أنيسي

الفصل الحادي والثمانون(الإبن الجديد)

"بين ذراعيكِ تنتهي الحرب وينتهي الضجيج بين ذراعيكِ الهروب والسلام والسكينة"

مرت الايام كانت نهال تتابع عملها مع الفريق الذي كلفها عادل برئاسته كانت اعمارهم تتقارب من عمرها بل كان البعض يكبرها ولكن خبرتها قد طغت علي الجميع وقد استدعي عادل نهال متحدثا

نهال عايزك في مكتبي

لتنفذ نهال ماطلبه عادل وقد دخلت الي مكتبه وبإبتسامة تحدثة

ايوة يااستا..

لم تكمل جملتها بعد ان رأت ذلك الجالس يلتف اليها بإبتسامة تحمل ما بداخله من نوايا تستمع الي حديثه

كنت جي اكلم عادل في شغل قالي انك شاطرة وبقيتي مسئولة عن تيم كله شباب زي الورد

همست في قرارة نفسها بتذمر وخوف مما هو قادما
الله يخربيتك ياعادل زي ماخربت بيتي

ليكمل عادل مادحا فتاته
لا نهال شاطرة جدا وهما بالرغم انهم في سنها لكن بيتعلموا منها

لتهمس مرة اخري بعد ان بدا التوتر جاليا علي وجهها
عادل انت مبتخرسش ليه

وبإبتسامة ماكرة تحدث
لا انا محتاج اشوف نهال وهي مع التيم بتاعها ممكن ياعادل

=المكتب مكتبك ياأنس

وقف وقد تحرك نحوها ممسكا بذراعها ليغادر معها حاولت ايقافه بعد ان تحركت معه

-ممكن تسيب ايدي علشان اتكلم

=بقيتي مسئولة عن الشباب ياحبيبتي لا انا فخور بيكي بصراحة

-طب مانت مشغل عندك واحدة مسهوكة انا اتكلمت

=تاني هتعملي راسك براسي

-اااه

=امشي قدامي وريني التيم بتاعك

-احنا عندنا اجتماع دلوقتي مش وقته

=انا بموت في الاجتماعات يلا بينا

لتهمس نهال متصنعة البكاء

هو يوم اسود

=انتي بتقولي ايه

-ولا حاجة اتفضل

استمع زين الي هاتفه وما ان وجد اسم والدته حتي اجاب ليستمع الي صراخها

ألحق يازين امال تعبانة اوي

لم ينتظر ليستمع الي باقي حديثها فقد ركض نحو سيارته متجها بها الي قصره

دخل أنس الي غرفة الاجتماعات ليري بعض الفتيان وفتاتان لتتحدث نهال بضجر

اقدملكم استاذ أنس عميل عندنا مهم جدا

لم تكمل نهال تقديمه ليهمس اليها
طب بالنسبة لجوزي اللي اتقصت دي ولا انتي هتعملهالهم مفاجأة في الاخر