قال لي م ضروري تعرفي اي شي ي خنساء تمام؟قلت ليهو انت البتقول الكلام ده؟م رد علي عايزه اقوم مسكني قعدت قال لي خنساء م تزيدها علي،والله انا في الدنيا دي م برتاح الا في المكان ده بس،مكان بتكونو انتو قاعدين م تزيدها علي الله يخليك،حضنتو و قلت ليهو خلاص طيب اسفه،جعان اعمل ليك اكل؟قال لي اي قمت مشيت المطبخ و هو دخل الغرفه عملت الاكل و جبتو ليهو قال لي اكلي معاي ،قعدنا ناكل مع بعض و كان اكلو قليل قلت ليهو عبد العزيز انت عيان ولا حاجه؟قال لي لا بس فتران بعد خلصنا اكل طلعت ليهو ملابس من الدولاب قلت ليهو اخد حمام و ارقد نوم مشيت المطبخ لما جيت راجعه شفت الاولاد لقيتهم نايمين دخلت الغرفه شلت تلفوني قعدت شويه م لقيت موضوع قلت امشي احضر في الهول عايزه اطلع كده عبد العزيز طلع من الحمام قال لي ماشه وين؟قلت ليهو ماشه احضر قال لي اقعدي نحضر هنا قلت ليهو لا انت نوم احسن قال لي تعالي اصلا م جاييني نوم،شغل التلفزيون و رقد في السرير انا كنت قاعده و ماسكه التلفون قال لي خلي التلفون ي خنساء و تعالي،رقدت في حضنو و قلت ليهو مع اني م عايزه انوم لاني بي الليله لما اساهر بخاف قال لي بتخافي من شنو؟سكتت مسافه قال لي خنساء قلت ليهو بس بخاف من الضلام و انت بتطفي الانوار و بنوم قال لي خلاص تاني م نطفيهم عشانك و كان بيحرك اصابعو في شعري قلت ليهو عبد العزيز انا م عايزه انوم م تعمل لي كده ضحك و قال لي اتعودت😂كنا بنحضر في فيلم لحد نام،قمت عايزه اطلع تاني قعدت و بقيت بعاين لي ملامح وشو،لونو قمحي و علامة الصلاة في جبهتو و لحيتو مرتبه بي طريقه حلوه شديد،كنت بتبسم و بعاين ليهو فجاة فتح عيونو عايز يقبل على الجهة التانيه لقاني بعاين ليهو و بتبسم ضحك و جراني على حضنو،قلت ليهو انت حلو شديد ضحك و قال لي يمكن قلت ليهو خليني اعمل ليك ماسكيرا قال لي شنو؟قلت ليهو شي بيعلوهو في الرموش عليك الله ي عبد العزيز بس بسيط ح اعمل ليك قال لي طيب قمت من حضنو و قلت ليهو بالجد؟هز لي راسو بمعني اي قمت جريت جبت الماسكرا و قلت ليهو الليله نهائي م كويس انت عملت ليهو ماسكرا و كنت بضحك كان بيعاين لي و قال طيب انتِ طلبتي و انا وافقت جا دوري انا اطلب صح؟قلت ليهو اها قال لي اممم عايز بت رقدت في حضنو و قلت ليهو عبد العزيز طلبك صعب انا بعد ولدت هزار و هزار دخلت فيني خوفه عديل من الولاده قال لي يعني م ح يكون عندي بت نهائي؟ضحكت و قلت ليهو يمكن قال لي يمكن شنو؟قلت ليهو يمكن يكون عندك بت باسني من جبهتي و قال ان شاء الله ي خنساء ان شاء الله،نمنا و لما صحيت كانو هزار و هزاع في الغرفه و عزيز بيلعب معاهم قلت ليهم النايمه دي بقره؟اطلعو بره عزيز قال لي قومي كفاك نوم،قمت و قلت ليهو انا عايزه امشي لي حبوبه دخلت استحميت و جيت لبست توب مبخر و فكيت شعري عايزه اطلع فجاة شفت شبشب طاير😂كان عند العزيز قال لي لمي شعرك ده يمكن يكون في رجال تحت قلت ليهو عبد العزيز عايزه اوريها كيف عملت شعري حلو عشان تقشر بي في البلد قال لي خنساء انتِ ده همك؟ارجعي لمي شعرك ده بلا تقشر بي بلا زفت لميتو قلت ليهو كده تمام يلا مع السلامه قال لي دقيقه انا زاتي طالع طلعنا كلنا و مشينا قعدنا معاهم،حبوبه كانت بتقول لي عاد بقيتي مره😂عاين لي و قال لي بي صوت واطي والله غاشاها شديد انتِ ،قلت ليهو اسكت اسكت م تفضحنا،قالت لي عزيز عرس ود عمك ي عبدو قريب تعالو البلد سمح؟قال ليها طوالي ي حبوبه،قعدنا اتونسنا معاهم و بعد عزيز قال ماشي الجامع عشان المغرب اذن طلع و معاهو الاولاد و انا مشيت فوق بعد جو و كنا قاعدين انا و عزيز في الهول كان ماسك التلفون قربت منو و ختيت يدي في خدو عاين لي بي استغرب و خلعه،قال لي عايزه شنو؟قلت ليهو ابدا حبيبي م عايزه شي بس عايزه امشي لي امي،قال لي حاضر بكره قلت ليهو هسي قال لي زي الوقت ده؟ي زوله م جاده انتِ ولا شنو قلت ليهو ياخ طيب و سكتت،،قام قلت ليهو ماشي وين م رد علي و كان ماسك التلفون و بيتبسم،مشا على جهة البلكونه و انا بعاين ليهو و بقول ده مالو؟بي الليل رقدت عشان انوم م جاني نوم و عزيز م كان في الغرفه بقيت بفكر في شنو الليله هو بيتصرف كده معقول لقا وحده غيري؟كنت بفكر و ببكي غمضت عيوني و غفيت شويه فجاه حسيت زول بيلمسني من خسري قمت مخلوعه و صرخت كان عبد العزيز كنت بعاين ليهو و م قادره اتنفس كويس من كتر الخلعه،قرب علي و حضني هو و بيقول اسف اسف زحيت منو و رقدت قال لي مالك؟م رديت عليهو قال لي كنتِ بتبكي؟قلت ليهو م بعرف م بيخصك وديني لي اهلي ،عاين لي بي استغراب و قال شنو؟؟؟؟؟قلت ليهو عايزه امشي بيتنا انا،،باسني و قال لي و لو ابيت سكتت و كان نفسي متقطع،قال لي انت ضيق التنفس ده بيجيك من زمان؟م رديت عليهو و قبلت منو،و نمت،صحيت فجاة و كانت الساعه ٢ صباحاً كنت سامعه اصوات غريبه كنت بقفل اضاني و ببكي عبد العزيز صحى و كان بيقول لي خنساء في شنو بسم الله طلع مشا جاب لي مويه و جا،كنت بشرب و يدي بترجف و هو بيعاين مسك مني الكبايه و بقا يشربني هو بعد خلصت قال لي طيب احكي لي بتبكي ليه؟قلت ليهو ساي قال لي ساي كيف؟السبب شنو؟قلت ليهو لا بس ساي انت مالك اتاخرت بره؟كنت بتتكلم مع منو؟قال لي ولد عمي العريس اديتو نصيحه م يعرس احسن😂عاينت ليهو و اتبسمت ختا يدو في خدي قال لي مالك انت؟قلت ليهو اااا مف شي بس نعسانه عايزه انوم قال لي بقيتي كويسه؟قلت ليهو اي كويسه ممكن تزح عايزه ارقد عاين لي و مخلوع انا بقول في شنو قام و قال لي دي عباطه جديده م رديت ليهو ضربني بي المخده قلت ليهو احسن ليك ضربني في راسي و قال ح تعملي شنو يعني قمت فوق السرير و قلت ليهو اخير ليك والله م بهظر معاك انا كان مربع يدو و قال ليها اها بعد داك؟جيت عليهو لزيتو مسكني و قال لي كده طويله يعني؟😂قلت ليهو فكني م تتكلم معاي اصلا قربني عليهو اكتر و قال لي شنو الحركات دي؟لزيتو و قلت ليهو م بيخصك فاهم؟رفعني و قال لي شافعه دي ضربتو و هو كان بيضحك،طلعنا البلكونه و كنت انا بقول ليها م عايزه اطلع انا نعسانه م اشتغل بي،برضوا كان مُصر انو يمسك التلفون حتى و انا معاهو،م اشتغلت بيهو كتير مشيت جبت تلفوني انا كمان و بقيت شغاله بي التلفون،كنت داخله الانستا فجاه شفت منذر و معاهو ميار في استتيس بتاع واحده بعرفها في الجامعه،كاتبه "مبروك حبايبي❤️"كانت الصوره صورة خطوبه م بعرف الوقت داك حصل لي شنو لكن حسيت نفسي زعلت،قلت في نفسي انا انانيه ليه؟خليهو يعيش حياتو،لكن تاني فكرت يمكن كنت السبب في رجعتو ليها انا يمكن رجع ليها عشان بس يجاكرني لكن حمدلله انهم رجعو لي بعض،تاني فتحت الصوره و كبرت الصوره على منذر و ابتسمت و انا بقول في نفسي الله يسعدك ان شاء الله،عزو قال لي خنساء رفعت راسي قلت ليهو نعم قال لي شنو لكن طرالي نزلت راسي لي التلفون ولا اشتغلت بيهو قال لي خنساء مالك انت؟قلت ليهو عبد العزيز اسمع كلامي كويس م على كيفك انا تمام؟انا معاك تمسك تلفونك و تتبسم و لما امسك تلفوني تبقا عايز تتكلم معاي؟م عايزه انا م عايزه اختاني ياخ و طوالي دخلت جوه،، انا و داخله على الغرفه مسك يدي و قال لي ده الشي المزعلك؟طيب انا غلطان فتح باب الغرفه و مسكني من يدي دخلنا ختا التلفون و قال لي اها التلفون و ختيناهو تاني في شي؟احنا و راقدين كنت في حضنو قلت ليهو،عبد العزيز انت ليه م بتحكي لي اي شي عن حياتك قال لي كيف يعني؟قلت ليهو مثلاً عن شغلك ضحك و قال لي مستهبله انتِ ي خنساء قلت ليهو طيب احكي لي قال لي خنساء م ضروري تعرفي اي شي قمت من حضنو و قلت ليهو انا مرتك على ياتو اساس؟؟؟عايزه اعرف انا و هسي م رد علي قلت ليهو عبد العزيز انت عندك شغل مع الناس ديل؟هز راسو بمعنى اي قمت من السرير و انا بقول ليهو عبد العزيز م تهظر معاي ي عبد العزيز قال لي مالك انتِ هسي؟ي عبد العزيز انا يدوب اعرف الكلام ده؟قال ي خنساء امي و ابوي م بيعرفو خليك منك انتِ ختيت يدي في راسي و قلت ليهو لا انت بتهظر،كان بيضحك و بيقول لي الكلام ده مف زول لازم يعرفو سامعه؟قلت ليهو كمان بتضحك؟الماموريات الكنت بتمشيها دي عندها علاقه بي شغل الاستخبارات؟
يتبع....
