قلت ليهو انا بكون مبسوطه لما القاك معاي قال لي و طول عمري ح ابسطك قلت ليهو ح تكون معاي دائماً؟قال لي دائماً قلت ليهو يعني وقت اشكي ليك من زول دائماً ح القاك م ح افقدك يوم؟قال لي ابداً ان شاء الله،،عدت السنين و اولادنا كبرو بقا عمرهم ٤ سنوات حمدلله💘لكن اكتر تؤام شليقين ممكن يلاقوني هم،كانو ماليين حياتي بي شغبهم و لحد كبرو انا م كنت بعرف الفرق بينهم😂😂،،في يوم من الايام بعد صليت المغرب فكرت امشي الخلوه الجنبنا و كل الحريم بيمشو فيها و و بيحفظو القرآن الكريم،و اصلا كانت بت جيرانا كلمتني انو في جزء من الخلوه فيهو مرتين ماسكين الحضانه يعني لو مف زول في البيت يمسك الاولاد ممكن اوديهم الحضانه كلمت عبد العزيز قال لي الفكره حلوه لكن ح تطلعي من ٦ صباحاً؟قلت ليهو اي عشان اجي البيت سريع قال لي طيب ممكن تخليهم مع امي تحت لانهم مشاغبين شديد قلت ليهو عشان مشاغبين ح اسوقهم معاي نشوف حنك الحضانه يمكن يقعدو بي ادبهم هناك ضحك و قال لي نشوف😂اليوم التاني صحيتهم من بدري عشان يمشو معاي و فعلاً مشينا دخلتهم الحضانه واحد منهم لما جيت عايزه اطلع من الحضانه ممستغرب و بيعاين لي و التاني اصلا دخل مع الجو طوالي و بقا يلبعب مع الشفع قلت حمدلله و طلعت مشيت الخلوه،بعد مسافه م تمت ٢٠ دقيقه فجاة شفت واحد من التؤام و معاهو وحده من الماسكين الحضانه بتفتش فيني جا جاري علي و هو بيبكي بيقول لي الح ابيت سقتو و طلعت برا و معانه المره قالت لي لو سمعتي تاني م تجي واولادك معاك،يعني لو عايزه تجي ممكن تجي براك قلت ليها كيف يعني؟قالت لي تعالي و شوفي مشيت و لما دخلنا الحضانه الشفع من طرف لي طرف بيبكو قالت لي ولدك مهما حاولنا نهديهو على غيابك رفض يسكت و التاني مشاغب شديد و بعدها حصل الحصل و زي م شايفه الشفع شافو ولدك بيبكي حتى هم بدو يبكو معاهو و ال م بكو ولدك التاني خلاهم يبكو مشاغب شديد ،،قلت ليهم اطلعو قدامي في الطريق كلو بتكلم و بقول انا يطردوني بي سببكم؟انا؟؟؟وصلنا البيت اول م دخلنا لبعتهم و المشكله م بيبكو ،،عبد العزيز كان في المطبخ و انا م شايفاهو بعد لبعتهم قال لي ي زوله مالك؟قرصت واحد و انا بقرصو قلت ليهو اسال اولادك القلبلن ادب ديل قال لي اول كدي فكيهو و جابو عليهو،،قلت ليهو انا يطردوني بي سببهم ي عبد العزيز؟ضحك و قال لي منو طردك؟قلت ليهو المره بتاعت الحضانه ضحك بي صوت عالي و قال لي انا قلت ليهو احسن تخليهم مع امي قلت ليهو يعني كانو ح يريحو امك شليقين اولادك ديل شليقين،،قال ليهم معليش ي حبايب بابا قلت ليهو هسي انت بتقول ليهم معليش لي شنو؟قال لي طردوكم و انت لبعتيهم و ضحك😂قلت ليهو اي اتريق فيني كويس كل دقيقه يعاين لي و يضحك و يقول لي التؤام طردوكم كيف؟و هم بيحكو ليهو الكلام القالتو المره،دخلت المطبخ اعمل الاكل انا و بعمل فجاه شفت واحد من التؤام و معاهو حشره في يدو صرخت بي صوت عالي و عبد العزيز بيضحك بيقول ليهو ي هزاع اقعد ساي و كل مره انا بعلي صوتي اكتر وبصرخ و هم بيضحكو فيني رفعت الشبشب و قلت ليهو كان ولد ابوك ارميها قال ي بابا ارميها؟عزيز قال ليهو وريها انت ود ابوك ولا لا رمها و جرا و انا بصرخ بعدها بقيت ببكي عزيز جا قال لي طفلتي قلت ليهو قفل مني م تتكلم معاي رفع الحشره من الارض قرب مني و قال لي شوفي ي بطه دي م حشره حقيقه دي بلاستيك على شكل حشره ضربتو في كتفو و قلت ليهو قفل مني الليله زاتو م ح اعمل ليكم اي اكل يسمكم كان عملت و مشيت دخلت الغرفه بعد ربع ساعه جا داخل الغرفه قال لي زعلانه؟عملت نفسي نايمه قعد جنبي و قال بتي حبيبتي زعلانه؟رقد جنبي و حضني و قال ي بطه خلاص معليش حقك علي،،عندك حمة انتِ عاينه؟فيك شي ي خنساء نمشي المستشفى بكيت و انا بقول ليهو عيانه انا ي عبد العزيز بقا يحرك يدو في شعري و يقول بسم الله ي خنساء حاسه بي شنو؟خلاص معليش م تبكي معليش،،نمت بي حركه يدو في شعري و كنت في حضنو بعدها م حسيت الا لما صحاني و قال لي قومي اكلي فتحت عيوني قلت ليهو طلبت اكل؟قال لي اي يلا قومي طلبت ليك شاورما عشان عارفك بتحبيها قلت ليهو م عايزه قال لي كيف الكلام ده ي زوله ح تاكلي و م عايز اعتراض هزار و هزاع جو داخلين عبد العزيز قال لي قومي اكلي عشان خاطرهم طيب واحد منهم مسكني من يدي قال لي قومي ي بطه قمت قعدت و بديت اكل م اكلت كتير عزيز قال لي م ح اجبرك اكتر من كده م مشكله بس ارقدي ارتاحي و انتو كمان ي ابطال صحيتو من بدري مفروض تنومو بعد الاكل،بعد خلصو اكلهم قال ليهم في التلاجه في بيبو اشربو و قولو حمدلله و امشو غرفتكم نومو طيب؟قالو طيب هم و طالعين واحد قال لي مع السلامه ي بطه قلت ليهو انا امك ي قليل ادب طلعو عزيز قعد جنبي و قال بتي المدلعه قلت ليهو والله بالجد عيانه انا قال لي مالك حبيبتي؟قلت ليهو جسمي تقيل و مصدعه قال لي يمكن عشان صحيتي بدري في مسكن لي وجع الراس دقيقه اجيبو ليك جابو لي و جا قلت ليهو م عايزه قال لي دلع كتير م عايزين يلا ابلعي و نومي قلت ليهو و انت؟قال لي انا كمان ح انوم بعد بلعت رقدت و هو كانت بيحرك في اصابعو في شعري قلت ليهو الليله مافي شغل؟قال لي كان شغل بيسط لكن م اهم منك ابتسمت قال لي عيونك الحلوه دي قلت ليهو انا ح انوم و ح اصحى و القاك جنبي سامع؟قال لي حاضر في تاني حاجه؟قلت ليهو ليه انا م عندي بيبو؟ضحك بي صوت عالي و قال لي بتي حبيبتي عندها لكن بعرفها اذا شربت هسي ح تستفرغ و هي هسي عيانه شويه قلت ليهو كيف عرفت اني ح استفرغ؟قال لي عارفك انا ي خنساء عارفك كويس هسي نومي و بعدين ح تشربي حاضر؟قلت ليهو و هسي لا يعني؟قال لي ايوه هسي لا قلت ليهو طيب،،،باسني من راسي شديد و قال الله يخليك لي ي نعمة انتِ و الف حمد و شكر ليك ي رب❤️نمت و انا في حضنو لما صحيت م كان جنبي لكن لقيت بوكس هدية و بوكيه ورد كان في ورقة مكتوب فيها بتي حبيبتي بقيتي كيف؟ابتسمت و فتحت البوكس لقيت فيهو مجموعة بتاعت مصحف و عباية صلاة و مصلايه كلهم نفس اللون كانت المصلاية شكل كعبه بي اللون الاسود و خطوط ذهبيه و العبايه لونها اسود و محل اليد في لون ذهبي بسيط و المصحف غلافه برضو لون اسود و عليهو لون ذهبي بسيط قلت بي صوت عالي ي الله❤️❤️❤️جريت على الهول لقيتو بيحضر وقفت و انا الدموع في طرف عيوني جا قرب مني قال لي عجبتك الهديه بكيت و انا ببكي قلت ليهو عجبتني شديد ي عبد العزيز و حضنتو قال لي م هان علي اخليك زعلانه بعد طردوك و ي حبيبتي ولا يهمك ح نبدا نحفظ مع بعض و بي اذن الله تعالى ح نتوفق❤️
يتبع....
