"كم كانت اللحظات تمر سريعا ولكن رغم ذلك لم يتمني العاشقان سواها لتجمعهما تلك اللحظة التي ستحتضن عينيه عينيها ليشعر بالسلام الذي طالما شعر به عند اقترابها ولتشعر بالأمان عند رؤيته امامها"
دخل أنس الي حسن قائلا
بص بقي انا همشي دلوقتي وبكرة هكون عندك
ليكمل موجها حديثه اليها
يلا يانهال
=لا انا هقعد شوية وبالليل هبقي اجي
-مينفعش تروحي لوحدك وتدخلي الحي لوحدك
=طيب خلاص ابقي تعالي خدني بالليل انا مش عايزة اروح دلوقتي
تخشي ان تذهب معه وتشعر بخوفه علي جميلة او مواسته لها
يعلم انها تشعر بالضيق ليتركها
ماشي بالليل هرجعلك
ليذهب أنس ليتسائل حسن
هو رايح فين
وكأنها لا تقوي علي الاجابة ولكنها اجابته
لجميلة
تخابث حسن
علشان كده زعلانة
=انا مش زعلانة هزعل ليه
ابتسم بسخرية
انا كنت فاكر انه هو الوحيد اللي مخه ناشف لكن الظاهر
لا
=هو قالك علي زمان
-محدش يعرف اللي حصل بينكم زمان
=يعني مقالكش هو بيكرهني قد ايه
-كل اللي كان بيقوله انه مش هيحكي وحكالي انكم كنتم بتحبوا بعض وحصل حاجة فرقتكم لكن مقاليش لا ليا ولا لغيري
=انا هطلع اقف برا شوية
استمعت الي صوت حسن يناديها
نهال
لتنظر له ليكمل
أنس مش محتاج غيرك متسيبهوش
ابتسمت له بحزن لتخرج من المكان بعيدا لتحاول السيطرة علي مشاعرها
كان جمال يتحدث عبر الهاتف
بقولك ايه عايز بيت في حته بعيدة متكونش قريبة من الحي ابعد مما تتخيل
ليتحدث السمسار
عيوني هبعتلك صور لكذا حاجة واختار براحتك
كانت كريمان في غرفة ابنتها التي امتنعت عن الطعام والشراب تبكي فقط فقد ضاع املها من جديد في ان تصبح ام
لتتحدث كريمان
متزعليش ياحبيبتي والله ربنا هيكرمك انا جيبالك وصفة جديدة
=ياماما كفاية بقي انا تعبت وصفاتك دي بتتعبني
ومش بتجيب نتيجة
-يابت دي متجربة
دخل أنس لتقف كريمان قائلة
لا مش مصدقة العريس هنا
=حماتي والله وحشتيني
-اومال فين عروستك اباركلها
=لا مانا مخبيها خايف عليها من العين بقي
أنت تقرأ
أنيسي
Romanceظننت أن القدر أبكاني، لكن كل طرقي المظلمة أدت إلى نورك في النهاية. خبأتك في ظلامي حتى لا يعلموا مصدر ضعفي، لكن نورك ظهر في عيني فأصبح ذلك الحب شقائي وشقاؤك
