وقت الصلاة كان بيصلي بينا عزيز❤️❤️صوتو م شاء الله تبارك الرحمن تحس القران بيدخل جوه القلب و بيداويه
لي درجة انك بتكون خاشع و مركز في معاني القرآن و بتبكي،في الركعه التانيه بعد سورة الفاتحه قراء ايه نصها بيقول"يا ايها الذين امنوا لا تخونوا الله و الرسول وتخونوا اماناتكم و انتم تعلمون"(صدق الله العظيم)
هو و بيقرا الايه دي بكى انا بكيت و يمكن اي زول كان خاشع و قلبو حاضر وقت عزيز بيقرا بكى،اي زول عارف خان الله و الرسول صلى الله عليه و سلم في ياتو موضع،او ياتو ذنب،او شي نهى عنو الرسول صلى الله عليه و سلم و مع ذلك معترضين عن النهي و عارفين انو الرسول صلى الله عليه و سلم م بينهينا الا من شي بيضرنا،يمكن اي زول بكى عندو تفاصيل براهو بتختلف عن تفاصيل الزول التاني
بعد خلصنا صلاة قعدت شويه في الجامع كنت بقرا قران بعد خلصت طلعت و هو كان واقف مع رجال لما جيت طالعه هزار و هزاع جو معاي لكن هو م جا وصلنا البيت،،انا و عدن"اخت عزيز" طلعنا سراير في الحوش قعدت معاي و بقينا نتونس المهم في نص الونسه جبنا سيرة ارتباط و م ارتباط ،قالت لي والله ي خنساء لو جينا لي الجد انا كنت مرتبطه لكن مريت بي فتره صعبه اتضررت شديد قلت ليها ليه ي قلبي بدت تحكي لي و قالت ،لحد دخلت الجامعه ي خنساء م كنت خاته في بالي ولا مجرد تقكير لي الارتباط والحب و الكلام الفارق ده لاني عارفه لو حبيت ولا م حبيت بي النهايه ح اعرس ولد عمي ولا ولد عمتي و و م كده واحد من اهلنا لانهم متعودين على كده و بيقولو القريب اولى من الغريب،بعد دخلت الجامعه ي خنساء اتعرفت على واحد من دفعتنا بالجد حبيتو من جوه قلبي و اول مره في حياتي ابادل زول بي الشعور ده،حبينا بعض و ارتبطنا لكن بي النهايه حصل مشاكل و انفصلنا،م انفصلنا بس كانو فصل روحي عن جسمي بقيت عايشه كاني م عايشه ي خنساء،كل مره لما نتقابل في القاعه بحس كانو انفصلنا قبل لحظات و انا بتاثر لي الموضوع و بقعد ابكي حالياً بعد اجازه السنه ي خنساء بقيت اخف قدر و بتجاوز شويه شويه لكن شايله هم لما نرجع كيف ح اكون انا،،،،م قادره اتجاوزو قلت ليها طيب انا ح احكي ليك حاجه حصلت معاي يمكن تشوفيها غريبه او مستحيله او م ممكن تحصل لكنها حصلت،،،بديت احكي ليها عن الحصل معاي و لحد وقت عرفت عبد العزيز
و نهايه الكلام قلت ليها قسمتك ي عدن شفتي لو ارتبطي و خلاص قال بكره جايي يتقدم ليك و اهلك وافقو و حتى حددتو موعد العرس و القمسه ماف اي شي ح يتفركش اعرفي اختبار ربنا ليك افضل من اختيارك،مواقف كتيره بتحصل ليك و ناس كتيره بيتخلو عنك و بتحسي نفسك ي عدن من كتر الضيق و الوجع م قادره تستحملي لكن اعرفي ربنا بعدهم منك عشان كان ح يحصل بي سببهم وجع م ممكن تتخيليهو،،و بيقولو رب ضارة نافعه المعنى انو لو في ضُر يمكن ينفعك ح تفكري ينفعني في شنو؟يمكن في تكوين شخصيتك او في انك تاخدي حزرك من العلاقات و تختي احتياطات لي اي شي ممكن يحصل لانك مريتي بي تجربه من قبل و اتعلمتي منها،او انك تعرفي الزول ال ح يكمل معاك من الزول المستهبل و م جادي برضوا لانك مريت بي تجربه و اتعلمتي منها،البيحصل في حياتنا ده كلو لي مصلحتنا احنا لو كان خير ولا شر لو كان مُفرح او مُزعل او كان زي م عايزين ولا لا ده كلو لي مصلحتنا احنا و بس و اتزكري الرحله فرديه،،،مهما كانت حياتك مزدحمة ح تكون الرحله فرديه انتِ الراعي و انتِ الرعيه،و كلامي ده م معناهو ي عدن انك تستسلمي من كل علاقاتك،لا تبادري لانو العلاقات م بتمشي لي قدام لو م حصل فيها مبادره،انتِ تبادري و بعد العلاقه تستمر و تمشي لي قدام تحاولي تفهميهو هو كمان لازم يبادر و كده الامور بتتحلا و اي سؤا تفاهم حلوهو و م تبعدو لانو البعد بيزيد من سؤا التفاهم ،،و ي عدن افهمي كل حب في غير الله زوال
ي رفاق ح اشارككم اكتر اقتباسه بحبها
ثم قال لها :
أعِدك أن أكون لكِ السند والرفيق ولكن إياكي أن يمتلئ قلبُكِ بيّ
فأنا وغيري إلى زوال وإعلمي أن اللّه يغار ع قلوب عِبادُه .
فإذا و شعَرتي بأن حُبًا دُنياوياً ملأ القلب وَفااض !
فإهربي إلى اللّه منىّ ومن الدنيا بأسرها
فهو الباقي الذي لا يغيب.
ولا تنسي بإن كل حب في غير الله زوال 🖤..!
المعنى انو م تدو انسان حب او مكانه في قلبكم اكتر من اللازم لانو ربنا سبحانه و تعالى بيغار على قلوب عباده
اتاكد من علاقتك مع ربنا كيف قبل اي علاقة لانك والله لو بعيد من ربنا و في قلبك في انسان قريب و بتحبو حب شديد ح تشقى و الشقى و يمكن الشقى يكون من الانسان البتحبو لو عايزين تكملو مع الناس البتحبوهم حبوهم لكن بي طريقه ترضي ربنا،في وقت فراغ في الليل قولو نصلي قيام الليل،او نقرا جزء من القران ك ورد يومي،زكرو بعض ازكار الصباح و المساء،او تتصدقوا او سورة الكهف كل جمعه،و الساعات المستجابه فيها الدعوات من يوم الجمعه،،،حاجات كتيره ممكن تقربكم من ربنا و ربنا ح يكون راضي عليكم و يرضيكم لانو ربنا كريم
عبد العزيز جا و عدن قامت و قبل تمشي قالت لي خنساء بعد اتكلمت معاك بالجد حسيتك قريبه مني و ارتحت،كل مره ح اجيك ،،،قلت ليهو طوالي حبيبتي وقت تكوني عايزه تحكي و تشكي انا موجوده،بعد مشت عبد العزيز قال حصل شنو؟قلت ليهو عبد العزيز انت و اهلك بالجد بقيتو زي اهلي واحد،مع انو البعرفو و المعتاد انو في السودانيين بيكونو اهل الراجل حقارين لكن لا والله نفسي اقشر بيكم في الدنيا و اكلم الناس نفر نفرر انكم عيله سودانيه و بتعاملوني بي صوره حلوه شديد ضحك و قال لي لانك انتِ تستاهلي كل شي حلو في الدنيا،رقدنا نمنا و المره دي هزار و هزاع كانو معانا في الحوش لانهم بكو الا ينومو معانا،، زي الساعه 1 صباحاً صحيت و عزيز كان نايم رقدت في حضنو و قلت بي صوت واطي حبيبي م رد تاني ختيت يدي في لحيتو و قلت ليهو عزيز قال لي اممم قلت ليهو صاحي انت؟انا عايزه جبنه قال لي شنو؟قلت ليهو نفسي في شي مُر قال لي خنساء عليك الله ده م وقتك نومي و بكره الصباح اي شي بيبقا ليك حاضر قلت ليهو عزيز حبيبي هسي عايزه قوم نشوف في المطبخ قال لي ح تصحى الناس ي خنساء قلت ليهو م بيصحو بس انت ارح،قال لي تلفونك وين؟قلت ليهو جوه قال لي حتى تلفوني جوه نسيتو في الشاحن و نمت،، حبوبه بيكون تحت سريرها في بطاريه قلت ليها طيب هي مكانها وين؟قال لي تعالي نشوفها مشينا لي سريرها تحت السرير مافي قال بيكون تحت المخده و دخل يدو فجاة حبوبه دي بقت تصرخ وااييي،ي حرامي ي ود الكلب واااييي ي عواطف الحقيني واااييي الحقوني واي انا الليله واااي
يتبع.....
