قال لي دراماتك الكتيره دي بطليها عليك الله،م كان بيحاول يحكي اي شي و اذا سالت م بيرد،الساعه ٩ جات فعلاً طلعنا عبد العزيز كان ساق عربيه ابوهو وصلنا بيت اهلي قال لي انتِ انزلي ي خنساء نزلت امي قالت لي عزو وين؟قلت ليها في العربيه قالت لي خلي الينزل نسلم عليهو قلت ليها الوقت اتاخر ي امي بكره بنجيكم ولا بعد بكره قالت لي اجي ي بتي؟مالك االاولاد كانو نايمين رفعت واحد منهم طلعت و جيت تاني رفعت التاني امي وصلتني لحد الباب و سلمت على عبد العزيز من جنب الباب حمدلله م ركزت على الشاش ال في راسو لانو كان مطفي نور العربيه ،وصلنا البيت و عبد العريز كان موقف العربيه جنب الباب قلت ليهو اها ح تعمل شنو؟قال لي م عارف دقيقه افكر،فك الشاش قلت ليهو عبد العزيز لالا م تعمل كده قال لي خنساء الضربه من الجنبا م بتظهر بعد ندخل بيتنا نشوف ح يحصل شنو بعد فك الشاش كانت الضربه جنب اصانو و كبيره م صغيره قلت ليهو و انا العبره خانقاني و عايزه ابكي "عبد العزيز والله كبيره "و بكيت قال لي م ح يركزو بس انتِ م تقعدي كتير ،كان شايل واحد من الاولاد و انا شايله التاني خالتو عواطف قالت لينا اتاخرتو قلت ليها زحمة بس ي خالتو والله،طلعنا و عبد العزيز بس كل القالو امي كيفك؟ م زاد ولا نقص غير الكلمتين ديل ،ركبا بيتنا،طلعت البلكونه و هو قال لي الملابس دي ضيقه ياخ مع انو حاتم عارف م بحب اللبس البيكون ضيق جاب لي ديل و جا،،و بعدها دخل يستحمى بعد طلع جاني في السطوح قلت ليهو كيفك؟قال لي كويس انا حمدلله كنت ماشه عشان اجيب مرهم و الشاش قال لي ماشه وين؟قلت ليهو اجيب مرهم و شاش اضمد ليك الجرح مشيت قلت ليهو عبد العزيز تعال الهول في البلكونه ضلام ،قعدنا في الهول و بديت اضمد الجرح بكيت و قلت ليهو والله انا خايفه عليك ي عبد العزيز ،قال لي م تخافي حبيبتي انا معاك و ح اكون معاكِ دائماً قلت ليهو عبد العزيز طيب عاملين ليك غرز في الجرح ليه فكيت الشاش ياخ،لفيت ليهو الشاش و قعدت جنبو مسكت يدو قلت ليهو عزيز انت عارف حياتي من دونك كيف صح؟عارف قدر شنو اتعودت عليك صح؟انا خايفه ي عبد العزيز خايفه انا والله خايفه حضني و قال هس خلاص م تتكلمي عن الشر عشان م يحصل،مش انتِ بتقولي كده؟حضنتو شديد و قلت ليهو م تخليني عليك الله ي عبد العزيز،بعدها دخلنا الغرفه رقد قلت ليهو عبد العزيز انت مرتاح؟المخده دي م مريحه صح؟قال لي خنساء انا تمام والله تمام بس تعالي رقدت في حضنو و هو كان بيحرك يدو في شعري قال لي عندي ليك خبر حلو،قلت ليهو اها قال لي احتمال نسافر الاسبوع الجاي البلد قلت ليهو بالجددد؟قال لي اي قلت ليهو عشان العرس قال لي لا العرس لسه عليهو قلت ليهو يعني ح نمشي و نجي بعد العرس؟قال لي لا ح نقعد رمضان و العيد و بعدها ح نرجع قلت ليهو و الشغل؟قال لي اجازه ي خنساء قلت ليهو بالجد؟؟؟قال لي بالجد قلت ليهو فرحتت ي عبد العزيز والله فرحت،قال لي خنساء حاسي بيك نفسيتك تعبانه شويه و طبيعي خايفه،انا زاتي عايز ارتاح ،بعد الحصل ده طلبت اجازه و وافقو حمدلله،قلت ليهو يعني الحصل ده لي صالحنا قال لي بي الضبط كده،قلت ليهو و حبوبه جات قريب قال لي حبوبه اصلا من زمان بتقول ي عبدو طولت من البلد هسي لما تعرف كمان ح تفرح،كنت مبسوطه شديد و نمت،كونها اول مره ح اسافر بلد اهل عبد العزيز كان وقتها الحماس اللفف❤️نمنا و لما صحيت كان الاولاد مع عبد العزيز قاعدين في الهول و بيلعبو ،نزلت تحت لي خالتو عواطف و قعدت اتونس معاهم قلت ليهم انو ح نسافر البلد حبوبه الفرح م كان سايعها و خالتو عواطف قالت لي لو كده احنا كمان ح نسافر،بي الليل كنا قاعدين انا و عزيز قلت ليهو ح نسافر متين ؟قال لي بس عربيتي تتصلح طوالي ح نسافر،عدت الايام و جا يوم كنا مخططين بكره نسافر،كنت مبسوطه شديد و متحمسه بي الليل قلت ليهو عبد العزيز انا مبسوطه شديد قال لي تمام نتفق ي خنساء م ح تكوني بعيده مني تمام؟قلت ليهو ابداً بس الخوفه انت م تشتغل بي قال لي ياخ معقوله و ضحك،وصلنا البلد حمدلله و كانت بلدهم حلوه شديدد في بيتهم عندهم جنينه رهييبهه فيها ورود و اشجار ماليه الجنينه و البيت كبير و واسع م شاء الله و اهلو من جينا لحد قريب الساعه ١٢ فوج يدخل و فوج يطلع كلهم بيسلمو علينا،من التعب نمت و الناس لسه كانت بتجي تحمد لينا على السلامه،الصباح لما صحيت م كنت فاهمه اي شي و حتى الاولاد م جنبي ولا حتى عبد العزيز مشيت بفتش في خالتو عواطف لقيت بت في العمر بتكون تقريباً كده قدري قلت ليها صباح الخير ردت صباح النور قلت ليها شفتي خالتو عواطف وين؟خجلت اسالها من عبد العزيز قلت احسن اسال من خالتو عواطف،قالت لي قاعده بره في الجنينه دخلت استحميت و جهزت لبست زي م متعوده جلباب قصير لكن م شديد و انا متعوده البس زي ديل،، انا و طالعه شفت البنات طبيعي بيكونو لابسين تياب رجعت لبست توب و طلعت الجنينه عبد العزيز كان قاعد و معاهو امو و الاولاد كانو بيتونسو جيت قعدت جنب عبد العزيز قال لي بي صوت واطي بتي حبيبتي عاينت ليهو و انا بتبسم و قلت ليهو وين نمت انت؟قال لي انا و الاولاد نمنا في الحوش خالتو عواطف قامت مننا و الاولاد مشو وراها واحد بيقول ليها ي حبوبه انا عايز بيبو،قلت ليهو عبد العزيز ح نتعود على الوضع؟قال لي اول يوم عشان كده شايفه الوضع غريب شويه لكن ح تتعودي،قلت ليهو طيب ح ننوم وين؟عاين لي و كان بيتبسم بيقول لي يمكن م ننوم مع بعض فتحت عيوني و قلت كيف يعني؟؟انا متعوده تحرك اصابعك في شعري و انوم م بقدر انوم براي م بقدر قال لي و امس نمتي كيف؟تلفونو اتصل كان بيقول خمسه دقايق و بجي عندكم قلت ليهو ماشي وين؟قال لي النادي قلت ليهو من الصباح كده؟قال لي في اي وقت النادي شغال ي خنساء،طلع و انا بقيت براي حبوبه جات قعدت معاي و قالت لي بكره تتعودي على الوضع ي بتي،ح اعلمك عواسة الكسره قلت ليها حبوبه انا القراصه ي الله قادره عليها م عايزه اتعلم قعدنا نتونس في وحده هي كبيره في العمر لكن م شديد بتكون سن نهاية ال ٣٠ او بدايه ال ٤٠،قالت لي حبوبه دي القايمه و قاعده بتحكي فيها؟غايتو،،،استغربت من طريقة كلامها و قمت دخلت طوالي،وقت الغداء هزار و هزاع كانو بيقولو جعانين مشيت المطبخ كان في نساوين مشيت على امل الاقي خالتو عواطف و اكلمها،نفس المره كانت قاعده،في مره قالت لي عايزه حاجه ي بتي قلت ليها معليش بس الاولاد بيقولو جعانين نفس المره الاتكلمت مع حبوبه في الصباح قالت لي بي صوت عالي عندنا هنا كل الناس بتاكل مع بعض م تتدلعو كتير سامعه الكلام ده ولا م سامعه اتخلعت من نبرة صوتها و كونو انا جديده في المكان ده قلت احسن اسكت،في مره قالت ليها ي هويدا م تعلي صوتك البت ضيفه ياداب جات قلت لي الاولاد حبايبي م مشكله تعالو بعدين ناكل كلنا حاضر؟مسكتهم من يدهم و كانو بيعاينو ليها لحد طلعو قلت في نفسي اولادي صعبين لي درجة من صغار في وشهم ظاهر ملامح كشرة ابوهم،بعد صلاة العصر عبد العزيز جا كنا قاعدين في الحوش قال لي اكلتو؟قلت ليهو لا هزاع قال ليهو ي بابا في وحده شاكلت بطة عبد العزيز عاين لي و قال صح الكلام ده؟قلت ليهو هي م شاكلتني بس قالت لي انهم بياكلو كلهم مع بعض و فعلاً وقت الاكل كلهم اكلو و انا م كنت جعانه و هزاع و هزار ابو برضو،ختا يدو في رقبتو و قال لا اله الا الله محمد رسول الله،اسمها منو ي خنساء؟قلت ليها م بعرف والله هزار قال ليهو هويدا حمرت ليهو و قلت ليهم هزار و هزاع اتخارجو من هنا يلا مشو و عبد العزيز كان خاتي يدو في رقبتو و بيقول كنت عارف انا قام و قال لي معليش ي خنساء قلت ليهو عبد العزيز بتعتذر ليه؟عادي انا م زوله غريبه مشا و انا كنت وراهو بقول ليهو ماشي وين انت؟لحد وصل غرفه كان فيها راجل قال ي عمي الصادق الراجل قال ليهو اتفضل ي ابني دخل و انا كنت وراهو م عرفت ارجع ولا ادخل دخلت و قعدت جنب عبد العزيز ،عبد العزيز قال ليهو ي عمي كيفك ان شاء الله كويس؟قال ليهو تمام حمدلله انت كيفك؟عساك كويس و مبسوط في البلد قال ليهو حمدلله حمدلله،لكن ي عمي جاي اشكي من مرتك و بتعرفني كويس ي عمي م بحب الشكاوي باخد حقي براي لكن دي حرمه و كبيره ي عمي ،ي عمي مرتك دي من اول يوم جينا حسيت بيها بتقول كلام فوق فوق لي مرتي يدوب كنا جينا من السفر ي عمي قلت احسن اسكت و م اتكلم الليله ي عمي مرتك غلطتك على ام اولادي و انا الحاجه دي م برضاها عشان كده ي عمي حاول اتفاهم مع مرتك و انا م عايز اعمل مشاكل جايي ياداب و غير كده م عايز ندخل في ونسة الناس يحكو عننا بي العاطل جو ياداب و بدو يتشاكلو،المرة جات داخله لما شافتنا قالت اها خير ان شاء الله بي كل استفزاز عبد العزيز نزل راسو و ضغط بي يدو على رقبتو بعرفو كويس انا لو حصل اي شي تاني ح يكبر الموضوع قلت ليهو احسن نطلع ي عبد العزيز الراجل قام على المره و قال ليها اسمعيني كويس ي هويدا كل شي قسمة و نصيب انا عارفك بتعملي كده ليه المره دي ح اتكلم معاك براحة لكن لو حصل شي تاني و شكو منك والله ي هويدا و م طالباني حليفه تمشي طوالي بيت اهلك و ورقة الطلاق بتوصلك فاهمه؟قالت ليهو انا تقول لي الكلام ده ؟و عشان منو؟عشان ود اخوك ال بعد م اتفقتو تعقد ليهو لي بتك نخا و اباها؟يدوب بديت استوعب الموضوع عبد العزيز رفع راسو قلت ليهو ارح ي عبد العزيز قوم
يتبع....
