قمت و طوالي دخلت الغرفه قفلتها علي انا كنت عايزه ابكي لكن م بقت تفرق معاي حاجه فكرت اني اتصل على منذر اتصلت عليهو م رد على ختيت التلفون و رقدت كنت بفكر كتير م قدرت انوم تاني قمت شلت التلفون و فكيت الحظر من معتز و رسلت ليهو رساله محتواها "ممكن اقابلك في الاسبوع ده ضروري؟"
اول م رسلت الرساله قراها و رد علي طوالي بس انتي حددي الزمن و المكان و انا بجيكِ قريت الرساله و م رديت،عدا اليوم و الصباح صحيت و مشيت الجامعه و انا بفكر "البعملو ده صح؟؟خايفه اجرح منذر،لالا ياخ انا م ح اجرحو بس ح ابرد قلبي،،خلاص ربنا كريم م ح يحصل الا الخير،،خنساء كده بتدمري حياتك،،لا اخادي حقك"ده كان محتوى تفكيري
مشيت الجامعه و انا و قاعده تلفوني اتصل كان منذر رديت قال لي وين انتي؟وصفت ليهو المكان القاعده فيهو قال لي خلاص جاي عليك فعلاً جاني كان بيتونس معاي و في نص الونسه قال لي كان قدمت لوتري و الحظ ضرب و قبلوني كنت بعاين في الارض رفعت راسي عاينت ليهو و عيوني اتملت دموع عملت نفسي عاديه و قلت ليهو مبروككك ياخخ فرحت ليك. م رد الا بعد مسافه و قال لكن انا م ح اسافر قلت ليهو م جادي الحظ ده ناس كتار بيتمنوهو قال لي لكن انا بتمناكِ انتي و م عايز امشي.
امشي و اخليك وراي وين؟قلت ليهو منذر ده مستقبلك قال لي و انتي برضو مستقبلي سكتت قال لي و بعدين انا ح اتخرج قريب و عندي النيه اوصل اهلك و اتقدم ليك اتخلعت و عاينت ليهو و قلت ليهو م جادي انت قال لي لا جادي انا اصلاً جاهز بس منتظر توافقي م رديت قال لي م ح اضغط عليك بس فكري كويس و ده قرار مصيري عايزك تفكري كويس في الموضوع،قلت ليهو لو اهلي م وافقو ؟قال لي م وافقو مره ح احاول الف مره عادي ممكن اجي اتقدم في اليوم اكتر من مره بس عشان اهلك يوافقو و عادي احنسهم عديل بس انتي تكوني موافقه انا عايزاك و م برضى اكون فاشل و م اخليك حلالي كنت سرحانه في تفاصيل وشو و بقول في نفسي اللهههه ياخ دائماً ربنا بيعوضنا بالاحسن، تاني اتزكرت اني رسلت رساله لي معتز حتى تفاصيل وشي اتغيرت و هو لاحظ للحاجه دي و سالني كم مره و انا كنت بتجاوزو بالنهايه قال لي اتضايقتي عشان جبت ليك سيرة اني عايز اتقدم ليك؟؟قلت ليهو لالا ابداً و ي شيخ ابشرك انا موافقه لكن م الوقت ده ابداً ادني وقت و كمان عايزه استخير و الباقي على ربنا❤️قال لي بالجد؟؟و حتى اني لاحظت لي فرحتو في عيونو ❤️❤️❤️❤️
قلت ليهو اكيد جد قال لي بي لهفه انا منتظرك بس م تتاخري علي ضحكت و قلت ليهو قلت لي م الوقت ده اديني وقت و بوعدك اني م ح اكون لي غيرك قال لي اكون مطمن يعني؟قلت ليهو اكيد
اليوم خلص و قلت عايزه ارجع البيت قال لي بوصلك انا فعلاً وصلني و انا طول الطريق بفكر و هو كان بيتكلم معاي و انا م انتبهت قال لي خنساء في شنو؟؟احكي لي مالك الليله طول الوقت انتي سرحانه، في حاجه؟؟قلت ليهو لا ابداً مف حاجه
وصلت البيت و لقيت رساله من معتز "وينك؟"
-نعم؟
_م حددتي ح نتلاقا متين؟اشتقت ليك
يعني البني ادم ده مقرف شديد انا بقرف لما اتكلم معاهو والله
-ممكن بكره اصلاً انا بكره م شغاله جامعه
_تمام بكره زي الساعه كم و وين؟
_الساعه ٩ بالصباح و صفت ليهو المكان ال ح نتقابل فيهو
سكتنا على كده و فعلاً الصباح صحيت و لما الوقت جاء طلعت و مشيت على نفس المكان الوصفتو ليهو لقيتو قاعد سلمت عليهو و قعدت و انا بدعي من جواي و بقول ي رب اليوم يعدي على خير
بعد قعدت و سلمت عليهو م شال عيونو مني ولا لحظه بعد مسافه مسك يدي زحيت يدي منو بسرعه تاني قلت ليهو اسفه اسفه بس المهم اني جيت عشان اسالك ليه كنت جنب جامعتنا المره الفاتت؟؟و عايز مني شنو انت؟قال لي عايز ارجع ليك قلت ليهو بعد الحصل؟؟بعد دمرت حياتي؟؟م رد علي كان عندي هدف في راسي بس م ركزت في اي شي قلت ليهو عارف انا بقرف منك لي اي درجه؟لي درجه اني م قادره اشوف خلقتك دي قدامي والله كان بيعاين في عيوني و اصلا شويه و كنت ح ابكي قلت ليهو انت واحد باطل انت م راجل و م محسوب مع الرجال اصلا عايزه اقوم مسك يدي قال لي اقعدي قلت ليهو زح يدك دي مني قال لي بي صوت عالي اقعدي قلت ليك لما المكان كلو بقا يعاين لينا قعدت قال لي الحصل ده كلو عارفه بي سبب منو؟قلت ليهو لا والله انا السبب تصدق؟انا السبب قال لي كم مره قلت ليك عايز اجي اتقدم ليك؟؟؟؟؟؟كم مره ي خنساء انا كنت جادي في الموضوع ده؟؟يوم طلعنا و عملنا الحادث الكان مصُر انو نطلع منو؟اي الحصل ده كلو قضاء و قدر لكن لو انتي وافقتي اني اجي اتقدم ليك م كان حصل ده كلو ي خنساء و غير كده انا ابوك ده كل يوم في الجامع بتفاهم معاهو ياخخ كل صلاة انا بجيبهو في الجامع بقول ليهو لو عايز الليله بعقد عليها بس انت وافق كان رافض قال عرستي انا م قدرت استحمل الحاجه دي سافرت كيف عايزني اقدر اتجاوز الموضوع ده؟؟؟؟ياخ حتى لما سافرت انا بفكر فيك لكن م عندي فرصه لانك عرستي قلت م عايز اسوي ليك مشاكل اكتر من كده و عرفت انك انفصلتي عن راجلك و تاني م يئست تاني انا بحاول و ح احاول المره دي انا جاهد اني م اخسرك مسحت دموعي و قلت ليهو لا انت اصلا خسرتني قال لي م تقولي كده ي خنساء والله م كان في يدي شي و م عملتو ي خنساء قلت ليهو لا ي منذر انا خلاص اتجاوزتك اي فعلاً انا اتطلقت لكن ده م بيعني اي ح ارجع ليك،،،،شوف انا عمري كم و عرست و اتطلق و عشت اكععببب ايام في حياتي و انت وين؟عايش حياتك ي معتز قال لي لكن انا م غلطان قلت ليهو م مهم الغلطان منو كانت عيونو كانها دم لونها احمر شديد،،،،،قلت ليهو و ابشرك في الايام الجايه دي ح يكون عرسي قال لي م ح اخليك و م ح اخسرك تاني مستحيل اخسرك قلت ليهو المره دي انا الساعيه اني اخسرك مستحيللل ارجع ليك مهما حصل مستحيل قال لي لسه عندنا فرصه قلت ليهو الفرص كلها انتهت و قمت مشيت و لحد وصلت البيت و انا ببكي
يتبع......
