"طلما كان الطريق امام الحق رحلة من المخاطر ربما ستكلفنا حياتنا ولكن الإيمان بذلك الطريق هو مايجعلنا نصل او نموت منتصرين بالسعي نحوه"
كانت بعيدة عن عالم الواقع تسبح في خيالها مع حبيبها أنس ترقد علي فراش الموت منتظرة قدومه فهي محاولة انتحار حقيقية هذه المرة وقد وصل للمشفي ومعه حسن الذي ركض خلفه وقد ركض سلمان الي عمار بناء علي رغبة أنس ليجد كريمان تصارع واقعها لمحته وسط نحيبها لتسرع اليه
يارب تكون مبسوط دلوقتي
اخرجت اليه ملابس جميلة الملطخة بالدماء وضعتها امام عينيه
اطمن دم حقيقي مش كده وكده
اختار الا يجيبها وتحرك نحو غرفة جميلة ليدخلها وقد اغلق الباب خلفه تحرك ليجلس بجانبها يتحسس يدها المحاطة بالضمادة شعرت به لتفتح عينيها ببطئ وقد اخرجت صوتها
أنس
=حمدلله علي سلامتك
-اخترت الطريقة دي علشان كانت بجد لما لقيتك مش فارق معاك وجودي في الدنيا يبقي الدنيا كلها ملهاش لازمة ياأنس
لم يجيبها فقد ألمته بإنتقامها من نهال والان بفعلتها لتكمل
انا زعلانة منك ياأنس انا غلطت غلط جامد بس انت كان عندك استعداد تسامح اي حد مرة واتنين وجيت عندي مع اول غلطة رمتني انت كنت بتتلكك علشان متبقاش معايا ياأنس انا حسه اني موجوعة اوي للدرجادي انا مستهلش استاهل العقاب لكن مستهلش تحن عليا ياأنس للدرجادي
=كفاية كلام ياجميلة علشان متتعبيش
رأي عبراتها والقهر بصوتها
متعبش انا ميتة اصلا ياأنس انا حتي معرفش هما لحقوني ازاي انا قولت دي اسرع حاجة تريحني وتريحك
=ومين قال انك لو عملتي كده انا هرتاح ياجميلة انتي وجعتيني انا متخيلتش انها هتيجي منك هزيتي ثقتي فيكي بس ده مش معناه اني كنت بتلكك انا عمري محسستك اني مش عايزك لاني مش دي الحقيقة اكيد
-سامحني سامحني ياأنس
مسح علي يدها وبإبتسامة تحدث
عايزك ترتاحي علشان نرجع مع بعض بيتك
وفي تلك اللحظة ظهرت ابتسامتها وسط بكائها
بجد ياأنس
=بجد انا مطلبتش منك تسبيه ياجميلة ده بيتك
-انا يوم مهبقي مش علي ذمتك او يوم مهتكرهني هتكون نهايتي زي دلوقتي
=بعد الشر عليكي بطلي دلع بقي ولا انتي بتعملي
كل ده علشان افضل قاعد قدامك
-ادفع عمري وتفضل جمبي
وقف وقد قبل رأسها ثم تحدث
انا هسيبك ترتاحي وهرجعلك
أنت تقرأ
أنيسي
Romanceظننت أن القدر أبكاني، لكن كل طرقي المظلمة أدت إلى نورك في النهاية. خبأتك في ظلامي حتى لا يعلموا مصدر ضعفي، لكن نورك ظهر في عيني فأصبح ذلك الحب شقائي وشقاؤك
