رجعنا و المره دي م رجعنا غرفتنا رجعنا بيتنا،،امي كانت معاي و بعد كملت الاربعين هي كانت عايزه ترجع قلت ليها عايزه ارجع معاك و عزيز وافق رجعت معاها البيت و كانو هزار و هزاع معاي و عزيز كان قال ح يجي يسوقنا بي الليل ،، كنا قاعدين في الحوش و اولادي نايمين جوه امي قالت ليي بتي عمتك دي كل يوم تشكي تقول طلعو ولدي من السجن قلت ليها يما غير انو مجاهد كان جايب في العقد مأذون مزيف كان بيتاجر بي المخدرات يعني انا لو اتكلمت مع عبد العزيز في قصة العقد المزيف م ح اقدر اتكلم في قصة المخدرات،،هو خرب حياتي ي امي و لازم يتعاقب احنا و بنتكلم في السيره دي عمتي جات و تجوط،قالت لينا مرت سنه و اربعه شهور و ولدي مسجون و انتِ مرتاحه هوي امشي بي عدلك ي بت و هسي تكلمي راجلك ده يطلع لي ولدي قلت ليها و انا كنت في بيتكم زي العبده و انتو مرتاحين ي عمتو نسيتي كنتو بتعملو لي شنو،،قالت لي والله ي خنساء لو ولدي م طلع اخرب حياتك فوق تحت قلت ليها العايزه تعملي اعملي و اعلى م في خيلك اركبي،طلعت و قفلت الباب بي كل قوتها امي خافت من تهديدها و بقت تقول لي ي بتي دي بتاعت شيخو الليله ووببب،،بي الليل عبد العزيز جا وانا كنت متغيره لاني حسيت بي الخوف،،سالني مالك حكيت ليهو الحصل عصب شديد قام و كان عايز يمشي لي عمتي انا كنت بوقفو و هو بيجوط و بيقول لي جايه تهددك كمان احنا و بنتناقش صدقي و معتز جو داخلين صدقي سأل في شنو؟ و معتز كان بيعاين لي عبد العزيز و عاين لي و انا بعاين ليهو و م كنت لابسه توب بس كنت بي البيجامه عزيز بي نهره قال لي ادخلي جوه،دخلت و وقفت جنب الباب البيطلع لي الحوش بسمع كلامهم،عزيز كان بيقول لي صدقي عمتك دي جات و بتهدد مرتي صدقي قال ليهو كيف الكلام ده؟قال ليهو والله بقدر انا هسي الحقها ولدها هي جايه تهجم و ممكن عادي امشي افتح فيها بلاغ،صدقي قال ليهو والله ي. عزو انت من حقك تعمل كده و قبل كده موضوع اختي بعد دخلت المستشفى مشيت ليهو كم مره طالب منو الطلاق و كل م امشي ليهو بلاقيهو م واعي و بيرفض يطلق اختي و لما اضربو عمتي بتصرخ و اصاحبي بيقولو لي ده م واعي و موتو خفيف يعني ضربه م متوقعها تقتلو ح تقتلو خليك هادي و المواضيع ح تتحل،،حاولت احل الموضوع بي اللين و اللطف مف اي قايده و هو الوقت داك كان عارف انو مف عقد زاتو عشان يحصل طلاق و كان بيماطلني اخر مره مشيت ليهو قال لي م ح اطلق اختك دي ح اعلقها في زمتي كلامو ضايقني ضربتو عمتي مشت فتحت فيني بلاغ قعدت يومين في السجن و بعداك صحبي طلعني بي كفاله،،و تاني لو مشيت ليهو عارف ح يقول كلام يضايقني و ح اضروب و كده ح اضر صحبي معاي،،كنت عايز امشي المحكمه عديل لكن بعداك ي مان عرفت انو اصلا م عاقد و انا مستغرب كيف الكلام ده و كنت عايز امشي بيتهم لكن ابوي قال لي ي زول انت طالع من المشكله دي بي كفالة صحبك،م تدخل صحبك في مشاكل،،عزيز قال ليهو هسي لو سكتنا المره دي ح تعيدها قال ليهو منو القال ليك ح نسكت ارح طوالي عزيز قال ليهو لا انت م تمشي ي صدقي المره دي بتكون عايزه فرصه منك لكن انا ح اتصرف الموضوع ده خليها علي معتز قال ليهو م تدخل جوه البيت خليك واقف بره عشان لو دخلت هي كمان ح تقول ده تهجم و تحاول تشتكي عليك،،قال لي صح والله الموضوع كان طاير من بالي،تسلم ي حبوب،،ي صدقي قول لي خنساء اجهزي بعد كده ح نمشي صدقي قال ليهو اقعدو شويه كمان قال ليهو لالا نمشي بعد كده بنجيكم مره تانيه ان شاء الله،،صدقي لما جاي علي انا جريت و قعدت جنب اولادي و امي كانت نايمه و اختي في غرفتها و انا كنت في غرفت امي و ابوي ،،جا قال لي راجلك قال ليك اجهزي قلت ليهو طيب و لبست العبايه و و انا و بجهز في الاولاد عزيز جا داخل قال لي لسه؟قلت ليهو بس شويه بس انتظرني و بعد جهزتهم شال واحد من التؤام و انا شلت التاني و طلعنا معتز كان قاعد و بيعاين لينا لما طالعين بعد ركبت العربيه عزيز كان واقف و بيتكلم مع صدقي،،و معتز م كان بيتكلم كتير ،،بعد اتحركنا كان ماشي على اتجاه غير بيتنا سالتو ماشين وين؟م رد لي و اصلاً انا كنت عارفه انو ح يمشي لي عمتي قلت ليهو عزيز الوقت اتاخر مف داعي نمشي زي الوقت ده برضو م رد لي وصلنا بيت عمتي دق الباب فتحت اول شي قالو ي ياتو حق انتِ تهددي مرتي؟اسمعيني كويس احسن تكون اخر مره لكن والله والله تاني تتكرر ح تلحقي ولدك و لو كترتي كتير ولدك ده تاني طول حياتك م تشوفيهو سامعه كلامي ده؟؟؟قالت ليهو انا في الدنيا دي م طلعت الا بي ولد واحد و م بقا البيبعدو مني قال لي انا ح ابقا و انا ح ابعدو ياخ افترضي كان عندك بت و حصل ليها نفس الحصل لي بت اخوك كنتِ ح تعملي شنو؟ياخ الغريب م بيرضى يعمل كده في بت فما بالك ولدك يعمل في بت خالو كده؟لكن انا بقدر اتصرف معاهو و معاك انتِ كمان لو م احترمتي نفسك و عمرك
يتبع....
