحول رصيد كويس؟احنا و طالعين امي و ابوي كانو الحوش امي قالت لينا اها على وين؟قلت ليها ياخ طافشه مالكم و مالي انتو اصلا ابوي قال لي نوسه ماشين وين و مالك زهجانه كده كدي تعالي قلت ليهو ماشين نحول رصيد ي ابوي بمشي و اجي قال لي طيب رسلي اخوك صهيب قلت ليهو م ح ارسل ح امشي انا يلا ي لمياء ابوي قال لي طيب تعالي شيلي قروش زياده يمكن تكوني محتاجه شي تاني لمياء شالت منو القروش وانا طلعت طول الطريق وانا ببكي لحد وصلنا مسحت دموعي الشارع الوصفو لي مسحت دموعي و اتصلت عليهو سالتو هو وين قال لي شايفك دقايق هسي بجيك،،،فعلاً جاني قال لي مالك انتِ ي زوله؟ و عيونك مورمه كده مالك بتبكي في شنو؟؟لمياء قالت ليهو اتشاكلو هي وصدقي قال لي ياخ نبهتك كتير ي خنساء صدقي ده صعب صعب شديد لمياء شكرا م قصرتي انك جبتيها هاك ده مفتاح العربيه امشي اركبي عايز اتكلم معاها شويه لمياء قالت ليهو طيب و مشت كان في مصطبه في الشارع قال لي تعالي اقعدي قلت ليهو معتز القعاد في الشارع كده م صح قال لي شنو ال م صح ياخ هسي ارح قدامي لي ابوك هسي بعقد عليك ارح بقيت بعاين ليهو قال لي جادي انا هسي بكلمو قلت ليهو انت غبي؟؟لا مكلم اهلك ولا انا كلمت ابوي و اصلاً غشيتو وطلعت تكلمو كيف؟؟قال لي كدي تعالي اقعدي نتفاهم قعدنا في المصطبه قال لي مالك؟حصل شنو؟قلت ليهو قال لي اكوي لي وانا ابيت وكفتني قال لي طيب م تبكي انتِ برضوا غلطانه هو اخوكِ و اكبر منك صح منك م تكوي ليهو؟قلت ليهو م يخصك انت بعدين انت زاتك زيو م فرقك منو شي م رد علي بعد مسافه قال لي طيب حقك علي ي خنساء،،،توافقي اذا جيت الجمعه الجايه اخطبك؟؟قلت ليهو لا اكيد بعد اخلص من تالت ممكن لكن هسي لا قال لي طيب تمام،،،بعدها رجعنا البيت م دخلت الواتساب زي الساعه 12 كده اتصل علي قفلت الخط و عملت التلفون وضع طيران اسبوعين وانا م دخلت الواتساب و تلفوني وضع طيران في يوم وانا في المطبخ بعد المغرب كده الباب دق امي فتحتو سمعتها بتقول معتز كيفك ي ولدي مالك مطول كده مننا اتفضل ي ولدي طلعت عشان اشوف اذا ده هو فعلاً كان معتز سمعتو بيقول والله يا خالتو عشان طولت منكم الليله جاي اشرب معاكم شاي المغرب امي قال ليهو طوالي نادتني لبست التوب و مشيت ليها قالت لي اعملي شاي بسرعه ي خنساء سويت الشاي مشيت وديتو ليهم قال لي خنساء كيفك؟قلت ليهو حمدلله انت كيفك؟قال لي تمام حمدلله امي قامت و قالت لي اقعدي معاهو لحد اجي هسي برجع ي ولدي م بتاخر معليش قامت و دخلت جوه معتز قال لي مالك انتِ م داخله الواتساب و كمان لما اضرب ليك تلفونك م بدخل معاي قلت ليهو الا يكون في سبب يعني؟قال لي يعني مف سبب؟قلت ليهو ايوه قال لي ايواا تمام نده على امي وقال ي خالتو يلا في امانة الله انا ماشي قالت ليهو ي ولدي اقعد كمل الشاي قال ليها مره تانيه ان شاء الله والله عندي مشوار ضروري هسي اتصلو علي
يتبع......
