النهاردة بكتب اول بوست ليا واتمني انه ميكونش الاخير
النهاردة بحارب اكتر حاجة بعاني منها في حياتي
وهي الرهاب الاجتماعي
وكل ده علشان الرواية دي اللي عمرها ما كانت هتطلع للنور وبفضل صاحبة ليا وتشجيعها اخدت خطوة عمرها ما كانت في دماغي
أنيسي هو عالم محدش عاش فيه غيري لكن النهاردة عايش معايا فيه الرقم اللي قدامكم
كل رقم بيزيده أنيسي بيطلعني لسابع سما مش علشان انا عايزاهم يزيدوا لمجرد الزيادة ولكن علشان بحس اني فخورة بنفسي
انا وعدت نفسي وعد
اي كان أنيسي هتوصل لفين واي كان هيجيلي عليها كومنتات سلبية او ايجابية انا في كل الاحوال هفضل مبسوطة وفرحانة بيها هي انجازي اللي بيرجعلي ثقتي في نفسي
انا ممتنة لكل لحظة كتبت فيها جملة من الرواية دي والله
علشان هي اكتر حاجة بتفرحني في الدنيا بجد
ولما جيت اكتب أنيسي حطيت فيها شخصيات ساعات بندور عليها بندور عليها في نفسنا او في اللي حولينا
اخ سند واخت حنونة اب بيطبطب وام بتحتوي
عيلة نتحمي فيها ونستقوي بيها وصحاب كتف في كتف
ومشاعر جميلة نفسنا نعيشها مع ناس بنحبها
واكيد برضه مشاكل منتمناش نعيشها وصفات مش بنحبها
أنيسي كانت الحلم اللي محلمتهوش
خيال كان بعيد عن ايدي تماما في عالمي الخاص
علشان يخرج فجأة للعالم ويبقي جزء من كل حد بيقراه مش جزء مني بس فمن القلب للقلب شكرا❤️
ملحوظة
١-انا هاوية مش كاتبة بدرجة امتياز بكتب اللي جه في خيالي
٢-الغلاف ناس كتير اوي هتحس انه مش احسن حاجة بس الحقيقة انا بعتز بالغلاف ده لاني انا اللي عملته
الناس المحترفين هيقولوا انه مخدش مني ربع ساعة لكن في الحقيقة انا قعدت اعمله في اسبوع لاني مبعرفش اعمل غلاف لكني صممت انه يكون بإيدي
لاني كنت عايزة كل حاجة في أنيسي تكون من صنعي انا
كل شئ فيها صنع بحب❤️
أنت تقرأ
أنيسي
Romanceظننت أن القدر أبكاني، لكن كل طرقي المظلمة أدت إلى نورك في النهاية. خبأتك في ظلامي حتى لا يعلموا مصدر ضعفي، لكن نورك ظهر في عيني فأصبح ذلك الحب شقائي وشقاؤك
