اول م قال انتِ اتظلمتي م قدرت م ابكي بكيت لما صوتي كان عالي،،،كمل كلامو و كان بيقول خنساء افتحي الباب و ح نتفاهم براحه ي خنساء احنا حالياً متزوجين و الحياة بيناتنا م ح تكون بي الحاله دي سكت مسافه و قال لي بي صوت مبحوح طيب معليش حقك علي افتح الباب طيب،،فتحت الباب و م كنت قادره ارفع راسي فجاة حضني و قال لي ابداً م توطي راسك ي خنساء ابداً انتِ مرتي و انك تكوني مكسوره كده دي م حاجه بترضيني فاهمه ي خنساء؟بعدها بقيت ببكي شديد و هو بيطبطب على ظهري قفل الباب و قال لي تعالي ي خنساء قعدنا في السرير و هو لسه حاضني كل الزعل راح في اللحظات دي،،،كنت نعسانه شديد و هو كان بيتكلم بيقول انا اخدت حقك ي بطة انتِ م بتوثقي في راجلك؟انا ح ابقا ليك سند و وعد م ح تتكسري و انا معاك م بيرضيني انتِ تكوني كده،،،،كان بيتكلم لسه و بيطبطب على ظهري نمت و هو كان بيتكلم و انا بسمع صوتي بعيد و شويه شويه غفيت للنهاية م حسيت الا لما كان عايز يرقدني في السرير مسكت يدو قال لي بي صوت واطي ي بطه وراي مواضيع كتيره نومي بعدين ح ادق ليك حاضر؟م رديت و لسه كنت ماسكه يدو ضحك و قال لي طيب انا قاعد ي بطة ابتسمت و فتحت عيوني شفتو بيعاين لي و بيتبسم بعدها انا ركزت لي نفسي و فكيت يدو،،،جزو من شعري كان في وشي بي يدو رجع شعري لي ورا و كان لسه بي نفس الوضعيه بيتبسم و بيعاين لي قمت و لفيت شعري و قلت ليهو م عندك شغل؟ضحك و قال لي خلاص؟امشي يعني بعد كده؟قلت ليهو اي و ضحكت قال لي اسمعي موضوع العرس و انا م ح اطلع الا نحدد هسي قلت ليهو هسي والله مف مزاج قال لي الموضوع ده ح يعدل مزاجك اها يلا احكي عايزه تعملي شنو في عرسك اول شي عملتو عدلت قعدتي😂😂و طقطقت اصابعي قال لي اوباااااا م دايرين نعمل حاجات كتيره احنا ضحكت بي صوت عالي و قلت ليهو لا اسمعني انا ح اعمل عرسي زب م كنت مخططة ليهو بالظبطط و م بيخصني انت براك قلت الا نعمل عرس ضحك و قال لي اها احكي ح تعملي شنو،،،قلت ليهو اول شي ح ارسم افخممم و الفستان لازم يكون مفتوح من فوق عشان برضو ح ارسم قال لي شنو؟قلت ليهو ح ارسم كتير قال لي اي عارف لكن مفتوح من فوق كيف؟قلت ااااا و م قدرت افهمو😂😂و كان بيعاين لي لسه قلت ليهو طيب ح ارسم محل عضمة الضعافه و الفستان يكون فاتح عشان الرسم يظهر ضحك بي صوت عالي قال لي عايزه تغطي انك ضعيفه يعني ولا شنو😂😂😂😂قلت ليهو اسكت خليني اكمل باقي كلامي شعري م ح افكو بس ح اسويه بي طريقه حلوه شديد قال لي وريني قلت ليهو م بقدر اعمل نفس ال في راسي لكن قال لي شكل تقريبي عملت ليهو نفس الشكل العايزاهكان بيتبسم و قال ارح كملي قلت ليهو المكياج م كتير شديد م تخليني امشي معاك في نفس المستوى لما نكون داخلين الصالة انا وراك عشان بخاف من الناس الكتيره😂😂ضحك و قال لي انتِ جبانه ضحكت و بعدها قال لي بغير انا مفروض تلبسي فستان محتشم و تتحجبي صح؟قلت ليهو لا طبعاً قال لي ي بطة كده م صح قلت ليهو مره وحده و تاني لو عايز اتنقب زاتو ح اتنقب قال لي طيب نفكر في الموضوع ده تاني قلت ليهو انت فكر انا اصلا مقرره قال لي يعني انتِ عنيده كمان ضحكت و قلت ليهو يمكن شويه بس قال لي طيب ح افكر و نفترض وافقت ح يسحروك قلت ليهو م حصل سمعت عروسه سحروها لان بيحصنوها كويس قال لي يعني في تحصين كويس و تحصين كعب؟ضحكت و قلت ليهو انت م تركز كده و بعدين انا من قبيل م شفت ناس بيتنا الناس ديل وين؟قال لي م عارف والله حتى انا شكلو مف زول في البيت قمت عايزه اطلع من الغرفه قال لي ماشه وين؟قلت ليهو جعانه ح اشوف امي عامله الاكل شنو الليله مشيت لقيتو ملاح رجله و انا م باكل ملاح رجله جيت راجعه و قلت ليهو اسمعني في ملاج رجله و انا م باكل و م بقدر نهائي هسي اعمل اكل و انا عايزه اقاشي قال لي جداً ارح لبست اقرب توب احنا و طالعين قال لي ح تمشي كده؟قلت ليهو كيف يعني؟قال لي غطي وشك قلت ليهو حيلك انا م جاده شديد في فكره النقاب دي قال لي لكن انا جادي ي بطه م حبيت اتكلم كتير غطيت وشي و طلعنا ،،،قلت ليهو في مكان قريب مننا بيعمل اقاشي حلو قال لي طعم ولا مكان مكشوف؟قلت ليهو هي هي كلو واحد م تتدلع كتير😂قال لي ي زوله ده لي مطلحتك انتِ انا اي شي باكلو لكن انتِ كمان ظاهر عليك صنضيده و مصفحة اكل الشوارع م بياثر معاك قلت ليهو اي اصلا و بعدين اكل الشوارع م كعب لكن المشكله النااس لما تاكل بتكون بتفكر أنو ده اكل شوارع و بتكون كاشه من الاكل و لما الزول ياكل اكل كاشي من بطنو بتدقس فهمتني صح؟ضحك بي صوت عالي لمن دمع من الضحك و قال لي والله انتِ ظريفه ياخ و بعدها بقينا نتونس و وصلنا المكان قال لي م تنزلي انا ح اجيب و ناكل هنا،،،و انا م باكل اللحمه من صغيره حدي بس الفراخ و نسيت اكلمو،،مشا و جا اكلت و كان م نفس شكل الفراخ الباكلو كل مره عايزه اقول الفراخ ده لونو غامض قلت بعد فصاحتي القبيل دي لوقلت كده ح يتريق علي اكلت و بعدها جاب بارد انا بطني بالجد كانت قلبت و كل مره حالتي ماشه للاسؤا و بطني بتقلب و هو بيتونس و كل بعد كلمتين بيقول لي اشربي البارد و انا متاكده لو شربت شويه بس الدنيا ح تجوط بقيت بقول ليهو لالا اصلاً بعد اكل بنتظر الاكل يتهضم شويه و بعدها بشرب البارد و بعدها كان بيتونس و انا بختصرو بالنهايه قلت ليهو وديني البيت عاين لي مستغرب قلت ليهو البيت فاضي فعلا دور العربيه ورجعنا و انا الطريق كلو شويه و كتت ح استفرغ اول م وصلنا البيت نزلت سريع و م اتخيلتو ينزل معاي كان في وضايه في الحوش طوالي جريت على جهة الوضايه اصلا انا قبل اكل الاقاشي بالجد كنت جعانه شديد و بعد استفرغت بقيت جعانه اكتر قال لي الاكل كعب لكن انتِ عامله فيها متعوده و الموضوع عادي قلت ليهو كل مره باكل منو قمت عشان عايزه امشي من الجوع م قدرت اسند نفسي مشيت على جهة الحيطه جا بي سرعه علي و مسكني قال لي انتِ كويسه؟ليك كم يوم م اكلتي؟قلت ليهو زي يومين كده قال لي انتِ مستهبله صح؟قال لي كمان الاكل م نفع معاك نمشي الدكتور قلت ليهو م يحتاج رفعني و انا بقول ليهو لالالا الشارع نزلني قال لي اسكتي هسي جايبه الصوت ده من وين انتِ حيلك
م قادره تسندي،،،احنا و في الطريق اتزكرت انو يمكن اكلت اقاشي لحمه سالتو انت جبت لي اقاشي لحمة ولا فراخ؟قال لي لحمة قلت ليهو انا م باكل لحمة و عشان كده حصل لي تسمم م ضروري نمشي المستشفى قال لي نمشي نطمن بس و فعلاً مشينا لما دخلنا لي الدكتور قات ليهو انا بس اكلت حاجه م متعوده اكلها و حصل لي تسمم بسيط تقريبا بس مفروض تديني درب فلاجين صح؟قال لي ده المفروض لكن احسن تعملي فحص،،،و يمكن يكون في حمل،،،قلت ليهو حمل؟لا انا متاكده عبد العزيز بس كان بيعاين لي و ساكت عاينت ليهو و بقيت بفكر هو شاكي انو انا حامل يعني؟عملت الفحص و طلع ان بس تسمم و فعلا كتب لي درب و حبوب اشتريت الدرب و و الفراشه قلت م ح اخد الحبوب بس الدرب ح ينفعني قالو ح يدوني الدرب في المستشفى رفضت لان اصلا المستشفى بتضايقني ركبت الفراشه و قلت ح اخد الدرب في البيت،،،طلعنا من المستشفى و انا يدوب قادره امشي عبد العزيز كان عايز يسندني قلت ليهو لا بقدر امشي براي،،،كان ماشي على العربيه و انا م مشيت معاهو قلت اخد ركشه لحد بيتنا قبل علي لقاني م معاهو و انا كنت ماشه على اساس اني فعلاً ح اركب كشه جا علي قلت ليهو عبد العزيز شكراً م قصرت انا ح اركب ركشه و انت ممكن تمشي البيت و لو عندك مشاوير قضي مشاويرك قال لي بي صوت واطي اسمعيني ي خنساء م تعملي فيها عبيطه عشان انا م ازعلك احنا لحد هنا كويسين و هسي قدامي امشي اركبي العربيه م اشتغلت بيهو مسكني من يدي و وداني لحد العربيه فتح الباب و قال لي اركبي قلت ليهو م على كيفك انت قال لي الحاجه دي م على كيف زول فينا و انت ح تركبي من غير م نتناقش لانو احنا في الشارع،،،،اتحركنا و طول الطريق م اتكلمت،،الا بعد سالني و قال لي مالك انتِ؟قلت ليهو مان عندك شك اني حامل؟قال لي لا اله الا الله محمد رسول الله قلت عليه افضل الصلاة و السلام و سكتت،،هو كان بيتكلم و بيقول خنساء م تحاولي تفسري المواضيع من عندك ي خنساء،،،قلت ليهو م قصة افسر المواضيع من عندي ي عبد العزيز انا متاكده كان عندك شك ولو ١٪ و انا م بقدر اقعد في المستشفى كتير لاني بتضايق،،،،بتزكر يوم عملت حادث بتزكر كيف كان اليوم داك،،،فجاة داس فرامل و وقف العربيه و بقا يعاين لي
يتبع.....
