أنيسي(جاري تعديل السرد)

الفصل الرابع(عادت الصغيرة)

"عجباً لهذه الدنيا فقد تتسع لتحتضنك وتضيق بك حتي تعتصر ألماً ولكنها جعلتني عالق بين هذا وذاك لأحصل علي شقائي وسعادتي في آن واحد"

كانت جميلة نائمة عندما تحسست الفراش بجانبها ولكنها لم تجده لتفتح عينيها تبحث عنه ولكن كانت النتيجة واحدة فلم يكن بالمنزل منذ أمس لم يمضي ليلته بين ذراعيها وقد امسكت بهاتفها لعلها تصل إليه ولكنه لم يكن متاحا لها او لغيرها فقد رحل بعيدا اسرعت لتبدل ملابسها وقد تحرك الي اسفل لعلها تجد ما يطمئنها ولكن عند وصولها لم تجد سوي سعد لتستجوبه

أنس فين ياسعد

=هو ايه اللي فين انا لسه جي هو مش هنا

- لا شكله منامش هنا من امبارح انا فضلت مستنياه ونمت في الاخر محستش

= طيب هتصلك بيه

- مقفول ياسعد

استمع كلاهما الي صوت الباب فقد فتحه أنس ليتحرك نحوهم ولكنه لم يكن في حالة مزاجية تسمح له بالمناقشة ولكنها حسمت امرها فقد وقفت امامه لعله يخبرها بما يريحها

انت كنت فين

=كان عندي شغل وبعدين روحت قعدت شوية مع حسن

-والله بجد تسيب مراتك طول الليل علشان تروح لصحبك

=جميلة انا مش سايبك في الشارع وسبيني دلوقتي علشان ألحق ألبس زهرة عندها مشاوير وعايزاني

-واشمعني انت بقي والنهاردة بالذات

عقد سعد حاجبيه واجابها بدلا من شقيقه
في ايه ياجميلة من امتي بنقول اشمعني وايه المشكلة

=سيبها ياسعد خليها تسأل براحتها وتشوف مين هيجاوبها انا طالع أغير هدومي مش فاضي للهبل ده

كان شقيقه يعلم انه غاضبا حتي لو لم يتحدث إليه فقد فضل سعد تركه لبعض الوقت قبل ان يتدخل

بينما بمنزل زهرة جلس عمر امامها يفحص ضغطها بعد ان جاء مباشرة من عمله ليطمئن عليها ولكنه تفاجئ انها ارتدت ملابسها استعدادا للخروج وكعادتها لم يستطع اقناعها بالعدول عن ما برأسها تستمع الي تذمره المتكرر

يعني مصممة تخرجي وانتي عارفة انك تعبانة هو انا كلامي مبيتسمعش كده خالص طب اجبلك مين يقدر عليكي حتي سليم مهكراه بكلامك المعسول ده
عملاله عمل ياست انتي

=بس ياولة انا مش هعمل مجهود بطل زن بقي هركب عربية أنس ومش هنزل منها ياسيدي وأدويتي معايا واخدت حياة كمان علشان تاخد بالها من المواعيد بتاعت الادوية روح نام بقي اختك هتوصل بالليل

- ماشي يازهرة يامغلباني بس فين ماما وليلي علي الصبح كده

=صحتهم ونزلتهم يجيبوا كل حاجة ناقصة ل بليل علشان تبقي ليلة حلوة احفادي واولادي كلهم كامليين النهاردة يلا امشي بقي خليني اكمل لبس