٧٢.
-لا أستبيح القراءة بدون لايك 💨.
_
"مـزون"
كانو ملتمين كل العائله على طاولة الطعام ، كانو يتهامسون مـزون و جــود .. جـود بهمس: والله صدق أمي وأبوي متفقين .
مزون كانت بتتلكم لاكن قاطعها صوت أم جـود وهي تقول: شرايكم دام هالشهر إجازه نروح للمخيم؟
أم أصيل: ماعليه ماعندنا مشكله
أم مرام: تم مانقول لا.
أرتفعت أصواتهم وهم يردون بالموافقه ..
تكملت أم جـود الي هي أم ذيب بعد: أجل بقول لسلطان وأكيد أنه قال لرجال بس تجهزو يمكن بكرا ولا بعده .
جـود بحماس وهي تهمس لـ مزون: يالله مزون لو تشوفين المخيم حقنا يجنن .
مزون بنفس الهمس: والله تحمست أشوفه .
قامو البنات وهم يبون يجلسون بالجلسه الخارجيه الي بالحوش
تجمعو وهم يجلسون ويخططون وش بيسوون هناك ويوزعون الاشغال على بعض ، بيان: أسمعو انا علي الالعاب .
منال: وأنا المفرحات بكل أنواعها بجيبها بشنطه كبيره .
مروى بتفكير: أمم وأنا علي الجلسات؟
جـود: لا في المخيم جلسات
مروى: طيب عادي برتبها؟
مزون: وش ترتبينها لا خذي شي ثاني .
جـود: انا بنسق لكم المطاعم والمشاوي على حسابي.
مزون: وانا يعني؟
مروى: حتى أنا وش علي؟
أتفقو على كلشي ٫٫
بيان: يعني حنا بس خمسه الباقين مو معنا؟
جـود: من الباقين بس هـاجر وسـحر و نـوير؟
مزون: أحس فشله يعني لازم نقول لهم منال: أسكتي بس لو تشوفين فعايلهم حيوانات واساساً هن دايم مع بعض وش نبي فيهن الحين تلقينهن متفقات .
مروى: إي والله صادقه !
مزون: مدري بس حسيت فشله .
جـود وقفت: شرايكم نروح الحين السوق؟
مزون وقفت معها: إي كنت بقول لان ناقصتني ملابس .
جـود: صادقه يعني لو بنروح المخيم برررد
وقفو كلهم وهم يدخلون
جـود وهي تتوجه لـ أمها: يُمه ذيب فيه؟
أم ذيب: لا طالع مع أخوياه ليه؟
جـود: بنطلع السوق والسواق ماخذ إجازه.
أم أصيل: أصيل فيه خلي مزون تدق عليه .
توترت مزون لانها تحس بأحراج من فعلته وما تقدر تكلمه .. قالت بسرعه: لا لا مو لازم أصيل بتدق مروى على سواقنا .
مروى: أقول أمشي قولي لـ زوجك لعل وعسى يسمع منك .
جـود وهي تتوجه لهم: إي إي روحي قولي له .
تنهدت وهي خلاص عارفه مافي مفر
قالت: طيب وينه؟
مـروى: تلقينه بالمجلس!
تنهدت وهي تدخل قسم الرجال وتدوره بعيونها … زفرت وهي تدخل القسم الثاني وتدوره وسمعت صوت بالمجـلس توجهت له وهي تدخل لمحت أصيل جالس وبيده جواله تقدمت له وهي تقول: أصـيل
التفت لها بسرعه وهو يقول: لبييه؟
مزون وهي تتحرك بكثره: أمم البنات يقولون اذا فاضي خلي يجي يودينا السوق؟
أصيل ناظرها لثواني وقال: أنتِ معهم؟
مزون: إيه
أصيل وهو يوقف: تصدقين كنت ناويه أرفض لاكن عشانك معهم من عيوني
أنت تقرأ
أغليه لو كل الملا يرخصونه لا حل في دنيا غرامي عمرها
Actionالأبـحار الأول 🇸🇦. « لا أسمح بالنقِل أو الإقتباس » بقلم الكاتبه | ثُريـا - أنستقرام 3hnaw.t
