قال لي م على كيفك سامعه الكلام ده؟ م على كيفك قلت ليهو اهلك ذنبهم شنو؟اصلا بت عمك طبيعي بتعمل لي حركات لما تجي و انا م شغاله بيها،،كان مُصر نمشي لكن انا اقنعتو،،بي الليل كانت هي لسه قاعده و اهلها مشو انا و داخله على المطبع لقيتها في الهول قلت غايتو ناس م عندها دم،،قالت لي انتِ معاي انا قلت ليها اي معاك في اي غلط في كلامي؟ياخ عرس خلاص اختيهو قالت لي عايني احترمي نفسك قبل اوصلك قلت ليها نعم؟؟؟؟انت بتهددي؟م ردت قلت ليها انا راجلك شلبتو اتغازت شديد و جاتني هايجه بتقول لي اسمعي هنا قبل تكمل كلامها مسكتها من شعرها جريتها و بقيت بقول ليها شفتي حار كيف ؟شفتي؟بقت تكورك قلت ليها كوركي ساي مف زول قاعد هي كمان جرتني من شعري عضيتها من يدها و ضربتها في وشها م عارفه الضرب كانت كف ولا شنو بالظبط لكن في نص وشها 😂ضربت نخرتها و عيونها بقت تكورك و عيونها حمرت قلت ليها عشان تاني م تتسرعي احسن ليك تختيهو عشان م اخرب ليك باقي وشك و طلعت،،و المشكله امها كانت مُصر تقعد في البيت،في اليوم التاني انا و خالتو عواطف كنا ماشين السوق بعد جهزت هي حات طالعه احتا و طالعين خالتو عواطف قالت ليها يلا بي كل استفز قالت ليها دي ماشه معانا ؟خليتو م ماشه مشيت عليها و لزيتها من كتفها و قلت ليها اسمعيني لحد هنا احنا كويسين هي كمان لزتني بي كل قوتها و رمت شنطتها و قالت لي اي بالجد لحد هنا احنا كويسين و جات على و اتقابضنا تاني و خالتو عواطف بتكورك و البيت كلو جا عبد العزيز من غير اي تفاهم اداها كف قال ليها انا حذرتك ولا لا؟قالت ليها عبد العزيز هي بلا عبد العزيز بلا زفت و لازاني من كتفي و قال لي بي نهره انتِ كمان امشي الغرفه لحد اوصلك امشي قدامي يلا مشيت الغرفه و كنت متاكده اننا ح نرحل شقتنا،،جا و قال لي والله المره دي تقولي لي م ح نمشي شقتنا بكفتك سامعه الكلام ده ولا لا؟ و انا بفكر مع نفسي قلت احسن ابكي يمكن لو حاولت م ح نرحل بكيت و قلت ليهو عبد العزيز م بقدر اقعد براي انا بخاف براي قال لي مش لو بكيتي ح نرحل يعني ح نرحل قلت ليهو ي اما اقعد هنا ي اما توديني بيت ابوي قال لي ولا ده ولا ده و ح نرحل يعني ح نرحل بقيت بزيد البكاء بالنهايه طلع من الغرفه و قفل الباب بي كل قوتو بعد طلع مسحت دموعي و قعدت كانو م حصل اي شي 😂م رحلنا و عدت الايام و في يوم كنت عيانه شديد م كان عندي جامعه قلت ليهو عايزه امشي بيت اهلي قال لي تمام ح اوديك و ح امشي الليله عندي شغل اكملو و اجيك،،وصلني بيتنا و انا كان ظاهر من عيوني اني عيانه لكن م حبيت اقول ليهم،،،كنا انا و امي و ابوي و اختي قاعدين في الحوش ابوي طلع و اختي جاها تلفون دخلت جوه انا و امي قاعدين فجاه قالت لي ي بت انتِ حامل ولا شنو؟قلت ليها لالا ي امي بعيد السر ضربتني في كتفي و قالت لي شر في عينك و قامت لبست التوب قلت ليها ماشه وين ي امي قالت لي النمشي الصيدليه اجيب ليك كشف الحمل ولا المصيبه داك البيختوهو في البطن بيظهر الحمل ضحكت و قلت ليها يما مف داعي م اشتغلت بي قلت ليها خلاص دقيقه امشي معاك طلعنا اشتريناه و بعد جينا راجعين قالت لي امشي كدي اعملي مشيت الحمام ى عملت فعلاً طلع حمل طلعت من الحمام و انا و راسي صدع خلاص،،قالت لي اها بشري قلت ليها حمل ي امي حمل سمعتها بتزعرت و انا مسكت راسي و قعدت بعدها بديت ببكي و هي بتقول لي ها المتخلفه دي في ناس م لاقيين الولاده و اتصلت لي اخواتي واخواني كلمتهم كلهم و انا ببكي قالت لي كلمتي راجلك؟قلت ليها اكلمو شنو انا ياداب عرفت قدامك يما،بعدين ح اكلمو،،،بعد المغرب جا يسوقني احنا و في الطريق لي البيت قال لي بطه حبيبتي قلت ليهو نعم قال لي انتِ كويسه؟عيونك واقعه عديل قلت ليهو اي كويسه،،قال لي عايز اقول ليك و سكت مسافه قلت ليها اها انا بكره مسافر عاينت ليهو بي خلعه و قلت ليهو وين؟قال لي بورتسودان مسافر تبع الشغل شهرين بي الكتير ح ارجع م رديت عليهو قال لي مالك انتِ م رديت عليهو تاني،،وصلنا البيت دخلت غرفتنا عبد العزيز جا داخل قلت ليهو عبد العزيز اصلا الجامعه المحاضرات ح احاول اقراها في البيت و لو في شي مهم ح امشي الجامعه من بيت اهلي يعني بي المختصر انا عايزه امشي اقعد في بيت اهلي لحد ترجع قال لي شايفه كده كويس؟قلت ليهو اي قال لي تمام،،رفع تلفونو شاف الساعه و قال العشاء فات م ح الحق اصلي في الجامع،،قلت ليهو خلاص نصلي هنا مع بعض،،بدينا نصلي بعد صلينا قبل نقوم من المصلايه قلت ليهو عبد العزيز انا حاملهو كان بيدعي قبل علي و مفتح عيونو و لسه بيحرك شفايفو و رافع يدو بيدعي بعد خلص قال لي انتِ حامل؟؟قلت ليهو اي حضني شديد و هو بيقول ي ب ارزقني الذريه الصالحه ي رب،،قال لي والله ي خنساء م عايز اخليك و امشي لكن السفريه دي مهمه ح امشي و اجي و في اقرب وقت ح ارجع قلت ليهو م مشكله قال لي تعالي مسكني من يدي و فتح باب الغرفه قلت ليهو ماشي وين؟قال لي نكلم اهلي قلت ليهو لالا م ماشه انا امشي باك ضحك و قال لي نمشي مع بعض ي زوله مشينا اول شي لي امو في غرفتها
يتبع .....
