انا كنت في العربيه و تفكيري كلو الحاصل شنو؟معقول هو كمان بيكذب علي؟انتظرتهم بي فارق الصبر لحد جا راجع ركب العربيه تلفونو اتصل قال ي اخونا م بوصلك والله و كان بيضحك لالا شوف ليك حل م بوصلك،،لالا خلاص تعال و كان بيضحك قال لي صحبي جايي قلت ليهو خلاص تمام ح اركب ورا كان بيعاين لي و انا مستغربه شديد من الحاصل قال لي خنساء بالليل ح اكلمك اي شي حاضر؟م رديت عليهو و نزلت من العربيه ركبت ورا و قفلت الباب بي كل قوتي الولد ركب قدام و كل دقيقه يقبل علي ورا و عبد العزيز بيقول ليهو والله تنزل هسي مالك ي زول و هو بيقول ليهو كيف ي عزو عملتها كيف؟قلت ليهو بي نهره م تكرهوني عمل شنو؟قال لي ح تستغربي من الحصل شويه لكن احكي لي عزو ده يوم كنا واقفين جنب جامعتكم و حصل موقف غريب شويه حتى احنا م فهمنا حاجه صاجبنا ده قال الا انتِ بس حيرنا زاتو😂قلت ليهو دقيقه موقف غريب زي شنو؟قال لي شفتي واحد كده و بعدها حالتك اتغيرت سته صفر انا بقيت بعاين لي عزو و الولد كمل كلامو قال عندنا صاحبنا بيقرا معاكم ده طبعاً كان استخبارات عديل اخبارك كلها بيقولها لي عزو و كل م احاول اقنعو م ح يكون في بينكم قسمه يقول لي لالا الا هي بس و ربنا كريم و عاين لي عزو و قال ليهو نادر م عرف دي مرتك😂😂احنا هسي قايلنك قنعت و شفت لي بت تانيه و طلعت خنساء زاتها؟و كمان م تكلمنا؟قال ليهو ي مان الليله الا اكلم نادر قال ليهو والله نختلف خليهو يتخلع في يوم العرس،،و انا في ده كلو مخلوعه و قاعده الولد نزل بعدها احنا كنا ماشين وين حتى انا م عارفه،،سالتو قلت ليهو احنا وين ماشين؟قال لي ح تعرفي قلت ليهو بي صوت عالي ي اما تقول لي ولا توقف العربيه هسيي ضحك و م رد علي من كتر م دمو بارد شويه و كنت ح اشنقو قلت ليهو عزيز انا م فاهمه حاجه ممكن افهم منك ده شنو الحصل ده؟قال لي جداً ي بطه بس م تشفقي قلت ليهو انا لحد هسي كويسه معاك،،،انا و بجط العربيه وقفت جنب بيت نزل و فتح لي الباب قال لي انزلي قلت ليهو لو م قلت لي احنا جينا هنا ليه م ح انزل قال لي الناس بيجو بيتهم ليه؟انزلي ح تفهمي اي حاجه جوه،،نزلت و لما دخلنا كان اهلو كلهم قاعدين سلمت عليهم كلهم بعدها قال لي تعالي مشيت وراهو دخلنا بيت كان مرتب و فرشو حلو قال لي كيف و كيف؟بقينا ساكتين و انا بعاين ليهو و هو بيتهرب مني بعدها مشيت على جهة الباب و قلت ليهو انا عايزه امشي بيتنا جا مسكني من يدي و قال لي تعالي دقيقه قعدني في كرسي و قعد جنبي قال لي ح احكي ليك اي شي انا وقت عملتي الحادث م كانت اول مره اشوفك لا انا بعرفك ي خنساء،،لكن وقتها و كنت قادر اقرب منك لانك كنتِ في علاقه م عارف هي علاقة شنو بالظبط لكن كل البعرفو انو كان في زول قادره انك تشاركيهو زعلك و فرحك،بس لكن انا م قنعت،،صح بيقولو ربنا لو م كاتب ليك قسمه في شي م بيخليك تسعى وراها،،والله ي خنساء كنت بدعي و م حصل يوم فكرت اني بدعي في حاجه مستحيل انها تحصل،،بعدها عرفت انك انفصلتي عن الولد البتعرفيهو كنت جايي اصارحك اني عايزك و كده قلت يمكن م ترضي قلت احاول بي الحلال بس و م اخطي خطوه الا خطوات الميثاق الغليظ،،،كنت جايي وراك لما كنتِ سايقه لكن سبحان الله شوفي الحصل شنو،،قلت ليهو لكن انت عملت انك م بتعرفني،قال لي اقل غلط لو بينت اني بعرفك كان ح اضيع و ضحك،،،قات ليهو عزيز باس يدي و قال لي عيون عزيز حضنتو و بكيت قال لي لا ي خنساء م تبكي قلت ليهو طيب ليه م جيت و صارحتني من بدري قال لي الله م كان كاتب كده عارفه كيف كان عندي يقين قوي بي ربنا؟لي درجه متاكد انك م ح تكوني لي زول غيري،،بدعي دائما "اللهم سخر لي كل شي و لو كان في نظري مستحيل،،اللهم حقق لي امنيتي و بشرني بما انتظر،،ربي اني وضعت حلمي بين يديك،،و املي بك لا يخيب ابداً،،اللهم سخر لي جنود الارض و ملائكة السماء،،و كل من وليته امري"و فعلاً م بقيتي لي زول غيري و الحمدلله،،قلت ليهو انا بحبك باس راسي و قال لي الحمدلله ي حبيبتي الحمدلله❤️بعدها قال لي رايك شنو في البيت؟قلت ليهو انت كنت قاعد وين؟قال لي تحت مع اهلي قلت ليهو ح نقعد هناك قال لي شنو؟انتِ م جاده والله قلت ليهو م عايزه اقعد هنا براي بقا يعاين لي و مستغرب قلت ليهو اي ح نعيش في اي محل كنت عايش،بعدها الباب دق مشا فتح كانت بت و معاها صينيه شالها منها و قفل الباب و جا و قال لي قلت احسن من ناكل برا و يحصل ليك زي م حصل المره الفاتت،،قعدنا اكلنا و بعدها اتونسنا شويه و قلت عايزه امشي البيت بعد نزلنا قبل اطلع سلمت على اهلو في وحده سلمت لي بي اخر نفس حتى عبد العزيز ركز بعد طلعنا سالتو منها قال لي دي بت عمي قلت ليهو قصتها شنو؟قال لي كان مفروض تكون مرتي قلت ليهو ويتتت و هي عايشه معاكم؟قال لي لايوقه ساي كل بعد يومين تجي و تقعد معانا اسبوع و تمشي قلت ليهو نعم؟؟؟ضحك و قال لي م عندي بيها شغله انا والله قلت ليهو شكلها ح تعمل معاي مواضيع كتيره قال لي عشان كده احسن نعيش برانا لت ليهو لا،،،رجعت البيت و بدينا نخطط لي العرس و اتحبست بس في الكم يوم ديل كاني كنت محبوسه لي شهور😂اصلا كانت الجامعه على الابواب و انا م شغاله بي الموضوع
جا اليوم المنتظر،،،عزيز جا على اساس يوصلني الكوافير بس انا رفضت و قلت ليهو اخوي ح يوصلني م عارفه قلت كده ليه يمكن من كتر التوتر و هو ح يوترني زياده😂😂مشيت الكوافير و م ح اقدر اوصف احساسي الوقت داك😂م معروف ده حماس ولا لهفه ولا فرح ولا توتر ولا شنو بالظبط م معروف بس كان احساس حلو شديد❤️
يتبع.....
