أنيسي

الفصل الثاني والسبعون(جحيم الحقيقة)

"احيانا تصارعنا افكارنا لمعرفة الحقائق لعلها تريحنا ولكننا نسقط في جحيم وعينا لتصبح بصيرتنا مصدر شقائنا ولتصبح الحرب بداخلنا.."

استيقظ أنس وما ان فتح عينيه حتي وجدها بجانبه لا تطالعه يبدو عليها بعض الانزعاج

ايييه ده مالك

=ابعد عني

-ابعد عنك ليه انتي ملبوسة انا عملت ايه

=علشان انت بني ادم قليل الادب ازاي تسمح..

ليقاطعها واضعا يده علي فمها
نهال الجملة دي مينفعش تتقال في موقفنا ده ابوس ايدك

استمع الي صوت ضحكاتها فقد نالت منه ليتحدث
بقي كده ماشي مردودالك

=بس ده ميمنعش انك قليل الادب

عاد ليرخي جسده علي الفراش مرة اخري وقد فتح ذراعيه مبتسما

طب قليل الادب عايز حضن هتديهوله بالذوق ولا اقوم اتصرف انا

اسرعت تحتضنه وقد حاوطها بذراعيه متحدثة
لا خلاص اهو

-ايوة ناس تخاف

=هو انت هتسيبني النهاردة وتنزل

-صدقيني لو عليا مش عايز اتحرك بس كل واحد عامل قلق سلمان وكرم واخوكي عمر كلهم

وبدلالها الذي لا يقوي علي مقاومته تحدثت
طب متعتبرني عاملة قلق وتقعد معايا

اقترب هامسا
طب مانتي فعلا عاملة قلق في دماغي طول الوقت

=طب قوم اتصلي بماما

-مابلاش نجمة هنطلع في النشرة الاخبارية

=انا وعدتها معلش

-طيب اتصلي بيها انتي عقبال مااخد دوش وألبس

كان حسن امام شاطئ البحر بجانب مطعمه يشعر بالذنب اتجاه اميرة فقد زاد من معاناتها وقد تحدث الي نفسه مبررا

ماهي كمان مكنش ينفع يعني تخبي كل ده..لا بس انا غلطان برضه

قاطعه والده

في ايه ياحسن انت بتكلم نفسك

=لا بس زعلت حد كده ومضايق

-قصدك البنت اللي كنت بتزعقلها امبارح

=كده يابو حسن بتراقبني

-انت اللي صوتك كان عالي

=بجد صوتي كان عالي اوي يعني

-اه والا مكنتش جريت تعيط ومشيت

=اااه ده انت متابع بقي

ضحك سامي مكملا
انا معرفش مين دي بس انت غلطان محدش يزعق كده ابقي صالحها بقي

قالها سامي بمكر ليتحدث حسن
خللي بالك مش مرتحلك وعلي فكرة دي قريبت أنس وعملت حاجة ضيقته علشان كده زعقت وعلشان كده بعتذر ماشي ياسامي