" මේ නිතුම්"
" ම්ම්.."
"ඔයා මොකක්ද උදේ ඒ කිව්වේ...
ඔයා කැමති ගෑනු ළමෙක්වත් ඉන්නවද"
"එහෙම නෑ රුචිරු මගේ හිතට ආව දෙයක් කිව්වේ.."
"හ්ම්"
රුචිරු එක්ක ගෙදර යන්න ඕන නිසා මගේ රස්තියාදු ජීවිතේට සමු දිලා එයත් එක්කම මම ගෙදර එන්න ආවා.. මොකද එයත් එක්ක ඉන්න පොඩි වෙලාවත් මගේ හිතට මොකක්දෝ කියාගන්න බැරි සැනසීමක් ගෙනත් දුන්නා.. අපි ගෙදර යන ගමන් ඉද්දි මම අද උදේ ග්‍රවුන්ඩ් එකේදි එයාට කියපුදේ මොකක්ද...ඒ කවුරු ගැනද කියලා එයා සැරින් සැරේ ඇහුවත් මට එයාට තනි උත්තරයක් දීලා නිහඩ වෙන්න උනා...
*
*
*
" අදත් එපාම වෙයි බන්"...
" ඒක තමයි සස්මිතයෝ
අද දවසම බංකුවල පස්ස රත් කරපන්කෝ..."
අද ඉතින් සෙනසුරාදා...
සෙනසුරාදා කියන්නේ මුළු දවසම අපිට පංති තමා...
උදේ 8ට පටන් ගන්න හේමාල් සර්ගේ Accounting ක්ලාස් එකේ ඉදලා හවස 5ට ඉවර වෙන බංඩාර සර්ගේ BS ක්ලාස් එක වෙනකම්ම දවසම ක්ලාස් වල...
එක අතකට මේ AL කියන්නෙම
සාපයක්....
මම පන්තිය ඇතුලට එනකොටත් සමීරයයි.. ෂෙහානයලයි දෙන්නා බර කයියක ....
ඒ අස්සෙ සස්මිතයි යසිරුවයි දාගෙන කොහෙදෝ මන්දා ඉන්න කෙල්ලෙක් හොයනවා...
යසිරුව ඔය කෙල්ලව දැක්කේ ගිය සතියෙ ක්ලාස් එක ඇතුලෙදි කියලා මට කියනවා ඇහුනා.. මූන මතක නෑලු බෑග් එක විතරලු මතක... යකෝ මූන මතක නැතුව කොහොමද කෙල්ලෙක් හොයන්නේ..."
කොහොමින් කොහොමහරි accounting ක්ලාස් එකත් 10.45 විතර වෙද්දි ඉවර උනා.. ආය බංඩා සර්ගේ ක්ලාස් එක පටන් ගන්නෙත් එකට විතර නිසා අපිට පැයක් දෙකක් ටවුන් එක වටේ රවුන් ගහන්න පුළුවන්..
" ඕයි නිතුමෝ කීයක්වත් නැද්ද බන් ලග..
රයිස් පාරක් දාමුකෝ.. පට්ට බඩගිනී.."
" බස් එකේ යන්න 100 යි තව 150කුයි විතර තියේ සස්මිතයා"
" ආහ්... එහෙනම් ඇති බන් අරුන් ගාවත් කීයක්ද තියේ කිව්වා ගිහින් කාලා එමු.."
සස්මිතයා කිව්වා වගේ මාත් සෑහෙන්න බඩගින්නක හිටියේ...
උදේ කන්නත් බැරි උනා පරක්කුවෙලා ඇහැරුන නිසා..
YOU ARE READING
අනුරාග් (yizhan ) ✅
Teen Fictionඔබට ආදරය කිරීම ගැන මා පසුතැවිලි නොවෙමි.. නමුත් ඔබ හට ඇබ්බැහි වීම ගැන මම මාහටම වෛර කරමි... රූත් 🌼🍃 2024/2/25
