أنيسي

الفصل الثامن(مكالمة هاتفية)

جاء الصباح ليعلن عن بداية يوم جديد يتمني الجميع فيه ان يمر بسلام

في منزل عمار
الجميع علي الطاولة ليتناولون الفطار معاً
ترأس عمار السفرة يجلس امامه جميع اولاده وكان سعد قادما من الخارج يريد النوم ولكنه جلس معهم حتي لا يلاحظ والده تغيبه

نزل أنس وجميلة معاً
ليغمز أنس جميلة لتذهب لليلي تقبل رأسها وتعتذر لها عما قالته

-انا اسفة ياماما والله انا بس انفعلت تخيلي حد يقولك انا هتجوز جوزك

ليقاطعها أنس
خلاص خلاااص ياجميلة ليلي قلبها ابيض مش كده ياليلي

لم ترد عليه ليذهب لها محتضنها قائلا
خلاص بقي ياماما جميلة عرفت غلطها

=خلاص ياأنس بس يارب تتعظ بقي

لتجلس جميلة في هدوء ويجلس هو بجانبها مبتسما لها

ليتحدث عمار
كنت فين ياسعد؟

= كنت بخلص كام مصلحة كده يابابا

- امممم طيب ياسعد من دلوقتي تيجي بالليل وتصحي الصبح زي البني ادمين علشان تشوف مصالح ابوك مع اخواتك سامع

ليهز رأسه بالموافقة

كان الصغار قد جلسوا علي المائده وفي حالة هدوء من الجميع نطقت فريدة

-أنوسي أنوسي

لينظر لها
ايه ياديدا ياحبيبتي

=هو صحيح انت هتتجوز طنط نهال

كادت جميلة تلتهم فريدة وقد جحظت أعين أنس من الصدمة
وضحك سعد محاولا كتم ضحكته

وهمس جمال لأنس
أنس فريدة بتسألك

لينظر له أنس
اه سمعت سمعت ياجماال

لتحاول سلمي انقاذ الموقف
فريدة حبيبتي تاكلي خيار انتي عايزة خيار صح كلي ياحبيبتي يلا

وكان عمار يتابع هو وليلي في صمت

في منزل يحيي
نزلت نهال غير مهندمة بشعرها الكيري المفرود علي ظهرها وهي منزعجة
لتجلس حتي تأكل معهم وعندما رأها يحيي اخذ ينظر في الجريدة حتي لا يضحك
والجميع كان ينظر لها

لتتحدث
مالكم في ايييه بتبصولي كده ليه

ليرد محمد
ولا حاجة يابطل تاكلي بيض

لترمقه بغيط

ليتحدث علي
هو انتي منمتيش ولا ايه

لتتحدث نجمة
ايوة طبعا هي كده البت لما يجيلها عريس بتبقي مش عارفة تنام

وقد رمت نجمة القنبلة من جديد فرمقها يحيي بغيظ

لترد نهال
ماما انتي قولتي ايه دلوقتي ؟؟