قلت ليها هسي ح نخليهم كده عادي؟قالت لي انا عن نفسي خليتو ساي قلت ليها انتِ جاده؟قالت لي م ح تقدري تعملي اي شي مهما حاولتي،،قلت في نفسي بالجد م ح اقدر اسوي شي،،، كنت بتونس مع نور عزه برضو جات اتونسنا مع بعض زي الساعه ١١ قالو ح يمشي ينومو،حتى انا قلت انوم م قدرت انوم و كنت بحس انو في زول بيهبشني خفت و مشيت عند خالتو عواطف قلت ليها انا خايفه تعالي نومي معانا،جات نامت معانا بي الليل كده كان زي الساعه ١ كده حسيت بي زول برضو بيهبشني قمت لقيتو عزيز ضربتو و قلت ليهو خلعتني ياخ قال لي زحي كده ارقد معاك،قلت ليهو امشي ارقد محل امك قال لي خنساء جيت عشانك انا،قلت ليهو لا يعني لا امشي نوم محل امك بقا يلز فيني و انا بقاوي فيهو و بقول ليهو م ح تنوم معاي😂😂خالتو عواطف صحت قالت ليهو جيت متين انت؟خلاص اخلي ليك محلك و امشي محلي قال ليها اي ي امي تكوني م قصرتي،،هي مشت و هو رقد محلو،،قال لي مشتاقين قلت ليهو اها سكرت؟عاين لي و قال شنو؟منو كلمك انتِ؟قلت ليهو م مهم منو كلمني ضحك و قال لي لالا ياخ معقوله اسكر؟قلت ليهو طيب كنت معاهم ليه؟قال لي بس اسمع قصصهم الحزينه،والله اي واحد عندو قصه براهو😂قلت ليهو و انت كان سكرت كنت ح تحكي شنو؟قال لي انا اموري واضحه عندي مره زيك اشكي شنو؟قلت ليهو والله؟فكيت شعري و رقدت في حضنو ضحك و قال لي شايفك اتعودتي قلت ليهو انت عودتني بقا يحرك يدو في شعري،،هو نام انا حسيت اني متضايقه قمت قعدت،،،،نفسي كان بيضيق قلت امشي استحمى النور كان م شغال،،رجعت صحيت عزيز قلت ليهو قوم نجيب السرير نوديهو جنب الحمام قال لي خنساء انت غبيه؟قلت ليهو ياخ انا متضايقه عايزه استحمى بعد محاولات كتير عشان اصحيهو صحى و فعلاً ودينا السرير جنب الحمام و هو رقد نام😂بعد خلصت تاني صحيتو قال لي بكفتك انا بعد كده قلت ليهو ح تنوم هنا؟يقيت بضربو في وشو قال لي بس تاني بس اعملي كده والله ي خنساء ح اكفتك قلت ليهو خلاص قوم نرجع السرير،،رجعنا السرير برضو م قدرت انوم و كنت خايفه قلت ليهو بي صوت واطي عزيز حبيبي نمت؟م رد علي قلت ليهو انا خايفه قال لي خايفه ليه؟تعالي رقدني في حضنو و قال لي نومي م تضايقيني انا نعسان والله،،،، اليوم التاني كان العرس الكبير و كان حلو شديدد❤️،،عدت الايام و جا رمضان و انا كنت تميت ٤ شهور حمدلله م كنت بصوم و انا و الاولاد لما كنا بناكل عزيز كان بيقول لي على الاقل م تاكلو قدامي و انا كنت بضحك،كنا بنخطط ح نرجع الخرطوم ٧ يوم العيد و برضوا كنا بنخطط ح نمشي نجهز حاجات البيبي،،في اواخر ايام زي الساعه ٨ صباحاً كنت طالعه على الجنينه سمعت عزيز و عزام قاعدين في الجنينه و بيتكلمو،،ككان عزام بيقول ليهو اها ح ترجع؟عزيز بيقول ليهو ح ارجع ي عزام بس خايف على خنساء لو عرفت كيف ح تكون ردة فعلها،طلعت و قلت ليهو في شنو ي عبد العزيز؟!خايف علي من شنو؟مسح وشو بي يدو و قال لي خنساء في حرب في الخرطوم بين الجيش و الدعم السريع انا من الجيش ي خنساء و ضروري ارجع،،قلبي دق سريعع و قلت ليهو و انا بتمتم كيف كيف يعني؟نزل راسو في الارض انا دخلت جوه و بقول اكيد م ح يخليني،،بعد مسافه من الزمن جا داخل و قعد جنبي م فتحت الموضوع اصلا لاني بالجد كنت خايفه ،،بتزكر وقتها قال لي خنساء رديت نعم ي عزيز قال لي م ح تقولي لي انا خايفه؟و عاين لي قلت ليهو و انا بتبسم انا عارفاك م ح تخليني اخاف ليه؟مسكت يدو فك يدو من يدي و ختاها في خدي و قال خنساء ي بتي انا ح امشي و ح اجي راجع عاينت ليهو و عيوني كلها عباره عن دموع لا ي عبد العزيز انت مش اخدت اجازه عشاني؟خلاص عشاني م تمشي الله يخليك ي عبد العزيز م تخليني💔بكيت و هو بيمسح دموعي و بيقول لي طيب خلاص م تبكي هسي حصل شنو؟م حصل شي انا معاك قلت ليهو م ح تمشي صح؟حضني و م رد علي قلت ليهو عبد العزيز قال لي طيب طيب،،الخبر كان عما البلد كلها انو في حرب في الخرطوم و كل الناس كانت بتتكلم عن الحرب،،عدا اليوم الاول و التاني و كمان التالت في اليوم الرابع في العصر عبد العزيز كان بيتكلم معاي و بيقول خنساء اسمعيني كويس انا م ح اقدر اقعد في وضع زي ده ح امشي ي خنساء و برجع ان شاء الله باذن الله ح ارجع،لو ربنا كاتب لي عمر لسه والله ح ارجع قلت ليهو لالالااا ي عبد العزيز انا عارفاك م ح تخليني براي قال لي خنساء مجبور امشي ي خنساء،،انا كنت م قادره اصدق البيقولو،،لحد سمعتو بيتكلم مع عزام و بيقول ح نسافر كيف؟عزام قال ليهو اي شي بيخص الجيش خليهو هنا عشان ممكن احنا و داخلين على الخرطوم الدعامة يفتشونا و ح نسافر بي الباصات البترجع بي الليل من البلد لي الخرطوم عشان يرجعو الصباح البلد،المهم ي اخوي احنا ح نرجع مع الباصات بي الليل ،،،،بقيت في حالة خوف و هلع مبالغ فيه،،لحد الساعه ٩ بي الليل انا كنت بس ساكته لا باكل ولا بشرب و م بتكلم نهائي البيت كلو كان قصادي عزه كانت بتتكلم مع عزيز و بتقول ليهو انت ح تسافر بعد ساعتين و مرتك بي الحاله دي؟؟؟؟انت م جادي ولا شنو؟قال ليها اسكتي ي عزه اسكتي م تزيديها علي و طلع خالتو عواطف جات قعدت جنبي قال لي خنساء في شنو مالك ي بتي؟م رديت عليها،،بعد مسافه من الزمن عزيز جا داخل الغرفه ،،،كلهم طلعو بقينا انا و هو بس قعد في الارض و مسك يدي و قال لي خنساء بس ان شاء الله قولي كلمة واحده م تخوفيني عليك فكيت يدي منو قام من الارض مشا شال الشنطه المجهزها عايز يطلع جريت مسكتو من يدو قلت لا ي عبد العزيز م تخلي ال كنت خايفه منو يحصل قال لي والله ي خنساء م في اليد شي ضروري امشي،،قلت ليهو طيب انا؟و الاولاد و مسكت يدو ختيتها في بطني و قلت ليهو بتك ثريا قال لي انتِ قاعده ي خنساء انا م خايف عليهم لانك معاهم خلي بالك من نفسك و منهم لحد ارجع لو ربنا كاتب لي عمر لسه،عزام نده عليهو و انا كنت ماسكاهو من يدو عايز يطلع قلت ليهو لا ي عبد العزيز م ح اخليك تمشي حضني و قال بي صوت مبوح خنساء انا في الوقت ده محتاجك والله،عايزك تكوني قويه و تطمنيني اني لو رجعت ح ارجع و القاك كويسه انتِ و الاولاد،،انا لو مشيت و انت بي الحاله دي ي خنساء بالي كلو ح يكون عليك انتِ،،خليك قوية ولو في المحنه دي بس،،بكيت و قلت ليهو انا قويه و انت معاي ي عبد العزيز م تخليني،،،حتى هو بكى و باسني من راسي و كان عايز يطلع و انا كنت ماسكاهو من يدو نده و قال ي عزه،،امي،،،جو و مسكوني و كانو بيبكو،،، فكا يدو من يدي و مشى و انا بصرخ بقول ي عبد العزيز لا م تخليني عليك الله لا،،،انت كنت بتوعدني م تخليني براي اتفكيت منهم و جريت عليهو و كان عايز يطلع مسكتو و قلت ليهو لا ي عبد العزيز م ح اخليك تمشي اخر مره كان شفت دموعو بتجري،،انا بقوى بيهو في الوقت داك حتى هو حسيت بيهو ضعيف عاين لي و كانت عيونو عباره عن شي لونو احمر ،،بي صوتو المبحوح نده على امو و قال تعالي امسكيها ياخ خالتو عواطف جات حضنتني و قالت لي خلاص ي بتي ح يرجع ان شاء الله،،قعدت في الارض و كنت ببكي و بقول لا ي عبد العزيز لاااا،،،اليوم التاني بعد المغرب كنت راقده و عاملين لي كمادات خالتو عواطف جات و شايله التلفون في يدها قالت لي ي بتي هاك ده راجلك زحيت الكمادات و قبلت على الجها التانيه و انا ببكي خالتو عواطف اتغير صوتها و قالت ليهو عيانه مرتك ي ولدي و الله عيانه،،بكت و بعدها فتحت الاسبيكر سمعت عزبيز بيقول في شنو ي بتي؟طمنيني عليك م رديت و كنت بزيد في البكى و صوتي كان ظاهر انا و ببكي،،قال لي خنساء نفسك ح يضيق م تبكي ي خنساء،،انا ح ارجع ان شاء الله،،م تفكري في الشر عشان م يحصل،،بتفكري اني تاني م ح ارجع؟م تفكري كده عشان م يحصل حقيقه قمت و حضنت خالتو عواطف و انا بقول ليها ي خالتو قولي ليهو يرجع ي خالتو،،قال ي خنساء قلت لي خالتو عواطف اقفلي الخط ي خالتو عواطف قلبي بيوجعني والله قالت لي هي و بتبكي سمح ي بتي سمح و قفلت الخط،،اول اسبوعين كانت فتره صعبه شديدد حتى هزار و هزاع كانو بيسالوني بابا وين؟ح يرجع متين؟؟كان اذا اتصل بس بيتكلم مع اولادو و اهلو اما انا كنت رافضه اني اتكلم معاهو،،بعد مرور اسبوعين كنت تعبانه شديد خالتو عواطف اليوم داك كان اول يوم تشاكلني،،كانت بتقول لي انتِ حامل والله بي حالتك دي ح تسقطي انتِ م طفله ي خنساء كبيره و واعيه خليك قوية طيب عشان اولادك ح تستفيدي شنو لما تعملي البتعمليهو ده؟كلنا قلبنا على عزو و ده ولدي كمان لكن بندعي ربنا يحفظو،،بعد كلامها ده شويه حسيت اني بالجد لازم اكون قويه،، بي الليل قلت ح امشي المسجد اصلي العشاء نور و عزه برضو كانو معاي و معانا الاولاد انا اصلا بي طبعي بمشي براحه نور و عزه مشو قدامي و انا وراهم معاي الاولاد،،انا و ماشه اتعترت هزار قال لي مالك ي بطه خلاص ارح نرجع م نمشي هزاع قال لي ده بابا؟ح اشاكل بابا انا ح اشاكلو عشانك،،ضحكت و كنت بفكر ليهو حق عزيز كان متمني يكونو اولاد تؤام عشان يسندو اختهم،حتى انا ساندني من هم صغار،،لما كنا راجعين عزه قالت لينا دقيقه ادخل اكلم عمتي اني ح انوم عندكم،،دخلت و بقينا واقفين انا و نور قالت لي خنساء حاولي اتكلمي مع عزيز لما يتصل،،عزام برضو معاهو قبل كده كنت بتكلم مع عزام قال لي والله وضعو صعب شكلو لما اتغير،،حالت مرتو ماثره معاهو،،،على العليهو ي خنساء انتِ بتزيدها عليهو م تعملي كده و ح يرجعو ان شاء الله،،بعد رجعنا البيت لما جينا عايزين ننوم كنت بتركز كيف كان بيحرك اصابعو في شعري،،بكيت و هزار و هزاع كانو نايمين،،طلعت الجنينه عيني وقعت على الطوطاحه مشيت ركبت و انا بتزكر كل مره كنت بركب فيها و عزيز لما يشوفني بيجي و بيلزني،،عاينت لي السماء و بقيت بفكر هو كيفو؟بيفكر فيني هسي؟ولا نايم ،،اكل ولا نايم من غير ياكل؟
