أنيسي

الفصل السبعون(تضحية حبيب)

"يشعر المرء بالشجاعة ويقبل علي التضحية بإبتسامة عندما تخص عائلته وأحبته يعلم ان تلك الحياة ما هي إلا رحلة تكتمل بتحقيق احلام الأحِبة ورؤيتهم سعداء
فما حياة بدونهم لأنهم الحياة.."

استيقظت نهال لتجد أنس بجانبها يطالعها وقد وضع يده اسفل وجهه مبتسما

ايه ده انت جيت امتي

=جيت بالليل لقيتك نمتي

-هو انت منمتش

=سلمان عايز يتجوز سندس

وقبل ان تتحدث قاطع صدمتها صوت هاتفها وقد اجابت فهي تعلم هوية المتصل

ألو ياسهر

=نهال ألحقي عمر انا حولت اوصله معرفتش

فزعت نهال من نبرة سهر لتهب من فراشها
في ايه ياسهر ماله عمر

=خالي ناويله علي شر انا سمعته النهاردة بيأكد علي الحرس انهم يروحوا ورا عمر

اتسعت عينيها وامتلأت بالخوف علي شقيقها لتلتف للذي وقف خلفها منتظر تفسيرا

عمر ياأنس

كانت تنعم سالي ببعض الهدوء علي صدر امير بشقتها التي اعتاد التردد عليها لتتدلل متحدثة

بقولك ايه ياامير متسيبك من نهال وسيبنا نقتلها ارمي طوبتها زي مانا رميت طوبة أنس

=اللي زيك ياسالي مش هيفهم

حركت رأسها تطالعه بإنزعاج وقد رفعت احدي حاجبيها
قصدك ايه انت هتلبخ

=نهال عندي اهم مني انا شخصيا طول عمري بحبها
طول عمري بحلم بيها بشم ريحتها ضحكتها عمرها ماغابت عني حتي وهي غايبة

-انا ساعات بخاف من حبك ليها ده والله

=حبي ليها ملهوش حدود ياسالي

يراها امامه كلما تحدث عنها يشعر بها بجانبه كما تمني طيلة حياته فهو مريض بها

ركض أنس ومن خلفه نهال الي الحي ثم توقف ليمسك بها محاولا تهدأتها

هتخبطي تسألي علي عمر وحاولي تهدي علشان مامتك متحسش بحاجة

لا تشعر بدمائها تسري في جسدها فقدت السيطرة تحاول استجماع قوتها لتدق باب منزل والدتها وما ان فتحت نجمة حتي ارتفع صوتها

نهال حبيبتي تعالي

=معلش ياماما شوية وهاجي اقعد معاكي انا بس محتاجة عمر

-عمر بايت من امبارح في المستشفي بس خلاص قرب يخلص وجي

=اصله مش بيرد عليا

-اه نسي تليفونه هنا وعمال يرن

=تمام ياماما هروح مشوار وارجعلك