وصلت البيت و انا مصدعه و طوالي اتصلت على منذر اول م رد اعتذرت ليهو اني م رديت سالني ليه م بتردي قلت ليهو كان معانا ضيوف
قال لي عادي اجيك؟قلت ليهو ليه؟قال لي بس مشتاق ليك و عايز اشوفك قلت ليهو طيب تعال عادي جاء و طلعت ليهو الشارع ركبت العربيه قال لي قربت اخلص من الجامعه قلت ليهو احنا لسه ورانا مشوار طويل ضحك و قال لي ح تكملي مشوارك في بيتنا ضحكت قال لي م نفسك تقولي موافقه عشان هسي امشي بيتكم؟؟قلت ليهو قلنا اصبر بس شويه قال لي حاضر عشانك بصبر كتير قلت ليهو لكن حبيبتك القديمه م ح تخلينا ح تسوي مشاكل قال لي لو حاولت بس حاولت تقرب عليك ولا تتكلم معاك ساي م تلوم الا نفسها،،قلت ليهو ظاهر عليك م ح تخلي زول يحاول يزعلني قال لي اكيد هو انا لاقيك وين؟قلت ليهو بحبك و مسكت يدو م رد كان سرحان و بيعاين لي بعد مسافه تاني قلت ليهو بحبك فتح تلفونو و فتح الملاحظات قال لي اكتبي هنا قلت ليهو اكتب شنو؟قال لي بس اي شي المهم تكتبي شلت التلفون منو و كتبت"م كنت متوقعه احب لكن انا حالياً حبيت صاحب التلفون ده شخصياً و هسي الساعه ٢و ٤٣ دقيقه انا و بكامل قواي العقليه و النفسيه و الاجتماعيه قلت ليهو بحبك و ح اكتب هنا بحبك و تاني ح اقول ليهو بحبك" رفعت راسي و قلت ليهو بحبك قال لي يلا اديني اشوف كتبتي شنو قلت ليهو لا ابيت قال لي يعني ح تشيلي التلفون معاك طول العمر ولا كيف ضحكت و فجاة التلفون اتصل رفعت عشان اشوف منو كان مكتوب امنيه اتخلعت و عاينت ليهو قال لي منو الاتصل؟جيبي ارد. اديتو قال لي لالالا م تفهميني غلط عايزه انزل من العربيه مسك يدي و رد على المكالمه "اي ي امنيه شويه كده و بجي في حاجه ولا عايزه حاجه؟؟تمام و اسالي امي اذا محتاجه حاجه او كده تمام ان شاء الله"
قفل الخط و هو بيتبسم و بيقول لي بتغيري كمان دي اختي ي زوله خليكِ رايقه قلت ليهو طيب ليه بتسوي ليهم اي شي هم محتاجنو؟؟؟قال لي برضو غرتي على اختي؟؟انا متعود اسوي ليهم اي شي كونو انا كبير البيت لازم اسوي ليهم اي شي بيحتاجوهو قلت ليهو لكن كده هم ح يشاركوني معاك قال لي لا انا عارف كيف اتصرف اتكلت على الكرسي و كنا ساكتين انا بعاين بالشباك دور العربيه قلت ليهو ماشين وين؟م رد علي تاني قلت ليهو هيي ي الاخو ماشين وين احنا؟قال لي بتعرفي قريب و طول الطريق تاني م سالتو الا لما وقف العربيه جنب بيت قلت ليهو وين احنا؟قال لي ده بيت اهلي اتخلعت و قلت ليهو لالالالالا مستحيل انزل لي اهلك مستحيلل قال لي تتعرفي عليهم بس قلت ليهو لالا دي خفه مني قبل م تجو انتو انا امشي؟مستحيل. قال لي ي زول انتي طيره ولا شنو انا عايز اجيكم و معاي اهلي الليله قبل بكره لكن انتي رافضه و هسي م على كيفك ح تنزلي قلت ليهو م بنزل ي زول قال لي كويس دخل جوه و فتح الباب كبير اول م شفت الباب فتح قلت ح يعمل شنو بعد شويه جاء على العربيه طوالي عرفت انو عايز يدخل العربيه نزلت من العربيه سريع سريع عايزه اجري مسكني و هو بيضحك قال لي تعالي هنا ماشه وين؟؟قلت ليهو لالا م ح نتفاهم فكني انا ماشه تاني ضحك و هو بيقول لي منو القال لي ح نتفاهم ؟اصلاً مف شي نتفاهم عشانو و انتي هسي ح تدخلي غصب و هو كان طويل و انا قصيره جنبو و بعاين ليهو و بعاين للشارع و هو ماسكني و الناس بتعاين لينا قلت ليهو ي منذر الناس فكني قال لي تمشي قدامي ولا ارفعك و ادخلك؟قلت ليهو حرام عليك شوف انا جايه كيف والله حرام عليك خليني عليك الله قال لي يلا قدامي سريع مشيت قدامو و انا بنقنق قال لي و هو بيضحك تعالي اركبي العربيه احسن تدخلي انتي و راكبه العربيه م اشتغلت بيهو دخلت و هو قفل العربيه و الباب و انا انتظرتو لحد يقفلهم بعدها دخلنا و انا بي شلاقتي كنت لابسه توب للاسف دخل بي باب كده و قال السلام عليكم بي صوت كلو هيبه❤️انا كنت وراهو و سمعنا صوت ناس بيردو السلام انا كنت متوتره شديد سلمت عليهم و قعدنا و هو كان قاعد جنبي كان م شاء الله بيتهم مليان كان شفعهم كتار اظن شفع اخواتو م شاء الله يعني بيت بالجد كنت بحلم بيهو من زمان. اول م دخلنا في الحوش في شكل نجيله و عليها قعده حلوه لابعد حد و في عصافير ملونه اصواتهم حلوهههههه شديددد و ده اكتر شي انا بحبو في العصافير. الشفع ماليين البيت يعني م اتنين او تلاته كميه م شاء الله و م عديتهم لانهم كتار و كل مره بيطلع شافع جديد😂😂
