اليوم عدا اليوم التاني مشيت الجامعه و كالعاده بقعد براي فجاة في زول قعد معاي لما رفعت راسي كان نفس الولد قال لي كيفك قلت ليهو بخير حمدلله وانت؟قال لي حمدلله قلت ليهو دام حمدك ي رب
و سكتنا،
بعد مسافه قال لي خنساء قلت ليهو نعم قال لي بعرف م ح تحبيني في يوم من الايام و بعرف كيف حياتك جايطه و م لاقيه حل انا بحبك و ح افضل احبك طول عمري حتى لو م حبيتيني
،،،،عارفه بحبك في برودك بحبك بي تفاصيل وشك لما اتكلم معاك بتوحي لي انك م عايزه زول يتكلم معاك لكن انا ح اتكلم معاك و ح افضل اتكلم اخدت نفس و انا ساكته و بعاين ليهو
بقيت بفكر كاني بديت اشوف الدنيا من جانب تاني
عدت الايام في يوم بالليل اتصل علي رقم غريب اول مكالمه م رديت لاني كنت بصلي بعد خلصت طلعت عشان اسوي العشاء لي مجاهد و كالعاده ضروري يتشاكل قال لي بكره اصحابي جايين و اني م ح تمشي الجامعه عشان اسوي الاكل لي اصحابو رجعت الغرفه و انا ببكي تلفوني اتصل رديت بعد مسافه في زول رد
_خنساء؟
-ايوه خنساء منو؟؟
_مالك بتبكي؟في شنو؟؟؟
بعد مسافه....
بكيت حتى صوتي كان ظاهر و انا بقول زهجت انا زهجت من الدنيا دي
_بسم الله مالك ي خنساء
-ح انتحر خلاص انا والله م بقدر اتحمل اكتر من كده
فجاة سمعت صوتو عالي شديد و بيقول لي تنتحري شنو مالك ح تجننيني مالك ياخ
استغربت و كنت ساكته قال لي خنساء بصوت مبحوح م رديت كمل كلامو و قال م تخليني انا محتاج ليكِ شديد خليكِ معاي سرحت وانا بفكر هو بيحبني؟؟؟عايزه اتكلم باب الغرفه فتح رميت التلفون بي سرعه كانت خالتي جات قال لي بكره تطلعي بنكسر رجولك يلا قومي اتسممي م رديت عليها تاني قالت لي بي صوت عالي قومي اكلي يلا و بعدها قالت لي عنك البياكل بياكل لي نفسو و طلعت قفلت الباب نمت اليوم داك و انا بفكر امشي بكره او لا
ضروري امشي المحاضرات دي مهمه شديد لازم امشي
اصبح الصباح و الوقت بدري و كل ناس البيت نايمين جهزت و طلعت على الجامعه و انا شايله هم كاني شايله حجار في راسي خايفه خايفه شديد وصلت الجامعه والمحاضرات خلصت قعدت و انا همي لما ارجع ح يعملو لي شنو؟انا و بفكر كده منذر جاء قعد جنبي كان ساكت و م بيتكلم وانا بس منزله راسي على الارض بعد مسافه قال لي مالك غمضت عيوني عشان م ابكي و كنت ساكته حاولت م ابكي لكن بكيت تاني سالني مالك قلت ليهو خايفه انا خايفه
من شنو؟؟. اخخخخخ ياخ انا عايزه اموت تعبانه من الدنيا دي ياخخ💔💔
مقال لي م تقولي كده يا خنساء كلو لي خير في شي؟؟مالك قولي لي بس كنت ببكي و م قلت ليهو اي شي
