أنيسي

الفصل الثاني والثمانون(أسفة اخي)

"تحتفظ القلوب بأسرار دفينة احيانا قد تجلب السعادة ولكنها بلا شك بوابة الجحيم الذي لا يفرق بين من يستحقون وبين ضحايا تلك الاسرار"

كان مالك صاحب السابعة عشرة عاما يجلس امام يحيي ونجمة وكلاهما يدقق النظر اليه يشعر يحيي بأنه سيفقد عقله

يابني فهمنا انت بتقول ايه

=ياعمو انا بقالي ساعتين بقول لحضرتك انا مالك شمس غالي

-ده اللي هو ازاي يابني ازاي يعني

=طب ممكن حضرتك تجبلي بابا وانا هشرح كل حاجة

ارتفع صوت يحيي وقد اتسعت عينيه من سماع كلمات ذلك الفتي

تاني هيقولي بابا

لتتحدث نجمة محاولة الهدوء امام الصبي التي شعرت بخوفه

يابني انت متأكد من اللي بتقوله ده

=انا عيشت سنين ادور وافهم واتأكد ارجوكم وصلوني بيه

هز يحيي رأسه مستنكرا ثم وجه حديثه الي نجمة
بقولك ايه اتصليلي بأنس

كان كمال امام الضابط يحاول منعه من وضع مروان وعزيز تحت المراقبة بالمشفي

ياحضرة الظابط مفيش داعي لكل ده اول ما حالتهم تتحسن انا هجيبهم بنفسي

ليجيب الضابط كمال
انا بعمل شغلي وكمان انا مدخلتش قبضت عليهم يعني

لتهمس سالي الي خالد
وبعدين هنعمل ايه

=مروان وعزيز لازم يختفوا والا البوليس هيقبض عليهم انا بلغني انهم متصوريين بالمخدرات غير دمهم اللي مليان مخدرات

لتهمس سالي لنفسها
وبعدين ياأنس في نارك اللي مش بتبرد دي

ارتفع صوت الباب لتذهب نجمة التي لم ترحب بأنس كان عقلها يدور تنتظر اجابات علي وضع ذلك الصبي بالداخل

في ايه يانجمة صوتك بيقول اني في مصيبة

كان يتحدث متوجها الي الداخل ليري يحيي الذي اعتلي وجهه ابتسامة يعلمها أنس ليطالع الفتي بجانبه ثم استمع الي عمه الذي شاور يقدم مالك اليه

اقدملك مالك شمس غالي

اجابت اميرة علي هاتفها تستمع الي مزاحه المصحوب بالتذمر

بقي كده بتهربي مني

=حسن انا متوترة ومكسوفة ومش عارفة اتكلم

ضحك حسن وقد زاد من توترها بحديثه
اه مانا عارف ومتخيلك كمان بس انا مش هقفل غير لما اسمع الكلمة اللي قولتيها خطف امبارح دي

=ياحسسسن بقي

-يااميرررة

ضحكت اميرة مستمعة الي ضغطه
يلا بطلي رخامة