احنا و في الطريق قال لي جاهزه؟قلت ليهو اكيد،قبل نوصل قال لي قربنا غمضي عيونك قلت ليهو شنو؟ضحك و قال لي غمضي قلت ليهو دي شنو الحركات دي ي عبد العزيز ضحك و قال لي غمضي و اداني قطعه غطيت عيوني بعد وقف العربيه قلت ليهو افتح عيوني؟ جا فتح لي الباب و مسك يدي نزلنا و كان ماسك يدي و ماشين و بيقول لي هزار و هزاع م تخافو و كان بيضحك قلت ليهو عبد العزيز المكان بيخوف؟قال لي ابداً و كان بيضحك وقفت قلت ليهو لالا م ماشه قال لي جبانه دي قربنا ارح،،بعد وقفنا قال لي جاهزه؟قلت ليهو اي ياخ افتح عيوني؟فتح لي عيوني كان المكان نادي فروسيه،عاينت ليهو كان بيتبسم حضنتو شديد و انا بقول ليهو بحبك بحبك بحبككك،مشيت لي واحد من الحصين جا واحد من تبع النادي سلم علينا و قال لينا متاكدين تكونو براكم؟يمكن تكونو في خطر كنت بحرك اصابعي في رقبة الحصان و قلت ليهو مستحيل الحصين تعرض بني ادم لي خطر لو م كان سيئ التصرف و قلت لي الحصان صح؟الراجل اتبسم و عاين لي عبد العزيز عزيز قال ليهو م تخاف م بيحصل شي هي متعلمه الفروسيه،قال لينا بالجد؟م شاء الله،ظاهر انك متعلمه،و قال لينا اخدو راحتكم و طلع كنت متحمسة شديد طلعت العبايه و الطرحه و جريت على الحصان انا و جاريه شعري كان اتفك،مشيت اسلم علي الحصان عزيز كان واقف و بيعاين لي و خاتي ايدينو في جيبو و واقف و الاولاد مخلوعين و مستغربين انا كيف بتكلم مع الحصان كده،قلت لي عزيز تعال،جا علي قال لي اها بتي حبيبتي،يعني الحصين بيتعاملو معاهم كده؟قلت ليهو اي لما تتعامل مع حصان بي الاول لازم تصاحبو، طريقة تعاملك معاهو كانو انسان و بيفهم فهمتني؟عندو طريقه سلم على فكره،ضحك و قال لي بي الجد؟كيف ؟قلت ليهو تحك بي اصابعك رقبتو و تعرف على نفسك،اوريك كيف حركت يدي في رقبتو و قلت انا خنساء ،اكتر حصان ارتحت ليهو من بين الحصين انت،كان الحصان انا و بحرك اصابعي في رقبتو بيحرك خشمو،عبد العزيز كانن بيعاين لي و بيتبسم ،قلت ليهو يلا امشي على حصان و اعمل زي م وريتك،قال لي حاضر و عاين لي الاولاد كانو واقفين بعيد و بيعاينو قال لي ديل شكلهم خايفين قلت ليهو والله الا اتسد حقي زي م بيخوفوني بي الكديسه ح اخوفهم ،مشيت و قلت ليهم حبايبي و رفعت واحد منهم قال لي م داير امشي م داير انا م داير قلت ليهو هو على كيفك و ضحكت و هو كان بيصرخ و بيبكي وديتو لحد جنب الحصان و هو كل م اقرب بيصرخ اكتر لما نزلتو كان بيتدردق في الارض و بيبكي و عبد العزيز بيضحك جا رفعو مشيت لي التاني جرا مني قلت لي عبد العزيز و انا بضحك ده منو ي عبد العزيز؟قال لي ده هزار قلت ليهو انت كمان ح اتسد فيك حقي اصبر،مشيت لي الحصان و عزيز مشا لي واحد تاني قلت لما عايزين نركب قلت ليهو امسك طرف الحزام و اذا ح تركب من الجها اليمين جر الحزام من الجها الشمال يعني م تخليهو يكون مقبل على الجها ال ح تركب منها،و لما تركب بتضرب بي رجلك على بطنو لكن م شديد،ضربتك هي ال بتحدد سرعة الحصان،يعني لو ضربتك بسيطه سرعتو ح تكون بسيطه لكن لو شديد ح يجري شديد،و ركبت الحصان و كنت مبسوطه شديد،عبد العزيز كان بيصورني لكن م ركزت شديد من كتر م اني مبسوطه،عبد العزيز برضوا ركب،و الاولاد كانو في ركن و مره يلعبو مع بعض و مره يعاينو لينا ،عبد العزيز قال كدي احاول معاهم ،مشا و اقنعهم واحد منهم ركب معاهو،بيقول لالالاا و عزيز بيضحك ،بيقول ليهو ي بابا نزلني خلي هزاع يركب و هزاع بيقول م داير انا م داير قلت ليكم😂😂،بعد خلصنا قلت لي عبد العزيز بي صوت واطي هزار وينو؟قال لي م بوريك كانو غافلين مشيت رفعت واحد و قلت ليهو انت منو؟قال لي هزاع و التاني قال لي كذاب انا هزاع و عبد العزيز بيضحك،و قلت ليهو قول الحقيقه انت منو؟قال لي هزاع انا و التاني قال لي والله ي بطة انا هزاع عاينت لي عبد العزيز و قلت ليهو ده منو؟هو و بيضحك قال والله ولدي مجرم عديل،عارفك ح رفعتيهو عشان تخوفيهو قال احسن اغير الاسم،ضحكت و قلت ليهو انت هزار ي كذاب و مشيت على الحصان و كان بيبكي و بيعافر فيني ،وديتو لي الحصان و هو بيقول ي بابا و بيبكي و مادي يدو عليهو عبد العزيز هو و بيضحك جا رفعو مني،لما جينا طالعين لبست العبايه و لميت شعري حجبت الطرحه،احنا و طالعين نفس الراجل جا قال لينا ان شاء الله،، استمتعتو في وقتكم،معليش ي اختي ممكن عايزك في موضوع قلت ليهو اتفضل قال لي معلمه الفروسية صح؟قلت بيهو ايوه قال لي ممكن تجي تشتغلي معانا؟عاينت لي عبد العزيز كان مربع يدو و بيعاين لي بي طريقه كده حلوه و بيتبسم،عاينت لي الراجل و قلت ليهو والله في الود و الخاطر اشتغل في نادي فروسيه و حلمي اوصل اخر مرحلة من تدريب الفروسيه لكن ظروفي م بتسمح لي،اولادي لسه اطفال و الوقت ده اكتر وقت مفروض اكون قريبه منهم م عايزه اكون بعيده منهم لي اي سبب كان،قال لي ايواا م شاء الله،بس عندنا مشكله بسيطه يمكن تحليها لينا،قلت ليهو جداً ان شاء الله،بدا يتكلم و قال عندنا حصان ليهو فتره قريب اسبوع م بياكل،حاولنا كل المحاولات جبنا دكاتره بيطريين و كل واحد بيقول كلام من عندو و جبنا الادويه البيكتبوها لينا م نفعت برضوا امس كان جبتا دكتور كتب لينا حقنة نجيبها لكن كمية الحقن م ح تنفع و وقفنا علاج الدكاتره و من طريقة تعاملك مع الحصين يمكن تقدري تعملي نتيجه مع الحصان لانو لو استمر بي الوضع ده يمكن يموت،قلت ليهو طيب ممكن اسالك؟قال لي اتفضلي قلت ليهو الحصان صاحبو وين؟يعني البياكلو منو؟ انت ولا زول غيرك؟قال لي م انا والله في الحقيقه الحصان ده صاحبو مسافر برا السودان قلت ليهو اكيد عارف طبع الحصين اذا في واحد معين بياكلهم م بياكلو من زول غيرو ضحك و قال لي الفكره م جاتني والله،و دي يحلوها كيف قلت ليهو وين الحصان انا ح اتعامل معاهو،عايز يوديني لي الحصان الاولاد حلفو كان يدخلو😂عبد العزيز قال لي دقيقه اوديهم العربيه و اجي مشا و جا ودانا لي الحصان،بديت اتكلم معاهو و بعد م صاحبتو ،مشيت لي الراجل و قلت ليهو عايزه اكل الحصان و اكل لي انا كمان معليش😂ضحك و قال لي جداً ي اختي مشا جاب الاكل و جا ختيت ليهو الاكل و قعدت قصادو في الارض و بديت اكل و هو بدا ياكل عبد العزيز بدا يضحك و يعاين لي عاينت و انا بضحك الراجل قال لي تسلمي م بتقصري والله،،لما جينا طالعين قلت ليهو اخد رقمي و اذا واجهتكم اي مشكله تاني بس اتصلو علي،حاولو اتعاملو مع الحصان ده بي استثناء يعني بي المختصر كده محتاج يتدلع اكتر من باقي الحصين لحد يتعود ياكل من زول معين و بعدها الوضع ح يبقا ليهو عادي،قال لي تمام،شكراً مره تانيه و حاولوا زورونا مره تانيه عليك الله عبد العزيز قال ليهو اكيد و سلم عليهو و لما عايز يسلم علي نبهتو اني م بصافح و طلعنا،كنت مبسوطه لابعد حد❤️،احنا و راجعين عزيز قال لي طلعتي عمدك مؤاهب مدفونه قلت ليهو مع انك بتعرف اني متعلمة الفروسيه قال لي اي بعرف لكن م بعرف انك بتعرفي لي الدرجه دي،قلت ليهو تاني ح نمشي ؟قال لي بتي حبيبتي اكيد ح نمشي،وصلنا البيت و حبوبه كانت قاعده اول م شفتها قلت حبوبهه و جريت حضنتها قلت ليها مشتاقين ياخ شنو الغيبه دي،قعدنا نتونس معاها و هي تحكي حكاويه المضحكة 😂بعدها رجعنا بيتنا ،بي الليل زي الساعه ١٠ كده عبد العزيز م كان قاعد جا داخل و كان معاهو حاجه كده كبيره،ظاهر انها صوره كبيره و عليها تغليف هديه قلت ليهو يوم مليان مفاجاة قلت لي،قال لي اي ممكن تقولي كده، قلت ليهو طيب ده شنو؟قال لي جاهزه تشوفي ده شنو؟و ضحك قلت ليهو شنو كل مره جاهزه جاهزه انا طبيعي جاهزه لي المفاجات قال لي طيب افتحيها و شوفي فتحتها فتحتها و كانت صورتي و انا راكبه الحصان كنت بضحك و شعري جايي على جهة وشي و انا بحاول ازح شعري من وشي و بضحك و ماسكه الحزام بي يدي التانيه،كانت الصوره كبيره و عليها برواز حلو شديدد عاينت ليهو عيوني دمعت قال لي اختاري وين نعلق الصوره ،مشيت حضنتو و انا بقوول ليهو بحبك ي عبد العزيز،علقنا الصوره في الهول و كنت انا اسعد انسان على وجهة الارض حمدلله❤️،اليوم التاني لما صحيت م كان جنبي كان في الحمام بيستحما تلفونو اتصل رفعتو اشوف منو البيتصل لقيت مكتوب عادل مخابرات اتصدمت من الاسم ،سرحت و انا بفكر هو لما زول يتصل ليهو من الشغل بيكون الاسم غريب و رموز م مفهومه لكن المره دي واضح،كمان مكتوب مخابرات؟هو دخلو شنو مع ناس المخابرات،طلع من الحمام قال لي انتِ صحيتي؟منو اتصل؟قلت ليهو مكتوب عادل مخابرات،ملامحو اتغيرت و طوالي قبل مني على الجهة التانيه شال تلفونو و المفتاح و السلاح و قال لي انا طالع قلت ليهو الشغل؟قال لي اي قلت ليهو انت دخلك شنو مع المخابرات؟قال لي كيف يعني؟قلت ليهو سؤالي واضح تلفونو اتصل رد و باسني من راسي و طلع و هو بيتكلم في التلفون ،بقيت بفكر تاني قلت م ضروري شديد اتدخل في اي شي و طلعت الفكره من راسي،جا وقت الفطور عملت الفطور و قعدنا ناكل الكديسه جات قلت ليهم زحو الكديسه دي قالو لي لا قلت ليهم خلاص حبايبي نقسم ليها،قسمت ليها الاكل و قعدت تاكل بعد خلصنا كنت بغسل العده قالو لي عايزين بيبو قلت ليهو في التلاجه في شيلو قالو لي ادينا و قلت ليهو ي تشيلو براكم ي م تشربو لما ابوهم جا اول شي شكو ليهم قالو انا ابيت اديهم بيبو قال لي ليه ي خنساء ،قلت ليهو كذابين قالو ليهو هي الكذابه،حكيت ليهو الحصل قال لي خنساء كان تديهم طيب قلت ليهو فيها شنو لو شالو براهم ي عبد العزيز؟قال لي و فيها شنو لو اديتيهم انتِ؟م رديت عليهو و مسكت التلفون،زعلت لكن م بينت اني زعلانه،كنا قاعدين في الهول انا و هو و الاولاد بيلعبو قرب علي و باسني في خدي و قال زعلتي؟م رديت فكا شعري و كان بيعاين لي و بيحرك شعري لي ورا عاينت ليهو و تاني عاينت لي التلفون فجاة اتزكرت موضوع الصباح و قلت ليهو صح ي عبد العزيز عادل ده عايز منك شنو؟طوالي قبل مني،قال لي بس انا عندي صحبي اسمو عادل و ديل من شغل كانو عايزني و سجلت كده عشان م اتلخبط،قلت ليهو انت بتجاوب على سؤال م سالتك ليهو،انا م سالتك ليه سجلتو كده،هم عايزين منك شنو؟انت شغال معاهم؟قال لي لا قلت ليهو متاكد؟قال لي اي قلت ليهو طيب انت قلت من شغل كانو عايزنك كيف تكون م شغال معاهم و هم عايزنك؟قال لي خنساء ياخ م تسالي كتير قلت ليهو لا ي عبد العزيز ح اسال،عايزه اعرف انا
يتبع..
