عبد العزيز علاقتو معاي بقت اقل من قبل بعد هزار بقا كويس قلت ليهو عايزه امشي اقعد عند اهلي كم يوم و ارجع قال لي تمام،و كنت متوقعه يرفض وصلنا بيت اهلي دخل معانا سلم على اهلي و لما جا طالع ودع هزار و هزاع كويس وصلتو لحد الباب قال لي خلي بالك منهم و من نفسك بس ده القالو و بكل برود طلع مشا على العربيه و انا كنت واقفه جنب الباب بعاين ليهو و بقول في نفسي يمكن دي النهايه،لما عايز يركب العربيه قلت ليهو يمكن يكون اخر وداع م ح تودعني برضو؟جا راجع و مسكني من يدي بي كل قوتو و ساقني على العربيه فتح الباب و قال لي بي نهره اركبي ركبت،،هو ركب و قفل الباب شديد قال لي قصتك شنو انتِ ي خنساء؟انا صفتي منو في حياتك؟م رديت كنت بعاين ليهو مخلوعه قال لي بي صوت عالي جاوبي تاني و رديت قال لي جاوبي قلت ليك،قلت ليهو راجلي قال لي و انت صفتك منو؟قلت ليهو مرتك قال لي طيب انا اذا قلت ليك شي م تسويهو و تجي تسويهو ده اسمو شنو؟م رديت قال لي بي صوت عالي جاوبي ي خنساء عايزه ابكي قال لي اوعك تبكي سامعه كلامي ده ولا م سامعه انتِ عارفه كويس لما تبكي دي نقطة ضعفي لكن لا ي خنساء م ح اسكت كل مره انا،مسح وشو بي يدو قال لي م تكبري راسك ي خنساء و بطلي عنادك عشان عنادك ده م لي صالحك سامعه كلامي ده ولا م سامعه؟م رديت ليهو قال لي بي صوت عالي انا بتكلم معاك نزلت راسي قال لي راجل انا ولا م راجل عشان تتحدي كلامي؟؟لو ح تتصرفي كده بيلزمك بيت اهلك ي خنساء لما قال كده اتخلعت و عاينت ليهو بي استغراب و قلت ليهو انت البتقول الكلام ده؟قال لي جبرتيني ي خنساء نزلت من العربيه و دخلت البيت اليوم عدا و م اتصل لي اليوم التاني بي العصر جا البيت سلم على الاولاد و قال لي كيفك؟قلت ليهو تمام حمدلله قعد معانا شويه لما جا طالع مشيت معاهو جنب الباب و قلت ليهو يريت ترسل لي ورقه الطلاق قال لي والله؟قلت ليهو والله،قال لي وصلت لي الدرجه دي؟قلت ليهو ايوه وصلت،انت العلمتني اكون قوية في مواقف زي دي لكن م اتخيلت اني ح اكون قوية على زول عملني كيف اكون قويه،شكراً على كل يوم و كل لحظه عديتها معاك بالجد م قصرت معاي في يوم ي عبد العزيز و ابداً م شايله في خاطري عليك،كنت عايزه ابكي لكن اتمالكت نفسي حسيت بيهو دمع و كان عايز يبكي،وقتها كان نفسي احضنو لكن للاسف م بقينا زي زمان،فتح الباب و طلع من غير يقول ولا كلمة،كنت قوية لي درجة اني خايفه من نفسي قلت يعني هو م بيهمني للدرجه دي؟انا اتخليت عنو في موقف كان مفروض ابارد فيهو لما جا اليوم التاني قلت ي خنساء لازم تبادري جا قريب لي صلاة المغرب قعد شويه المغرب اذن ختا تلفونو فوق السرير و اتوضى و طلع الجامع شكلو نساهو انا و بفكر كيف اعتذر منو فجاة جا اشعار في تلفونو ،سبجان الله فضول بس قلت اشوف فتحتو لقيت رساله من واتسب من عُناب مرسله ليهو وينك؟م ح تجي ؟بقيت بشوف طشاش طشاش و برجف بي صورة م طبيعية،افكار سوداويه كانت محاوطاني هو معرس؟عشان كده عايز يخليني💔قلت م مشكله ي خنساء ح اكون قويه لما جا راجع كان هزار و هزاع قاعدين جنبو و بيقولو ليهو عايزين نرجع معاك عاين لي و قال ليهم ح نرجع قريب ي حبايب بابا قعد اتونس مع اهلي شويه و قام طالع امي قالت لي قومي وصليهو لبست التوب و مشيت جنب الباب قلت ليهو وين ورقة الطلاق ؟قبل علي و هو مستغرب كيف بقول الكلام ده بي كل القوة دي،قال لي عايزاها قريب يعني؟قلت ليهو اي احسن تتفك مني سريع عشان تمشي لي مرتك التاني ولا م كده؟و ضحكت قال لي شنو؟مرتي التانيه؟مرتي التانيه منو؟قلت ليهو عُناب ولا عامل فيها نسيت ملامح وشو اتغيرت سته صفر و ختا يدو في رقبتو و قال لي شايفه العربيه ديك صح؟امشي اركبي قدامي قلت ليهو رجلي م ح تعتب باب الشارع ده قال لي بتتحديني؟قلت ليهو ال في راسك بس رفع راسو عاين لي الحوش م كان في زول رفعني و مشا على العربيه قلت ليهو عبد العزيز نزلني انت واحد مقرف م كان شغال بي كان في رجال في الشارع عاينو لي بي استغراب و انا كنت بجوط ركبني بي الشده و ركب العربيه وصلنا بيت اهلو نزل و فتح باب العربيه قال لي انزلي قلت ليهو م ح انزل و البيت ده رجلي م ح تدخل فيهو رفعني تاني و انا كنت بضربو في كتفو و بعافر فيهو حمدلله م كان في زول في هول بيتهم ركبنا بيتنا دخلنا و قفل الباب بي المفتاح و شال المفتاح قلت ليهو مهما حصل م ح نرجع لي بعض احنا انا شي منك م عايزه غير ورقتي مسكني من كتفي بي قوةو فتح تلفونو قال لي بس تسكتي و صوتك م عايز اسمعو اتصل مكالمة و فتح الاسبيكر كان صوت بت
