أنيسي

الفصل الستون(مواجهة سلاح الليث)

"لم يمتلك ذلك الفتي شجاعة الليث فقط بل عينيه وقوته ولكن لم يكن الليث الوحيد فعندما ينظر بمرآته يري الاخر امامه يمتلك نفس شجاعته وقوته والان سيواجه كلاهما الاخر ليقرر مصيرهما من سيصبح ملك تلك الغابة القاسية"

كان أنس بجانب جميلة حتي فاقت وقد كانت نهال تقف بجانب فراشها وقد عقدت ذراعيها منتظرة عودتها الي وعيها

ايه اللي حصل ياجميلة

ادركت جميلة خطورة وضعها فإذا توترت سيعلم أنس بخطتها ومافعلته لتتحدث

=مش عارفة حسيت نفسي دايخة

-انتي مكلتيش ولا ايه

=اه

لمحت نهال لتلتصق به اكثر متحدثة
او ممكن اكون حامل

طالعت نهال أنس بنفاذ صبر ليتحدث

لا انتي هتلاقيكي عملتي مجهود بس ارتاحي بقي شوية

=حبيبي انا كل ما اطل في وشك برتاح

لتتحدث نهال
تحبي نقعد كلنا معاكي نسليكي ولا اشغلك شوية اغاني تريح اعصابك ولا اغنيلك انا

ليتحدث أنس
لا لا احنا هنسيبها ترتاح وشوية وهاجي ابص عليها

=لا وعلي ايه خليني انا قاعدة معاها ياأنس

تحرك أنس ليقف بجانبها
اه علشان اجي الاقي واحدة فيكم مخلصة علي التانية صح كده قدامي يانهال

خرجت نهال مع أنس ومن خلفهما ليلي التي تحدثت
مش يمكن تكون حامل بجد ياأنس

تستمع الي ليلي في ثبات ولكن قلبها يهوي تتخيل لو اصبح ذلك الكابوس حقيقيا ايضا

ليجيب أنس مقاطعا تفكير نهال
حمل ايه ياماما مانتي عارفة اللي فيها هي بس جميلة بتحاول تتعلق بأي امل سبيها ترتاح شوية

نزلت ليلي الي اسفل بينما تحدثت نهال
انا هطلع بقي

امسك بيدها ليوقفها
مالك

=ولا حاجة عادي

-انتي خوفتي يانهال صح

يعلمها جيدا يري ذلك في عينيها يعلم انها ستهرب ايضا الان لتتحدث

لا وهخاف من ايه انا طالعة انام تصبح علي خير

هربت نهال ليودع طيفها بإبتسامة بينما هاتف امير تلك الفتاة متحدثا

-شاطرة وعجبتيني ياغزل

=اي خدمة اللي انت عايزه يتعمل اكيد مادام هقدر انتقم من كرم

Flash back
هربت غزل من كرم واثناء هروبها صدمتها سيارة ليتم نقلها للمستشفي وبعد مرور بعض الايام فاقت من تلك الحادثة ولكنها خسرت الكثير