أنيسي

الفصل التاسع والثمانون(منذ زمن)

في ذلك القصر الذي تشعر بالهيبة اتجاهه سكن جلال العربي احدي اكبر تجار السلاح وقد فتح شركات له لكثير من التجارة الحرة ونعم بالسلام مع زوجته واولاده الثلاث نادية مريم زين

نزلت راضية من غرفتها لتجد الطعام علي الطاولة لتهز رأسها يإنه لا فائدة لتلمح ابنتها قادمة وقد امسكت بباقي الطعام لتتحدث بإستغراب

يامريم اصحي قبلك ايه اكتر من كده

=بابا قال انه نازل بدري

-يعني هتاخدي بالك من جوزي اكتر مني

ليقاطعهم جلال الذي ارتفع صوته مازحا
ايوة بنتي حبيبتي وخايفة عليا وبتصحالي بدري

-بقي كده ياجلال ماشي ما قبل ماهي تيجي للدنيا مكنش في غيري

لتتحدث مريم مؤكدة
ولحد دلوقتي ياست الكل مفيش غيرك ومفيش زيك يلا بقي اقعد يابابا

ليتحدث جلال
طب وزين ونادية

لتجيبه ابنته
لسه نايمين ونادية مش بتصحي دلوقتي وزين لما يصحي انا بفطره

-طب اقعدي افتحي نفسي انتي بقي

لتجلس مريم مع والديها بينما بمنزل غالي استيقظ فتي العائلة الوسيم ذلك الشاب الذي كتُب مستقبله منذ ولادته كونه سيصبح كبير العائلة والحي خلف والده نزل عمار الي والده الذي تحدث

ايه ياعمار اللي مصحيك بدري كده

وقبل ان يجيبه دلف يحيي الي المنزل ليرفع غالي حاجبيه متحدثا

كمان يحيي

خشي عمار ان يطالع الده حتي لا ينكشف ولكنه تحدث
معلش يابابا اصلي يحيي بقاله كام يوم تعبان

عقد يحيي حاجبيه بعد ان جلس يرتشف بعض الشاي  مين اللي تعبان

اقترب عمار من يحيي يطالعه بتحذير ليفهم يحيي وقد تصنع المرض متأوها

اااااه ااه ياعمي انا تعبان فعلا

ليكمل عمار حديثه
ولما سألنا علي الدكتور قالوا بيجي بدري

-طب روحوا ولما تخلصوا طمنوني

خرج كلاهما ليتحدث يحيي بتذمر
يعني انت رايح تحب انا ذنبي ايه

=اركب من سكات انجز

كانت مريم تستعد بعد ان ذهب والدها لتتحدث راضية رايحة فين يامريم

=هجيب شوية حاجات ناقصة ياماما

-طب ماتقولي لأي حد من اللي تحت يجبولك اللي انتي عايزاه

=لا اصلي هي حاجاات بناتي

-احلي بنات يانن عين امك ماشي روحي بس متتأخريش

وفي شركة جلال جلس راغب امام شقيقه الذي تحدث
وبعدين بقي معاك ياراغب قولتلك البت مش حبه